ശുക്ലാംബരധരം വിഷ്ണും ശശിവര്ണ്ണം ചതുര്ഭുജം
പ്രസന്നവദനം ധ്യായേത് സര്വ്വവിഘ്നോപശാന്തയേ1
യസ്യ ദ്വിരദവക്ത്രാദ്യാഃ പാരിഷാദ്യാഃ പരശ്ശതം
വിഘ്നം നിഘ്നന്തി സതതം വിഷ്വക്സേനം തമാശ്രയേ2
വ്യാസം വസിഷ്ഠനപ്താരം ശക്തേഃപൌത്രമകല്മഷം
പരാശരാത്മജം വന്ദേ ശുകതാതം തപോനിധിം.3
വ്യാസായ വിഷ്ണുരൂപായ വ്യാസരൂപായ വിഷ്ണവേ
നമോ വൈ ബ്രഹ്മനിധയേ വാസിഷ്ഠായ നമോനമഃ4
അവികാരായ ശുദ്ധായ നിത്യായ പരമാത്മനേ
സദൈകരൂപരൂപായ വിഷ്ണവേ സര്വ്വജിഷ്ണവേ5
യസ്യസ്മരണമാത്രേണ ജന്മസംസാരബന്ധനാത്
വിമുച്യതേ സമസ്തസ്മൈ വിഷ്ണവേ പ്രഭവിഷ്ണവേ6
നമസ്സമസ്തഭൂതാനാമാദിഭൂതായ ഭ്രഭൃതേ
അനേകരൂപരൂപായ വിഷ്ണവേ പ്രഭവിഷ്ണവേ7
ഓം നമോ വിഷ്ണവേ പ്രഭവിഷ്ണവേ
ശ്രീ വൈശമ്പായന ഉവാച-
ശ്രുത്വാ ധര്മ്മാനശേഷേണ പാവനാനി ച സര്വ്വശഃ
യുധിഷ്ഠിരഃ ശാന്തനവം പുനരേവാഭ്യഭാഷതേ 8
ശ്രീ യുധിഷ്ഠിര ഉവാച-
കിമേകം ദൈവതം ലോകേ കിം വാപ്യേകം പരായണം
സ്തുവന്തഃ കം കമര്ച്ചന്തഃ പ്രാപ്നുയുര്മ്മാനവാ ശുഭം9
കോ ധര്മ്മഃ സര്വ്വധര്മ്മാണാം ഭവതഃ പരമോ മതഃ
കിം ജപന്മുച്യതേ ജന്തുജന്മസംസാരബന്ധനാത് 10
ശ്രീ ഭീഷ്മ ഉവാച –
ജഗത്പ്രഭും ദേവദേവമനന്തം പുരുഷോത്തമം
സ്തുവന് നാമസഹസ്രേണ പുരുഷഃസതതോത്ഥിത11
തമേവ ചാര്ച്ചയന്നിത്യം ഭക്ത്യാ പുരുഷമവ്യയം
ധ്യായന് സ്തുവന്നമസ്യം ശ്ച യജമാനസ്തമേവ ച. 12
അനാദിനിധനം വിഷ്ണും സര്വ്വലോകമഹേശ്വരം
ലോകാദ്ധ്യക്ഷം സ്തുവന്നിത്യം സര്വ്വ ദുഃഖാതിഗോ ഭവേത് 13
ബ്രഹ്മണ്യം സര്വ്വധര്മ്മജ്ഞം ലോകാനാം കീര്ത്തിവര്ദ്ധനം
ലോകനാഥം മഹദ്ഭൂതം സര്വ്വഭൂതഭവോദ്ഭവം 14
ഏഷ മേ സര്വ്വധര്മ്മാണാം ധര്മ്മോഽധികതമോ മതഃ
യദ്ഭക്ത്യാ പുണ്ഡരീകാക്ഷം സ്തവൈരര്ച്ചേന്നരഃസദാ15
