ന്യാസം
അസ്യ ശ്രീ ശിവസഹസ്രനാമസ്തോത്രമാലാമഹാമന്ത്രസ്യ
ശ്രീ ഭഗവാൻ തണ്ഡിഃ ഋഷിഃ, അനുഷ്ടുപ് ഛന്ദഃ
ശ്രീ പരമാത്മാഃ മഹാദേവോ ദേവാതാ. നമഃ ഇതി ബീജം
ശിവായേതി ശക്തിഃ ചൈതന്യമിതി കീലകം
ശ്രീ മഹാദേവപ്രസാദസിദ്ധ്യർഥേ വിനിയോഗഃ
ധ്യാനം
ശാന്തം പത്മാസനസ്ഥം ശശിധരമകുടം പഞ്ചവക്തം തിതം ശൂലം വജ്രം ച ഖഡ്ഗം പരശുമഭയദം ദക്ഷഭാഗേ വഹന്തം നാഗം പാശം ഘണ്ടാം പ്രളയഹുതവഹനം’ ചാങ്കുശം വാമഭാഗേ നാനാലങ്കാരയുക്തം സ്ഫടികമണിനിഭം പാർവതീശം നമാമി
വന്ദേ ശംഭുമുമാപതിം സുരഗുരും വന്ദേ ജഗത്കാരണം
വന്ദേ പന്നഗഭൂഷണം മൃഗധരം വന്ദേ പശൂനാം പതിം
വന്ദേ സൂര്യശശാങ്കവഹ്നിനയനം, വന്ദേ മുകുന്ദ്രപ്രിയം
വന്ദേ ഭക്തജനാശ്രയം ച വരദം, വന്ദേ ശിവം ശങ്കരം
ശ്രീ വാസുദേവ ഉവാച
തതഃ സ പ്രയതോ ഭൂത്വാ മമ താത യുധിഷ്ടിര
പ്രാഞ്ജലിഃ പ്രാഹ വിപ്രർഷിർനാമ സംഗ്രഹമാദിതഃ1
ഉപമന്യുരുവാച
ബ്രഹ്മപ്രോക്തൈർഋഷി പ്രോക്തൈര്വേദവേദാംഗസംഭവൈഃ
സർവലോകേഷു വിഖ്യാതം സ്തുത്യം സ്തോഷ്യാമിനാമഭിഃ2
മഹത്ഭിർവിഹിതൈഃ സത്യൈഃ സിദ്ധൈഃ സർവാർത്ഥ
സാധകൈഃ
ഋഷിണാ തണ്ഡിനാ ഭക്ത്യാ കൃതൈർവേദകൃത്യാത്മനാ3
യഥോക്തൈഃ സാധുഭിഃ ഖ്യാതൈർമുനിഭിസ്തത്വദർശിഭിഃ
പ്രവരം പ്രഥമം സ്വർഗ്യം സർവഭൂതഹിതം ശുഭം4
ശ്രുതൈഃ സർവത്ര ജഗതി ബ്രഹ്മലോകാവതാരി തൈഃ
സത്യൈസ്തത് പരമം ബ്രഹ്മ ബ്രഹ്മപ്രൊക്തം സനാതനം5
വക്ഷ്യേ യദുകുലശ്രേഷ്ഠ ശൃണുഷ്വാവഹിതോ മമ
വരയൈനം ഭവം ദേവം ഭക്തസ്ത്വം പരമേശ്വരം6
തേന തേ ശ്രാവയിഷ്യാമി യത്തൽ ബ്രഹ്മസനാതനം
ന ശക്യം വിസ്തരാൽ കൃത്സ്നം വക്തും സർവസ്യ കേനചിൽ7
യുക്തേനാപി വിഭൂതിനാമപി വർഷശതൈരപി
യസ്യാദി മധ്യമം തം ച സുരൈരപി ന ഗമ്യതേ8
കസ്തസ്യ ശക്നുയാദ്വക്തും ഗുണാൻ കാർത്സന്യേനമാധവ
കിം തു ദേവസ്യ മഹതഃ സംക്ഷിപ്താർഥപദാക്ഷരം9
ശക്തിതശ്ചരിതം വക്ഷ്യേ പ്രസാദാത്തസ്യ ധീമതഃ
അപ്രാപ്യ തു തതോഽനുജ്ഞാം ന ശക്യഃ സ്തോതുമീശ്വരഃ10
യദാ തേനാഭ്യനുജ്ഞാതഃ സ്തുതോ വൈ സ തദാ മയാ
അനാദിനിധനസ്യാഹം ജഗദ്യോനേർമ്മഹാത്മനഃ11
നാമ്നാം കിഞ്ചിത് സമുദ്ദേശം വക്ഷ്യാമ്യവ്യക്തയോനിനഃ
വരദസ്യ വരേണ്യസ്യ വിശ്വരൂപസ്യ ധീമതഃ12
ശൃണുനാമ്നാം ചയം കൃഷ്ണ യദുക്തം പദ്മയോനിനഃ
ദശനാമസഹസ്രാണി യാന്യാഹ പ്രപിതാമഹഃ13