പരമം യോ മഹത്തേജഃ പരമം യോ മഹത്തപഃ
പരമം യോ മഹദ്ബ്രഹ്മ പരമം യഃ പരായണം 16
പവിത്രാണാം പവിത്രം യോ മംഗളാനാം ച മംഗളം
ദൈവതം ദേവതാനാം ച ഭൂതാനാം യോഽവ്യയഃപിതാ. 17
യതഃ സര്വ്വാണി ഭൂതാനി ഭവന്ത്യാദിയുഗാഗമേ
യസ്മിംശ്ച പ്രളയം യാന്തി പുനരേവ യുഗക്ഷയേ18
തസ്യ ലോകപ്രധാനസ്യ ജഗന്നാഥസ്യ ഭൂപതേ
വിഷ്ണോര്ന്നാമസഹസ്രം മേ ശൃണു പാപഭയാപഹം19
യാനി നാമാനി ഗൌണാനി വിഖ്യാതാനി മഹാത്മനഃ
ഋഷിഭിഃ പരിഗീതാനി താനി വക്ഷ്യാമി ഭൂതയേ20
ഋഷിര്ന്നാമ്നാം സഹസ്രസ്യ വേദവ്യാസോ മഹാമുനിഃ
ഛന്ദോഽനുഷ്ടുപ് തഥാ ദേവോ ഭഗവാന് ദേവകീസുതഃ21
അമൃതാംശൂദ്ഭവോ ബീജം ശക്തിര്ദേവകിനന്ദനഃ
ത്രിസാമാ ഹൃദയം തസ്യ ശാന്ത്യര്ത്ഥേ വിനിയുജ്യതേ22
വിഷ്ണും ജിഷ്ണും മഹാവിഷ്ണും പ്രഭവിഷ്ണും മഹേശ്വരം
അനേകരൂപദൈത്യാന്തം നമാമി പുരുഷോത്തമം23
കേശവഃ പാതു മേ പാദൌ ജംഘേ നാരായണോ മമ
മാധവോ മേ കടിം പാതു ഗോവിന്ദോ ഗുഹ്യമേവ ച24
നാഭിം വിഷ്ണുസ്തു മേ പാതു ജഠരം മധുസൂദനഃ
ഉരസ്ത്രിവിക്രമഃ പാതു ഹൃദയം പാതു വാമനഃ25
ശ്രീധരഃ പാതു മേ കണ്ഠം ഹൃഷീകേശോ മുഖം മമ
പത്മനാഭസ്തു നയനോ ശിരോ ദാമോദരോ മമ26
ഏവമേതാനി നാമാനി ജപകാലേ വിശേഷതഃ
വിന്യസേദാത്മരക്ഷാര്ത്ഥം സര്വ്വമംഗളസിദ്ധയേ27
അസ്യ ശ്രീ വിഷ്ണോര്ദ്ദിവ്യസഹസ്രനാമസ്തോത്രമഹാമന്ത്രസ്യ ശ്രീവേദ വ്യാസോ ഭഗവാന് ഋഷിഃ അനുഷ്ടുപ്ഛന്ദഃ ശ്രീമഹാവിഷ്ണുഃ പരമാത്മാ ശ്രീമന്നാരായണോ ദേവതാ അമൃതാംശുദ്ഭവോ ഭാനുരിതി ബീജം. ദേവകീനന്ദനഃ സ്രഷ്ടേതി ശക്തിഃ ഉദ്ഭവോ ക്ഷോഭണോ ദേവ ഇതിപരമോ മന്ത്രഃ ശംഖഭൃന്നന്ദകീ ചക്രീതി കീലകം.
ശാര്ങ്ഗധന്വാ ഗദാധര ഇത്യസ്ത്രം. രഥാംഗപാണിരക്ഷോഭ്യ ഇതി നേത്രം. ത്രിസാമാ സാമഗഃ സാമേതി കവചം.
ആനന്ദം പരബ്രഹ്മേതി യോനിഃ. ഋതുസ്സുദര്ശനഃ കാല
ഇതി ദിഗ്ബന്ധഃ. ശ്രീ വിശ്വരൂപ ഇതി ധ്യാനം.
ശ്രീ മഹാവിഷ്ണു പ്രീത്യര്ത്ഥേ സഹസ്രനാമ ജപേ വിനിയോഗഃ.
അഥ ധ്യാനം
ക്ഷീരോദധ്യത്പ്രദേശേ ശുചിമണി വിലസത്
സൈകതേ മൗക്തികാനാം
മാലാക്ലിപ്താസനസ്ഥഃ സ്ഫടികമണിനിഭൈര്-
മ്മൗക്തികൈര്മ്മണ്ഡിതാംഗഃ
ശുഭ്രൈരഭ്രൈരദഭ്രൈരൂപരിവിരചിതൈര്-
മ്മുക്തപീയുഷവര്ഷൈ-
രാനന്ദീ നഃപുനിയാദരിനളിനഗദാ-
ശംഖപാണീര്മ്മുകന്ദഃ1
ഭൂഃ പാദൌ യസ്യ നാഭിര്വ്വിയദസുരനില-
ശ്ചന്ദ്രസൂര്യൌ ച നേത്രേ
കര്ണ്ണാവാശാശ്ശിരോ ദ്യൌര്മ്മുഖമപി ദഹനോ
യസ്യവാസ്തേയമബ്ധിഃ
അന്തസ്ഥം യസ്യ വിശ്വം സുരനരഖഗഗോ-
ഭോഗിഗന്ധര്വ്വദൈത്യൈ-
ശ്ചിത്രം രം രമ്യതേ തം ത്രിഭുവനവപുഷം
വിഷ്ണുമീശം നമാമി.2
ധ്യാനം
ശാന്താകാരം ഭുജഗശയനം പത്മനാഭം സുരേശം
വിശ്വാധാരം ഗഗനസദൃശം മേഘവര്ണ്ണം ശുഭാംഗം 1
ലക്ഷ്മീകാന്തം കമലനയനം യോഗിഹൃദ്ധ്യാനഗമ്യം
വന്ദേ വിഷ്ണും ഭവഭയഹരം സര്വ്വലോകൈകനാഥം2
മേഘശ്യാമം പീതകൌശേയവാസം
ശ്രീവത്സാങ്കം കൌസ്തുഭോത്ഭാസിതാംഗം 3
പുണ്യോപേതം പുണ്ഡരീകായതാക്ഷം
വിഷ്ണും വന്ദേ സര്വ്വലോകൈകനാഥം4
സശംഖചക്രം സകിരീടകുണ്ഡലം
സപീതവസ്ത്രം സരസീരുഹേക്ഷണം
സഹാരവക്ഷസ്ഥല ശോഭികൗസ്തുഭം
നമാമി വിഷ്ണും ശിരസാ ചതുര്ഭുജം5
ഛായായാം പാരിജാതസ്യ ഹേമസിംഹാസനോപരി
ആസീനമംബുദശ്യാമമായതാക്ഷമലംകൃതം6
ചന്ദ്രാനനം ചതുര്ബാഹും ശ്രീവത്സാങ്കിതവക്ഷസം
രുഗ്മിണിസത്യഭാമാഭ്യാം സഹിതം കൃഷ്ണമാശ്രയേ7
ഓം നമോ ഭഗവതേ വാസുദേവായ
ഓം വിശ്വം വിഷ്ണുര്വ്വഷ്ട്കാരോ ഭൂതഭവ്യഭവത്പ്രഭൂഃ
ഭൂതകൃദ് ഭൂതഭൃദ്ഭാവോ ഭൂതാത്മാ ഭൂതഭാവനഃ 1