താനിനിർമ്മഥ്യ മനസാ ദധ്നോ ഘൃതമിവോദ്ധ്യതം
ഗിരേഃ സാരം യഥാ ഹേമ പുഷ്പസാരം യഥാ മധു14
ഘൃതാത്സാരം യഥാ മണ്ഡ സ്തഥൈതത്സാരമുദ്ധ്യതം
സർവപാപാപഹമിദം ചതുർവേദ സമന്വിതം15
പ്രിയത്നേനാധിഗന്തവ്യം ധാര്യം ച പ്രയതാത്മനാ
മാംഗല്യം പൗഷ്ടികം ചൈവ രക്ഷോഘ്നം പാവനം മഹൽ16
ഇദം ഭക്തായ ദാതവ്യം ശ്രദ്ധധാനാസ്തികായ ച
നാശ്രദ്ധദാനരൂപായ നാസ്തികായാജിതാത്മനേ17
യശ്ചാഭ്യസൂയതേ ദേവം കാരണാത്മാനമീശ്വരം
ന കൃഷ്ണ നരകം യാതി സഹ പൂർവൈഃ സഹാത്മജൈഃ18
ഇദം ധ്യാനമിദം യോഗമിദം ധ്യേയമനുത്തമം
ഇദം ജപ്യമിദം ജ്ഞാനം രഹസ്യ മിദമുത്തമം19
യം ജ്ഞാത്വാന്തകാലേപി ഗച്ഛേത പരമാം ഗതിം
പവിത്രം മംഗളം മദ്ധ്യേം കല്യാണമിദമുത്തമം20
ഇദം ബ്രഹ്മാ പുരാ ധൃത്വാ സർവലോകപിതാമഹഃ
സർവസ്തവാനാം രാജത്വേ ദിവ്യാനാം സമകല്പയത്21
തദാപ്രഭൃതി ചൈവായമീശ്വരസ്യ മഹാത്മനഃ
സ്തവരാജ ഇതിഖ്യാതോ ജഗത്യമരപൂജിതഃ 22
ബ്രഹ്മലോകാദയം സ്വർഗേ സ്തവരാജോഽവതാരിതഃ
യതസ്തണ്ഡിഃ പുരാ പ്രാപ്തേന തണ്ഡികൃതോഽഭവൽ23
സ്വർഗാച്ചൈവാത്ര ഭൂർലോകം തണ്ഡിനാഹ്യവതാരിതഃ
സർവമംഗളമാംഗല്യം സർവപാപപ്രണാശനം24
നിഗദിഷ്യേ മഹാബാഹോ സ്തവാനാമുത്തമം സ്തവം
ബ്രഹ്മണാമപി യദ്ബ്രഹ്മ പരാണാമപി യത് പരം25
തേജസാമപി യത്തേജസ്തപസാമപി യത്തപഃ
ശാന്താനാമപി യഃ ശാന്തോ ദ്യുതീനാമപി യാ ദ്യുതിഃ26
ദാന്താനാമപി യോ ദാന്തോ ധീമതാമപി യാ ച ധീഃ
ദേവാനാമപി യോ ദേവഃ ഋഷീണാമപി യസ്ത്വൃഷിഃ27
യജ്ഞാനാമപി യോ യജ്ഞഃ ശിവാനാമപി യഃ ശിവഃ
രുദ്രാണാമപി തോ രുദ്രഃ പ്രഭാ പ്രഭവതാമപി28
യോഗിനാമപി യോ യോഗീ കാരണാനാം ച കാരണം
യതോ ലോകാഃ സംഭവന്തി ന ഭവംതി യതഃ പുനഃ29
അഷ്ടോത്തരസഹസ്രം തു നാമ്നാം സർവസ്യ മേ ശൃണു
യൽശ്രുത്വാ മനുജവ്യാഘ്ര സർവാൻ കാമാനവാപ്ത്യസി30
ഓം നമഃ ശിവായ
സഹസ്രനാമം
ഓം സ്ഥിരഃ സ്ഥാണുഃ പ്രഭുർഭീമഃ പ്രവരോ വരദോ വരഃ
സർവ്വാത്മാ സർവ്വവിഖ്യാതഃ സർവ്വഃ സർവ്വകരോ ഭവഃ1
ജടീ ചർമ്മീ ശിഖണ്ഡീ ച സർവ്വംഗഃ സർവ്വഭാവനഃ
ഹരശ്ച ഹരിണാക്ഷശ്ച സർവ്വഭൂതഹരഃ പ്രഭുഃ2
പ്രവൃത്തിശ്ച നിവൃത്തിശ്ച നിയതഃ ശാശ്വതോ ധ്രുവഃ
ശ്മസാനവാസീ ഭഗവാൻ ഖചരോ ഗോചരോർഽദ്ദനഃ3
അഭിവാദ്യോ മഹാകർമ്മാ തപസ്വീ ഭൂതഭാവനഃ
ഉന്മത്തവേഷപ്രച്ഛന്നഃ സർവ്വലോകപ്രജാപതിഃ4
മഹാരൂപോ മഹാകായോ വൃഷരൂപോ മഹായശാഃ