പൂതാത്മാ പരമാത്മാ ച മുക്താനാം പരമാ ഗതിഃ
അവ്യയഃ പുരുഷഃസാക്ഷീ ക്ഷേത്രജ്ഞോഽക്ഷര ഏവ ച 2
യോഗോ യോഗവിദാംനേതാ പ്രധാനപുരുഷേശ്വരഃ
നാരസിംഹവപുഃ ശ്രീമാന് കേശവഃ പുരുഷോത്തമ3
സര്വ്വശര്വ്വ ശിവസ്ഥാണുര്ഭൂതാദിര്നിധിരവ്യയഃ
സംഭവോ ഭാവനോ ഭര്ത്താ പ്രഭവഃപ്രഭുരീശ്വരഃ 4
സ്വയംഭൂ ശംഭുരാദിത്യഃ പുഷ്കരാക്ഷോമഹാസ്വനഃ
അനാദിനിധനോ ധാതാ വിധാതാ ധാതുരുത്തമഃ 5
അപ്രമേയോ ഹൃഷീകേശഃ പദ്മനാഭോഽമരപ്രഭുഃ
വിശ്വകര്മ്മാ മനുസ്ത്വഷ്ടാ സ്ഥവിഷ്ഠഃ സ്ഥവിരോ ധ്രുവഃ 6
അഗ്രാഹ്യശ്ശാശ്വതഃ കൃഷ്ണോ ലോഹിതാക്ഷഃ പ്രതര്ദ്ദനഃ
പ്രഭൂതസ്ത്രികകുബ്ധാമ പവിത്രം മംഗളംപരം.7
ഈശാനഃ പ്രാണദഃ പ്രാണോ ജ്യേഷ്ഠഃ ശ്രേഷ്ഠഃ പ്രജാപതിഃ
ഹിരണ്യഗര്ഭോ ഭൂഗര്ഭോ മാധവോ മധുസൂധനഃ 8
ഈശ്വരോ വിക്രമീ ധന്വീ മേധാവി വിക്രമഃ ക്രമഃ
അനുത്തമോ ദുരാധര്ഷഃ കൃതജ്ഞഃ കൃതിരാത്മവാന് 9
സുരേശശ്ശരണം ശര്മ്മ വിശ്വരേതാഃ പ്രജാഭവഃ
അഹസംവത്സരോ വ്യാലഃ പ്രത്യയസര്വ്വദര്ശനഃ 10
അജസര്വ്വേശ്വരസിദ്ധഃ സിദ്ധിഃ സര്വ്വാദിരച്യുതഃ
വൃഷാകപിരമേയാത്മ സര്വ്വയോഗവിനിഃസൃതഃ 11
വസുര്വസുമനാസത്യസമാത്മാഽസമ്മിതസ്സമഃ
അമോഘഃ പുണ്ഡരീകാക്ഷോ വൃഷകര്മ്മാ വൃഷാകൃതിഃ 12
രുദ്രോ ബഹുശിരാ ബഭ്രുര്വിശ്വയോനിശ്ശുചിശ്രവാഃ
അമൃതശ്ശാശ്വതഃ സ്ഥാണുര്വരാരോഹോ മഹാതപഃ 13
സര്വ്വഗസ്സര്വവിദ്ഭാനുര്വിഷ്വക്സേനോ ജനാര്ദ്ദനഃ
വേദോ വേദവിദവ്യംഗോ വേദാംഗോ വേദവിത്കവിഃ 14
ലോകാദ്ധ്യക്ഷഃ സുരാദ്ധ്യക്ഷോ ധര്മ്മാദ്ധ്യക്ഷഃ കൃതാകൃത
ചതുരാത്മാ ചതുര്വ്യൂഹശ്ചതുര്ദംഷ്ട്രശ്ചതര്ഭുജഃ 15
ഭ്രാജിഷ്ണുര്ഭോജനം ഭോക്താ സഹിഷ്ണുര്ജഗദാദിജഃ
അനഘോ വിജയോ ജേതാ വിശ്വയോനിഃ പുനര്വ്വസുഃ 16
ഉപേന്ദ്രോ വാമനഃ പ്രാംശുരമോഘഃ ശുചിരൂര്ജിതഃ
അതീന്ദ്രാസംഗ്രഹസ്സര്ഗ്ഗോ ധൃതാത്മാ നിയമോ യമഃ 17
വേദ്യോ വൈദ്യസ്സദായോഗി വീരഹാ മാധവോ മധുഃ
അതീന്ദ്രിയോ മഹാമായോ മഹോത്സാഹോ മഹാബലഃ 18
മഹാബുദ്ധിര്മഹാവീര്യോ മഹാശക്തിര്മഹാദ്യുതിഃ
അനിര്ദ്ദേശ്യവപുഃ ശ്രീമാനമേയാത്മാ മഹാദ്രിധൃക് 19
മഹേഷ്വാസോ മഹീഭര്ത്താ ശ്രീനിവാസസ്സതാംഗതിഃ
അനിരുദ്ധസ്സുരാനന്ദോ ഗോവിന്ദോ ഗോവിദാംപതിഃ 20
മരീചിര്ദമനോ ഹംസഃ സുപര്ണോ ഭൂജഗോത്തമഃ
ഹിരണ്യനാഭസ്സുതപാഃ പത്മനാഭഃ പ്രജാപതിഃ 21
അമൃത്യുസ്സര്വ്വദൃക് സിംഹസ്സന്ധാതാ സന്ധിമാന് സ്ഥിരഃ
അജോ ദുര്മ്മര്ഷണഃ ശാസ്താ വിശ്രുതാത്മാ സുരാരിഹാ 22
ഗുരുര്ഗുരുതമോ ധാമ സത്യസ്സത്യപരാക്രമഃ
നിമിഷോഽനിമിഷഃ സ്രഗ്വീ വാചസ്പതിരുദാരധീഃ 23
അഗ്രണീര്ഗ്രാമണീഃ ശ്രീമാന് ന്യായോ നേതാ സമീരണഃ
സഹസ്രമൂര്ദ്ധാ വിശ്വാത്മാ സഹസ്രാക്ഷസ്സഹസ്രപാത് 24
ആവര്ത്തനോ നിവൃത്താത്മാ സംവൃതസ്സംപ്രമര്ദ്ദനഃ
അഹസ്സംവര്ത്തകോ വഹ്നിരനിലോ ധരണീധരഃ25
സുപ്രസാദഃ പ്രസന്നാത്മാ വിശ്വധൃഗ്വിശ്വഭുഗ്വിഭുഃ
സത്കര്ത്താ സത്കൃതസ്സാധുര്ജ്ജഹ്നൂര്ന്നാരായണോ നരഃ 26
അസംഖ്യേയോഽപ്രമേയാത്മാ വിശിഷ്ടശ്ശിഷ്ടകൃച്ഛുചിഃ
സിദ്ധാര്ത്ഥഃ സിദ്ധസങ്കല്പസ്സിദ്ധിദസ്സിദ്ധിസാധനഃ 27
വൃഷാഹി വൃഷഭോ വിഷ്ണുര്വൃഷപര്വ്വാ വൃഷോദരഃ
വര്ദ്ധനോ വര്ദ്ധമാനശ്ച വിവിക്തശ്രുതിസാഗരഃ28
സുഭുജോ ദുര്ദ്ധരോ വാഗ്മി മഹേന്ദ്രോ വസുദോ വസുഃ
നൈകരൂപോ ബൃഹദ്രൂപശ്ശിപിവിഷ്ടഃ പ്രകാശനഃ 29
ഓജസ്തേജോ ദ്യുതിധരഃ പ്രകാശാത്മാ പ്രതാപനഃ