മഹാത്മാ സർവ്വഭൂതാത്മാ വിശ്വരൂപോ മഹാഹനുഃ5
ലോകപാലോഽന്തർഹിതാത്മാ പ്രസാദോ ഹയഗർദ്ദഭിഃ
പവിത്രം ച മഹാംശ്ചൈവ നിയമോ നിയമാശ്രിതഃ6
സർവ്വകർമ്മാ സ്വയംഭൂത ആദിരാദികരോ നിധിഃ
സഹസ്രാക്ഷോ വിശാലാക്ഷഃ സോമോ നക്ഷത്രസാധകഃ7
ചന്ദ്രഃ സൂര്യഃ ശനിഃ കേതുർഗ്രഹോ ഗ്രഹപതിർവരഃ
അത്രിരത്ര്യാനമസ്കർത്താ മൃഗബാണാർപ്പ്ണോഽനഘഃ8
മഹാതപാ ഘോരതപാ അദീനോ ദീനസാധകഃ
സംവത്സരകരോ മന്ത്രഃ പ്രമാണം പരമം തപഃ9
യോഗീ യോജ്യോ മഹാബീജോ മഹാരേതാ മഹാബലഃ
സുവർണ്ണരേതാ സർവ്വജ്ഞഃ സുബീജോ ബീജവാഹനഃ10
ദശബാഹുസ്ത്വഽനിമിഷോ നീലകണ്ഠ ഉമാപതിഃ
വിശ്വരൂപഃ സ്വയംശ്രേഷ്ഠോ ബലവീരോഽബലോഗണഃ11
ഗണകർത്താ ഗണപതിർദിഗ്വാസാഃ കാമ ഏവ ച
മന്ത്രവിത്പരമോമന്ത്രഃ സർവ്വഭാരകരോ ഹരഃ12
കമണ്ഡലുധരോ ധന്വീ ബാണഹസ്തഃ കപാലവാൻ
അശനീ ശതഘ്നീ ഖഡ്ഗീ പട്ടിശീ ചായുധീ മഹാൻ13
സ്രുവഹസ്തഃ സുരൂപശ്ച തേജസ്തേജസ്കരോ നിധിഃ
ഉഷ്ണീഷി ച സുവക്ത്രശ്ച ഉദഗ്രോ വിനതസ്തഥാ14
ദീർഘശ്ച ഹരികേശശ്ച സുതീർത്ഥഃ കൃഷ്ണ ഏവ ച
സൃഗാലരൂപഃ സിദ്ധാർത്ഥോ മുണ്ഡഃ സർവ്വശുഭംകരഃ15
അജശ്ച ബഹുരൂപശ്ച ഗന്ധധാരി കപർദ്യപി
ഊർധ്വരേതാ ഊർധ്വലിംഗ ഊർധ്വശായീ നഭസ്ഥലഃ16
ത്രിജടീ ചീരവാസാശ്ച രുദ്രഃ സേനാപതിർവിഭുഃ
അഹശ്ചരോ നക്തംചരസ്തിഗ്മമന്യുഃ സുവർച്ചസഃ17
ഗജഹാ ദൈത്യഹാ കാലോ ലോകധാതാ ഗുണാകരഃ
സിംഹശാർദ്ദൂലരൂപശ്ച ആർദ്രചർമ്മാംബരാവൃതഃ18
കാലയോഗീ മഹാനാദഃ സർവ്വകാമശ്ചതുഷ്പഥഃ
നിശാചരഃ പ്രേതചാരീ ഭൂതചാരീ മഹേശ്വരഃ19
ബഹുഭൂതോ ബഹുധരഃ സ്വർഭാനുരമിതോ ഗതിഃ
നൃത്യപ്രിയോ നിത്യനർത്തോ നർത്തകഃ സർവ്വലാലസഃ20
ഘോരോ മഹാതപാഃ പാശോ നിത്യോ ഗിരിരുഹോ നഭഃ
സഹസ്രഹസ്തോ വിജയോ വ്യവസായോ ഹ്യതന്ദ്രിതഃ21
അധർഷണോ ധർഷണാത്മാ യജ്ഞഹാ കാമനാശകഃ
ദക്ഷയാഗാപഹാരീ ച സുസഹോ മധ്യമസ്തഥാ22
തേജോപഹാരീ ബലഹാ മുദിതോഽർഥോഽജിതോഽവരഃ
ഗംഭീരഘോഷോ ഗംഭീരോ ഗംഭീരബലവഹനഃ23
ന്യഗ്രോധരൂപോ ന്യഗ്രോധോ വൃക്ഷകർണ്ണാസ്ഥിതിർവിഭുഃ
സുതീക്ഷ്ണദശനശ്ചൈവ മഹാകായോ മഹാനനഃ24
വിഷ്വക്സേനോ ഹരിർയജ്ഞഃ സംയുഗാപീഡവാഹനഃ
തീക്ഷ്ണതാപശ്ച ഹര്യശ്വഃ സഹായഃ കർമ്മകാലവിത്25
വിഷ്ണുപ്രസാദിതോ യജ്ഞഃ സമുദ്രോ ബഡവാമുഖഃ
ഹുതാശനസഹായശ്ച പ്രശാന്താത്മാ ഹുതാശനഃ26
ഉഗ്രതേജാ മഹാതേജാ ജന്യോ വിജയകാലവിത്
ജ്യോതിഷാമയനം സിദ്ധിഃ സർവ്വവിഗ്രഹ ഏവ ച27
ശിഖീ മുണ്ഡീ ജടീ ജ്വാലീ മൂർത്തിജോ മൂർധഗോ ബലീ
വൈണവീ പണവീ താളീ ഖലീ കാലകടംകടഃ28
നക്ഷത്രവിഗ്രഹമതിർഗുണബുദ്ധിർലയോഽഗമഃ
പ്രജാപതിർവിശ്വബാഹുർവിഭാഗഃ സർവ്വഗോഽമുഖഃ29
വിമോചനഃ സുസരണോ ഹിരണ്യകവചോദ്ഭവഃ
മേഢ്രജോ ബലചാരീ ച മഹീചാരീ സ്രുതസ്തഥാ30
സർവ്വതുര്യനിനാദീ ച സർവാതോദ്യപരിഗ്രഹഃ
വ്യാളരൂപോ ഗുഹാവാസീ ഗുഹോ മാലീ തരംഗവിത്31
ത്രിദശസ്ത്രികാലധൃക്കർമ്മസർവ്വബന്ധവിമോചനഃ
ബന്ധനസ്ത്വസുരേന്ദ്രാണാം യുധിശത്രുവിനാശനഃ32
സാംഖ്യപ്രസാദോ ദുർവ്വാസാഃ സർവ്വസാധുനിഷേവിതഃ
പ്രസ്കന്ദനോ വിഭാഗജ്ഞോ അതുല്യോ യജ്ഞഭാഗവിത്33
സർവ്വവാസഃ സർവ്വചാരീ ദുർവ്വാസാ വാസവോഽമരഃ
ഹൈമോ ഹേമകരോഽയജ്ഞഃ സർവ്വധാരീ ധരോത്തമഃ34
ലോഹിതാക്ഷോ മഹാക്ഷശ്ച വിജയാക്ഷോ വിശാരദഃ
സംഗ്രഹോ നിഗ്രഹഃ കർത്താ സർപ്പചീരനിവാസനഃ35
മുഖ്യോഽമുഖ്യശ്ച ദേഹശ്ച കാഹളീസ്സർവ്വകാമദഃ
സർവ്വകാലപ്രസാദശ്ച സുബലോ ബലരൂപധൃത്36
സർവ്വകാമവരശ്ചൈവ സർവ്വദഃ സർവ്വതോമുഖഃ
ആകാശനിർവിരൂപശ്ച നിപാതീ ഹ്യവശഃ ഖഗഃ37
രൗദ്രരൂപോംഽശുരാദിത്യോ ബഹുരശ്മീഃ സുവർച്ചസീ
വസുവേഗോ മഹാവേഗോ മനോവേഗോ നിശാചരഃ38
സർവ്വവാസീ ശ്രിയാവാസീ ഉപദേശകരോഽകരഃ
മുനിരാത്മനിരാലോകഃ സംഭഗ്നശ്ച സഹസ്രദഃ39
പക്ഷീ ച പക്ഷരൂപശ്ച അതിദീപ്തോ വിശാമ്പതിഃ
ഉന്മാദോ മദനഃ കാമോ ഹ്യശ്വത്ഥോഽർത്ഥകരോ യശഃ40
വാമദേവശ്ച വാമശ്ച പ്രാഗ്ദക്ഷിണശ്ച വാമനഃ
സിദ്ധയോഗീ മഹർഷിശ്ച സിദ്ധാർത്ഥഃ സിദ്ധസാധകഃ41
ഭിക്ഷുശ്ച ഭിക്ഷുരൂപശ്ച വിപണോ മൃദുരവ്യയഃ
മഹാസേനോ വിശാഖശ്ച ഷഷ്ഠിഭാഗോ ഗവാമ്പതിഃ42
വജ്രഹസ്തശ്ച വിഷ്കംഭീ ചമൂസ്തംഭന ഏവ ച
വൃത്താവൃത്തകരസ്താലോ മധുർമധുകലോചനഃ43
വാചസ്പത്യോ വാജസനോ നിത്യമാശ്രിതഃ പൂജിതഃ
ബ്രഹ്മചാരീ ലോകചാരീ സർവ്വചാരീ വിചാരവിത്44
ഈശാന ഈശ്വരഃ കാലോ നിശാചാരീ പിനാകവാൻ
നിമിത്തസ്ഥോ നിമിത്തം ച നന്ദിർനന്ദികരോ ഹരിഃ45
നന്ദീശ്വരശ്ച നന്ദീ ച നന്ദനോ നന്ദിവർദ്ധനഃ
ഭഗഹാരീ നിഹന്താ ച കാലോ ബ്രഹ്മാ പിതാമഹഃ46
ചതുർമുഖോ മഹാലിംഗശ്ചാരുലിംഗസ്തതഥൈവ ച
ലിംഗാധ്യക്ഷഃ സുരാധ്യക്ഷോ യോഗാധ്യക്ഷോ യുഗാവഹഃ47
ബീജാധ്യക്ഷോ ബീജകർത്താ അധ്യാത്മാഽനുഗതോ ബലഃ
ഇതിഹാസഃ സകല്പശ്ച ഗൗതമോഽഥ നിശാകരഃ48
ദംഭോ ഹ്യദംഭോ വൈദംഭോ വശ്യോ വശകരഃ കലിഃ