ഋദ്ധഃ സ്പഷ്ടാക്ഷരോ മന്ത്രശ്ചന്ദ്രാംശൂര്ഭാസ്കരദ്യുതിഃ 30
അമൃതാംശൂദ്ഭവോ ഭാനുഃ ശശബിന്ദു സുരേശ്വരഃ
ഔഷധം ജഗതഃ സേതുഃ സത്യധര്മ്മപരാക്രമഃ 31
ഭൂതഭവ്യഭവന്നാഥഃ പവനഃ പാവനോഽനലഃ
കാമഹാ കാമകൃത് കാന്തഃ കാമഃ കാമപ്രദഃ പ്രഭുഃ 32
യുഗാദികൃദ്യുഗാവര്ത്തോ നൈകമായോ മഹാശനഃ
അദൃശ്യോ വ്യക്തരൂപശ്ച സഹസ്രജിദനന്തജിത് 33
ഇഷ്ടോ വിശിഷ്ടഃ ശിഷേ്ടഷ്ടശ്ശിഖണ്ഡീ നഹുഷോ വൃഷഃ
ക്രോധഹാ ക്രോധകൃത്കര്ത്താ വിശ്വബാഹുര്മഹീധരഃ 34
അച്യുതഃ പ്രഥിതഃ പ്രാണ പ്രാണദോ വാസവാനുജഃ
അപാംനിധിരധിഷ്ഠാനമപ്രമത്തഃ പ്രതിഷ്ഠിതഃ 35
സ്കന്ദഃ സ്കന്ദധരോ ഃ ധുര്യോ വരദോ വായുവാഹനഃ
വാസുദേവോ ബൃഹദ്ഭാനുരാദിദേവഃ പുരന്ദരഃ 36
അശോകസ്താരണസ്താരഃ ശൂരശ്ശൗരിര്ജനേശ്വരഃ
അനുകൂലശ്ശതാവര്ത്തഃ പദ്മീ പദ്മനിഭേക്ഷണഃ 37
പദ്മനാഭോഽരവിന്ദാക്ഷഃ പത്മഗര്ഭശ്ശരീരഭൃത്
മഹര്ദ്ധിരൃദ്ധോ വൃദ്ധാത്മാ മഹാക്ഷോ ഗരുഡധ്വജഃ 38
അതുലഃ ശരഭോ ഭീമസ്സമയജ്ഞോ ഹവിര്ഹരിഃ
സര്വ്വലക്ഷണലക്ഷണ്യോ ലക്ഷ്മീവാന് സമിതിംജയഃ 39
വിക്ഷരോ രോഹിതോ മാര്ഗ്ഗോ ഹേതുര്ദാമോദരസ്സഹഃ
മഹീധരോ മഹാഭാഗോ വേഗവാനമിതാശനഃ 40
ഉത്ഭവഃ ക്ഷോഭണോ ദേവഃ ശ്രീഗര്ഭഃ പരമേശ്വരഃ
കരണം കാരണം കര്ത്താ വികര്ത്താ ഗഹനോ ഗുഹഃ 41
വ്യവസായോ വ്യവസ്ഥാനഃ സംസ്ഥാനഃ സ്ഥാനദോ ധ്രുവഃ
പരര്ദ്ധിഃ പരമസ്പഷ്ടസ്തുഷ്ടഃ പുഷ്ടശ്ശുഭേക്ഷണഃ42
രാമോ വിരാമോ വിരജോ മാര്ഗ്ഗോ നേയോ നയോഽനയഃ
വീരശ്ശക്തിമതാംശ്രേഷ്ഠോ ധര്മ്മോ ധര്മ്മവിദുത്തമഃ 43
വൈകുണ്ഠഃ പുരുഷഃ പ്രാണഃ പ്രാണദഃ പ്രണവഃ പൃഥുഃ
ഹിരണ്യഗര്ഭശ്ശത്രുഘ്നോ വ്യാപ്തോ വായുരധോക്ഷജഃ 44
ഋതുസ്സുദര്ശനഃ കാലഃ പരമേഷ്ഠീ പരിഗ്രഹഃ