ലോകകർത്താ പശുപതിർമഹാകർത്താ ഹ്യനൗഷധഃ49
അക്ഷരം പരമം ബ്രഹ്മ ബലവച്ചക്ര ഏവ ച
നീതിർഹ്യനീതിഃ ശുദ്ധാത്മാ ശുദ്ധോ മാന്യോ ഗതാഗതഃ50
ബഹുപ്രസാദഃ സുസ്വപ്നോ ദർപണോഽഥ ത്വമിത്രജിത്
വേദകാരോ മന്ത്രകാരോ വിദ്വാൻ സമരമർദ്ദനഃ51
മഹാമേഘനിവാസീ ച മഹാഘോരോ വശീകരഃ
അഗ്നിജ്വാലോ മഹാജ്വാലോ ഹൃതിധൂമ്രോ ഹുതോ ഹവിഃ52
വൃഷണഃ ശങ്കരോ നിത്യംവർചസ്വീ ധൂമകേതനഃ
നീലസ്തഥാംഗലുബ്ധശ്ച ശോഭനോ നിരവഗ്രഹഃ53
സ്വസ്തിദഃ സ്വസ്തിഭാവശ്ച ഭാഗീ ഭാഗകരോ ലഘുഃ
ഉത്സംഗശ്ച മഹാംഗശ്ച മഹാഗർഭപരായണഃ54
കൃഷ്ണവർണ്ണഃ സുവർണ്ണശ്ച ഇന്ദ്രിയം സർവ്വദേഹിനാം
മഹാപാദോ മഹാഹസ്തോ മഹാകായോ മഹായശാഃ55
മഹാമൂർദ്ധാ മഹാമാത്രോ മഹാനേത്രോ നിശാലയഃ
മഹാന്തകോ മഹാകർണ്ണോ മഹോഷ്ഠശ്ച മഹാഹനുഃ56
മഹാനാസോ മഹാകംബുർമഹാഗ്രീവഃ ശ്മശാനഭാക്
മഹാവക്ഷാ മഹോരസ്കോ ഹ്യന്തരാത്മാ മൃഗാലയഃ57
ലംബനോ ലംബിതോഷ്ഠശ്ച മഹാമായഃ പയോനിധിഃ
മഹാദന്തോ മഹാദംഷ്ട്രോ മഹാജിഹ്വോ മഹാമുഖഃ58
മഹാനഖോ മഹാരോമോ മഹാകോശോ മഹാജടഃ
പ്രസന്നശ്ച പ്രസാദശ്ച പ്രത്യയോ ഗിരിസാധനഃ59
സ്നേഹനോഽസ്നേഹനശ്ചൈവ അജിതശ്ച മഹാമുനിഃ
വൃക്ഷാകാരോ വൃക്ഷകേതുരനലോ വായുവാഹനഃ60
ഗണ്ഡലീ മേരുധാമാ ച ദേവാധിപതിരേവ ച
അഥർവശീർഷഃ സാമാസ്യ ഋക്സഹസ്രാമിതേക്ഷണഃ61
യജൂഃ പാദഭുജോ ഗുഹ്യഃ പ്രകാശോ ജംഗമസ്തഥാ
അമോഘാർത്ഥഃ പ്രസാദശ്ച അഭിഗമ്യഃ സുദർശനഃ62
ഉപകാരഃ പ്രിയഃ സർവ്വഃ കനകഃ കാംചനച്ഛവിഃ
നാഭിർനന്ദികരോ ഭാവഃ പുഷ്കരഃ സ്ഥപതിഃ സ്ഥിരഃ63
ദ്വാദശസ്ത്രാസനശ്ചാഽഽദ്യോ യജ്ഞോ യജ്ഞസമാഹിതഃ
നക്തം കലിശ്ച കാലശ്ച മകരഃ കാലപൂജിതഃ64
സഗണോ ഗണകാരശ്ച ഭൂതവാഹനസാരഥിഃ
ഭസ്മശയോ ഭസ്മഗോപ്താ ഭസ്മഭൂതസ്തരുർഗ്ഗണഃ65
ലോകപാലസ്തഥാഽലോകോ മഹാത്മാ സർവ്വപൂജിതഃ
ശുക്ലസ്ത്രിശുക്ലഃ സമ്പന്നഃ ശുചിർഭൂതനിഷേവിതഃ66
ആശ്രമസ്ഥഃ ക്രിയാവസ്ഥോ വിശ്വകർമ്മമതിർവരഃ
വിശാലശാഖസ്താമ്രോഷ്ഠോ ഹ്യംബുജാലഃ സുനിശ്ചലഃ67
കപിലഃ കപിശഃ ശുക്ല ആയുശ്ചൈവ പരോഽപരഃ
ഗന്ധർവ്വോ ഹ്യദിതിസ്താർക്ഷ്യഃ സുവിജ്ഞേയ സുശാരദഃ68
പരശ്വധായുധോ ദേവ അനുകാരി സുബാന്ധവഃ
തുംബവീണോ മഹാക്രോധ ഊർധ്വരേതാ ജനേശയഃ69
ഉഗ്രോ വംശകരോ വംശോ വംശനാദോഹ്യ നിന്ദിതഃ
സർവ്വാംഗരൂപോ മായാവീ സുഹൃദോ ഹ്യനിലോഽനലഃ70
ബന്ധനോ ബന്ധകർത്താ ച സുബന്ധനവിമോചനഃ
സയജ്ഞാരിഃ സകാമാരിർമ്മഹാദംഷ്ട്രോ മഹായുധഃ71
ബഹുധാ നിന്ദിതഃ ശർവ്വഃ ശംകരഃ ശംകരോഽധനഃ
അമരേശോ മഹാദേവോ വിശ്വദേവഃ സുരാരിഹാ72
അഹിർബുധ്ന്യോഽനിലാഭശ്ച ചേകിതാനോ ഹവിസ്തഥാ
അജൈകപാച്ച കാപാലീ ത്രിശംകുരജിതഃ ശിവഃ73
ധന്വന്തരീർധൂമകേതുഃ സ്കന്ദോ വൈശ്രവണസ്തഥാ
ധാതാ ശക്രശ്ച വിഷ്ണൂശ്ച മിത്രസ്ത്വഷ്ടാ ധ്രുവോ ധരഃ74
പ്രഭാവഃ സർവ്വഗോ വായുരര്യമാ സവിതാ രവിഃ
ഉഷംഗുശ്ച വിധാതാ ച മാന്ധാതാ ഭൂതഭാവനഃ75
വിഭുർവ്വർണ്ണവിഭാവീ ച സർവ്വകാമഗുണാവഹഃ
പദ്മനാഭോ മഹാഗർഭശ്ചന്ദ്രവക്ത്രോഽനിലോഽനലഃ76
ബലവാംശ്ചോപശാന്തശ്ച പുരാണഃ പുണ്യചംതുരീ
കുരുകർത്താ കുരുവാസീ കുരുഭൂതോ ഗുണൗഷധഃ77
സർവ്വാശയോ ദർഭചാരീ സർവ്വേഷാം പ്രാണിനാമ്പതിഃ
ദേവദേവഃ സുഖാസക്തഃ സദസത് സർവ്വരത്നവിത്78
കൈലാസഗിരിവാസീ ച ഹിമവദ്ഗിരിസംശ്രയഃ
കൂലഹാരീ കൂലകർത്താ ബഹുവിദ്യോ ബഹുപ്രദഃ79
വണിജോ വർധകീ വൃക്ഷോ ബകുളശ്ചന്ദനശ്ഛദഃ
സാരഗ്രീവോ മഹാജത്രു രലോലശ്ച മഹൗഷധഃ80
സിദ്ധാർത്ഥകാരീ സിദ്ധാർത്ഥശ്ഛബ്ദോവ്യാകരണോത്തരഃ
സിംഹനാദഃ സിംഹദംഷ്ട്രഃ സിംഹഗഃ സിംഹവാഹനഃ81
പ്രഭാവാത്മാ ജഗത്കാലസ്ഥാലോ ലോകഹിതസ്തരുഃ
സാരംഗോ നവചക്രാംഗഃ കേതുമാലീ സഭാവനഃ82
ഭൂതാലയോ ഭൂതപതിരഹോരാത്രമനിന്ദിതഃ
വാഹിതാ സർവ്വഭൂതാനാം നിലയശ്ച വിഭുർഭവഃ 83
അമോഘഃ സംയതോ ഹ്യാശ്വോ ഭോജനഃ പ്രാണധാരണഃ
ധൃതിമാൻ മതിമാൻ ദക്ഷഃ സത്കൃതശ്ച യുഗാധിപഃ 84
ഗോപാലിർഗോപതിർഗ്രാമോ ഗോചർമ്മവസനോ ഹരിഃ
ഹിരണ്യബാഹുശ്ച തഥാ ഗുഹാപാലഃ പ്രവേശിനാം 85
പ്രകൃഷ്ടാരിർമഹാഹർഷോ ജിതകാമോ ജിതേന്ദ്രിയഃ
ഗാന്ധാരശ്ച സുവാസശ്ച തപഃസക്തോ രതിർനരഃ 86
മഹാഗീതോ മഹാ നൃത്യോ ഹ്യപ്സരോഗണസേവിതഃ
മഹാകേതുർമഹാധാതുർനൈകസാനുചരശ്ചലഃ 87
ആവേദനീയ ആദേശഃ സർവ്വഗന്ധസുഖാവഹഃ
തോരണസ്താരണോ വാതഃ പരിധീ പതിഖേചരഃ 88
സംയോഗോ വർധനോ വൃദ്ധോ ഹൃതിവൃദ്ധോ ഗുണാധികഃ
നിത്യ ആത്മസഹായശ്ച ദേവാസുരപതിഃ പതിഃ 89
യുക്തശ്ച യുക്തബാഹുശ്ച ദേവോ ദിവി സുപർവ്വണഃ
ആഷാഢശ്ച സുഷാഢശ്ച ധ്രുവോഽഥ ഹരിണോ ഹരഃ 90
വപുരാവർത്തമാനേഭ്യോ വസുശ്രേഷ്ഠോ മഹാപഥഃ
ശിരോഹാരീ വിമർശശ്ച സർവ്വലക്ഷണലക്ഷിതഃ 91
അക്ഷശ്ച രഥയോഗീ ച സർവ്വയോഗീ മഹാബലഃ
സമാമ്നായോഽസമാമ്നായസ്തീർത്ഥദേവോ മഹാരഥഃ 92
നിർജീവോ ജീവനോ മന്ത്രഃ ശുഭാക്ഷോ ബഹുകർകശഃ