ഉഗ്രസ്സംവത്സരോ ദക്ഷോ വിശ്രാമോ വിശ്വദക്ഷിണഃ 45
വിസ്താരഃ സ്ഥാവരഃ സ്ഥാണുഃ പ്രമാണം ബീജമവ്യയം
അര്ത്ഥോഽനര്ത്ഥോ മഹാകോശോ
മഹാഭോഗോ മഹാധനഃ 46
അനിര്വിണ്ണഃസ്ഥവിഷ്ഠോ ഽഭൂര്ധര്മ്മയൂപോ മഹാമഖഃ
നക്ഷത്രനേമിര്നക്ഷത്രീ ക്ഷമഃ ക്ഷാമസ്സമീഹനഃ 47
യജ്ഞ ഇജ്യോ മഹേജ്യശ്ച ക്രതുഃ സത്രം സതാംഗതിഃ
സര്വ്വദര്ശീ വിമുക്താത്മാ സര്വ്വജ്ഞോ ജ്ഞാനമുത്തമം 48
സുവത്രഃ സുമുഖഃ സൂക്ഷ്മഃ സുഘോഷഃ സുഖദഃ സുഹൃത്
മനോഹരോ ജിതക്രോധോ വീരബാഹൂര്വിദാരണഃ49
സ്വാപനഃ സ്വവശോ വ്യാപീ നൈകാത്മാ നൈകകര്മ്മകൃത്
വത്സരോ വത്സലോ വത്സീ രത്നഗര്ഭോ ധനേശ്വരഃ 50
ധര്മ്മഗുബ് ധര്മ്മകൃദ്ധര്മ്മീ സദസത് ക്ഷരമക്ഷരം
അവിജ്ഞാതാ സഹസ്രാംശൂര് വിധാതാ കൃതലക്ഷണഃ 51
ഗഭസ്തിനേമിഃ സത്ത്വസ്ഥഃ സിംഹോ ഭൂതമഹേശ്വരഃ
ആദിദേവോ മഹാദേവോ ദേവേശോ ദേവഭൃദ് ഗുരുഃ 52
ഉത്തരോ ഗോപതിര്ഗോപ്താ ജ്ഞാനഗമ്യഃ പുരാതനഃ
ശരീരഭൂതഭൃദ് ഭോക്താ കപീന്ദ്രോ ഭൂരിദക്ഷിണഃ 53
സോമപോഽമൃതപഃ സോമഃ പുരുജിത് പുരുസത്തമഃ
വിനയോ ജയസ്സത്യസന്ധോ ദാശാര്ഹഃ സാത്ത്വതാംപതിഃ54
ജീവോ വിനയിതാസാക്ഷീ മുകുന്ദോഽമിതവിക്രമഃ
അംഭോനിധിരനന്താത്മാ മഹോദധിശയോഽന്തകഃ55
അജോ മഹാര്ഹഃ സ്വാഭാവ്യോ ജിതാമിത്രഃ പ്രമോദനഃ
ആനന്ദോ നന്ദനോ നന്ദഃ സത്യധര്മ്മാ ത്രിവിക്രമഃ 56
മഹര്ഷിഃ കപിലാചാര്യഃ കൃതജ്ഞോ മേദിനീപതിഃ
ത്രിപദസ്ത്രിദശാദ്ധ്യക്ഷോ മഹാശൃംഗഃ കൃതാന്തകൃത് 57
മഹാവരാഹോ ഗോവിന്ദഃ സുഷേണഃ കനകാംഗദീ
ഗുഹ്യോ ഗഭീരോ ഗഹനോ ഗുപ്തശ്ചക്രഗദാധരഃ 58
വേധാഃ സ്വാംഗോഽജിതഃ കൃഷ്ണോ ദൃഢഃ
സങ്കര്ഷണോഽച്യുതഃ
വരുണോ വാരുണോ വൃക്ഷഃ പുഷ്കരാക്ഷോ മഹാമനാഃ 59