രത്നപ്രഭൂതോ രക്താങ്ഗോ മഹാർണ്ണവനിപാനവിത് 93
മൂലം വിശാലോ ഹ്യമൃതോ വ്യക്താവ്യക്തസ്തപോനിധിഃ
ആരോഹണോഽധിരോഹശ്ച ശീലധാരീ മഹായശാഃ 94
സേനാകല്പോ മഹാകല്പോ യോഗോ യുഗകരോ ഹരിഃ
യുഗരൂപോ മഹാരൂപോ മഹാനാഗഹനോ വധഃ 95
ന്യായനിർവപണഃ പാദഃ പണ്ഡിതോ ഹ്യചലോപമഃ
ബഹുമാലോ മഹാമാലഃ ശശീ ഹരസുലോചനഃ 96
വിസ്താരോ ലവണഃ കൂപസ്ത്രിയുഗഃ സഫലോദയഃ
ത്രിലോചനോ വിഷണ്ണാംഗോ മണിവിദ്ധോ ജടാദധരഃ 97
ബിന്ദുർവിസർഗ്ഗഃ സുമുഖഃ ശരഃ സർവ്വായുധഃ സഹഃ
നിവേദനഃ സുഖാജാതഃ സുഗന്ധാരോ മഹാധനുഃ 98
ഗന്ധപാലീ ച ഭഗവാനുത്ഥാനഃ സർവ്വകർമ്മണാം
മന്ഥാനോ ബഹുലോ വായുഃ സകലഃ സർവ്വലോചനഃ 99
തലസ്ഥാലഃ കരസ്ഥാലീ ഊർധ്വസംഹനനോ മഹാൻ
ഛത്രം സുച്ഛത്രോ വിഖ്യാതോ ലോകഃ സർവ്വാശ്രയഃ ക്രമഃ 100
മുണ്ഡോ വിരൂപോ വികൃതോ ദണ്ഡീ കുണ്ഡീ വികുർവണഃ
ഹര്യക്ഷഃ കകുഭോ വജ്രീ ശതജിഹ്വഃ സഹസ്രപാത് 101
സഹസ്രമൂർധാ ദേവേന്ദ്രഃ സർവ്വദേവമയോ ഗുരുഃ
സഹസ്രബാഹുഃ സർവ്വാംഗഃ ശരണ്യഃ സർവ്വലോകകൃത് 102
പവിത്രം ത്രികകുന്മന്ത്രഃ കനിഷ്ഠഃ കൃഷ്ണപിംഗളഃ
ബ്രഹ്മദണ്ഡവിനിർമാതാ ശതഘ്നീപാശശക്തിമാൻ 103
പദ്മഗർഭോ മഹാഗർഭോ ബ്രഹ്മഗർഭോ ജലോദ്ഭവഃ
ഗഭസ്തിർബ്രഹ്മകൃദ് ബ്രഹ്മീ ബ്രഹ്മവിദ് ബ്രാഹ്മണോ ഗതിഃ 104
അനന്തരൂപോ നൈകാത്മാ തിഗ്മതേജാഃ സ്വയംഭുവഃ
ഊർധ്വഗാത്മാ പശുപതിവാതരംഹാ മനോജവഃ 105
ചന്ദനീ പദ്മനാളാഗ്രഃ സുരഭ്യുത്തരണോ നരഃ
കർണികാരമഹാസ്രഗ്വീ നീലമൗലിഃ പിനാകധൃത് 106
ഉമാപതിരുമാകാന്തോ ജാഹ്നവീധൃദുമാധവഃ
വരോ വരാഹോ വരദോ വരേണ്യഃ സുമഹാസ്വനഃ 107
മഹാപ്രസാദോ ദമനഃ ശത്രുഹാ ശ്വേതപിംഗളഃ
പീതാത്മാ പരമാത്മാ ച പ്രയതാത്മാ പ്രധാനധൃത് 108
സർവ്വപാർശ്വമുഖസ്ത്ര്യക്ഷോ ധർമ്മസാധാരണോ വരഃ
ചരാചരാത്മാ സൂക്ഷാത്മാ അമൃതോ ഗോവൃഷേശ്വരഃ 109
സാധ്യർഷിർവ്വസുരാദിത്യോ വിവസ്വാൻ സവിതാഽമൃതഃ
വ്യാസഃ സർഗഃ സുസംക്ഷേപൊ വിസ്തരഃ പര്യയോ നരഃ 110
ഋതുഃ സംവത്സരോ മാസഃ പക്ഷഃ സംഖ്യാസമാപനഃ
കലാ കാഷ്ഠാ ലവാ മാത്രാ മുഹൂർത്താർഹഃ
ക്ഷപാഃ ക്ഷണാഃ 111
വിശ്വക്ഷേത്രം പ്രജാബീജം ലിംഗമാദ്യസ്തുനിർഗമഃ
സദസദ്വ്യക്തമവ്യക്തം പിതാ മാതാ പിതാമഹഃ 112
സ്വർഗദ്വാരം പ്രജാദ്വാരം മോക്ഷദ്വാരം ത്രിവിഷ്ടപം
നിർവ്വാണം ഹ്ലാദനശ്ചൈവ ബ്രഹ്മലൊകഃ പരാഗതിഃ 113
ദേവാസുരവിനിർമാതാ ദേവാസുരപ്രായണഃ
ദേവാസുരഗുരുർദേവോ ദേവാസുരനമസ്കൃതഃ 114
ദേവാസുരമഹാമാത്രോ ദേവാസുരഗണാശ്രയഃ
ദേവാസുരഗണാധ്യക്ഷോ ദേവാസുരഗണാഗ്രണീഃ 115
ദേവാദിദേവോ ദേവർഷിർദേവാസുരവരപ്രദഃ
ദേവാസുരേശ്വരോ വിശ്വോ ദേവാസുരമഹേശ്വരഃ 116
സർവ്വദേവമയോഽചിന്ത്യോ ദേവതാത്മാഽത്മസംഭവഃ
ഉദ്ഭിത്ത്രിവിക്രമോ വൈദ്യോ വിരജോ നീരജോഽമരഃ 117
ഈഡ്യോ ഹസ്തീശ്വരോ വ്യാഘ്രോ ദേവസിംഹോ നരർഷഭഃ
വിബുധോഽഗ്രവരഃ സൂക്ഷ്മഃ സർവ്വദേവസ്തമോമയഃ 118
സുയുക്തഃ ശോഭനോ വജ്രീ പ്രാസാനാം പ്രഭവോഽവ്യയഃ
ഗുഹഃ കാന്തോ നിജഃ സർഗഃ പവിത്രം സർവ്വപാവനഃ 119
ശൃംഗീ ശൃംഗപ്രിയോ ബഭ്രൂ രാജരാജോ നിരാമയഃ
അഭിരാമഃ സുരഗണോ വിരാമഃ സർവ്വസാധനഃ 120
ലലാടക്ഷോ വിശ്വദേവോ ഹരിണോ ബ്രഹ്മവർച്ചസഃ
സ്ഥാവരാണാംപതിശ്ചൈവ നിയമേന്ദ്രിയവർധനഃ 121
സിദ്ധാർത്ഥഃ സിദ്ധഭൂതാർത്ഥോഽചിന്ത്യഃ സത്യവ്രതഃ ശുചിഃ
വ്രതാതിപഃ പരം ബ്രഹ്മ ഭക്താനാം പരമാഗതിഃ 122
വിമുക്തോ മുക്തതേജാശ്ച ശ്രീമാൻ ശ്രീവർധനോ ജഗത്
ശ്രീമാൻ ശ്രീവർധനോ ജഗത് ഓം നമ ഇതി. 123
ഇതി ശ്രീ ശിവസഹസ്രനാമസ്തോത്രം സമ്പൂർണ്ണം.
ഫലശ്രുതി
ജപന്തു മാമികാം ദേവാ നാമ്നാം ദശശതീമിമാം
മമ ചാതി പ്രിയകരീം മഹാമോക്ഷപ്രദായിനീം.1
സംഗ്രാമേ ജയദാത്രീം തു സർവ്വസിദ്ധികരീം ശുഭാം
യഃ പഠേച്ഛൃണു യാദ്വാപി സർവ്വപാപ പ്രമുച്യതേ. 2
പുത്രകാമോ ലഭേത് പുത്രം രാജ്യകാമസ്തു രാജതാം
പ്രാപ്നുയാത് പരയാ ഭക്ത്യാ ധനധാന്യാദികം ബഹു. 3
ത്രിസന്ധ്യം യഃ പഠേദ്ഭക്ത്യാ വത്സരം നിയമാന്വിതം
മച്ചിത്തോ മന്മനാ ഭൂത്വാ സാക്ഷാന്മോക്ഷമവാപ്നുയാത്. 4
രുദ്രപാഠേന യത് പുണ്യം യത് പുണ്യം വേദപാഠതഃ
തത് പുണ്യം ലഭതേ യോഽസാവേകാവൃത്ത്യാ പഠേദിമാം. 5
കന്യാകോടി പ്രദാനേന യത്ഫലം ലഭതേ നരഃ
തത്ഫലം ലഭതേ സമ്യങ്നാമ്നാം ദശശതം ജപൻ. 6
അശ്വമേധസഹസ്രസ്യ യത്ഫലം ലഭതേ നരഃ
കപിലാശതദാനസ്യ തത്ഫലം പഠനാദ്ഭവേത്.7
യഃ ശൃണോതി സദാ വിദ്യാം ശ്രാവയേദ്വാപി ഭക്തിതഃ
സോഽപി മുക്തിമവാപ്നോതി യത്ര ഗത്വാ ന ശോചതി 8
യ ക്ഷരാക്ഷസവേതാളഗ്രഹകൂഷ്മാണ്ഡഭൈരവാഃ
പഠനാദസ്യ നശ്യന്തി ജീവേച്ഛ ശരദാം ശതം.9
ബ്രഹ്മഹത്യാദി പാപാനാം നാശഃ സ്യാത് ശ്രവണേന തു
കിം പുനഃ പഠനാദസ്യ മുക്തിഃ സ്യാദനപായിനീ.10