ഭഗവാന് ഭഗഹാ ഽഽനന്ദീ വനമാലീ ഹലായുധഃ
ആദിത്യോ ജ്യോതിരാദിത്യഃ സഹിഷ്ണുര്ഗതിസത്തമഃ 60
സുധന്വാ ഖണ്ഡപരശൂര്ദാരുണോ ദ്രവിണപ്രദഃ
ദിവഃസ്പൃക് സര്വ്വദൃഗ്വ്യാസോ വാചസ്പതിരയോനിജഃ 61
ത്രിസാമാ സാമഗഃ സാമ നിര്വ്വാണം ഭേഷജം ഭിഷക്
സന്ന്യാസകൃച്ഛമഃ ശാന്തോ നിഷ്ഠാ ശാന്തിഃ പരായണഃ 62
ശുഭാംഗഃ ശാന്തിദഃ സ്രഷ്ടാ കുമുദഃ കുവലേശയഃ
ഗോഹിതോഗോപതിര്ഗോപ്താ വൃഷഭാക്ഷോ വൃഷപ്രിയഃ 63
അനിവര്ത്തീ നിവൃത്താത്മാ സംക്ഷേപ്താ ക്ഷേമകൃച്ഛിവഃ
ശ്രീവത്സവക്ഷാഃ ശ്രീവാസഃ ശ്രീപതിഃ ശ്രീമതാംവരഃ 64
ശ്രീദഃ ശ്രീശഃ ശ്രീനിവാസഃ ശ്രീനിധിഃ ശ്രീവിഭാവനഃ
ശ്രീധരഃ ശ്രീകരഃ ശ്രേയഃ ശ്രീമാന്ല്ലോകത്രയാശ്രയഃ65
സ്വക്ഷഃ സ്വംഗഃ ശതാനന്ദോ നന്ദിര്ജ്യോതിര്ഗ്ഗണേശ്വരഃ
വിജിതാത്മാ വിധേയാത്മാ സത്കീര്ത്തിച്ഛിന്നസംശയഃ 66
ഉദീര്ണ്ണഃ സര്വ്വതശ്ചക്ഷുരനീശഃ ശാശ്വത സ്ഥിരഃ
ഭൂശയോ ഭൂഷണോ ഭൂതിര്വിശോകഃ ശോകനാശനഃ 67
അര്ച്ചിഷ്മാനര്ച്ചിതഃ കുംഭോ വിശുദ്ധാത്മാ വിശോധനഃ
അനിരുദ്ധോഽപ്രതിരഥഃ പ്രദ്യുമ്നോഽമിതവിക്രമഃ 68
കാലനേമിനിഹാ വീരഃ ശൗരിഃ ശൂരജനേശ്വരഃ
ത്രിലോകാത്മാ ത്രിലോകേശഃ കേശവഃ കേശിഹാ ഹരിഃ 69
കാമദേവഃ കാമപാലഃ കാമീഃ കാന്തഃ കൃതാഗമഃ
അനിര്ദ്ദേശ്യവപുര്വിഷ്ണുര്വീരോഽനന്തോ ധനഞ്ജയഃ 70
ബ്രഹ്മണ്യോ ബ്രഹ്മകൃദ് ബ്രഹ്മാ ബ്രഹ്മ
ബ്രഹ്മവിവര്ദ്ധനഃ
ബ്രഹ്മവിദ് ബ്രാഹ്മണോ ബ്രഹ്മീ ബ്രഹ്മജ്ഞോ
ബ്രാഹ്മണപ്രിയഃ 71
മഹാക്രമോ മഹാകര്മ്മാ മഹാതേജോ മഹോരഗഃ
മഹാക്രതുര്മഹായജ്വാ മഹായജ്ഞോ മഹാഹവിഃ 72
സ്തവ്യഃ സ്തവപ്രിയഃ സ്തോത്രം സ്തുതിഃ
സ്തോതാ രണപ്രിയഃ
പൂര്ണ്ണഃ പൂരയിതാ പുണ്യഃ പുണ്യകീര്ത്തിരനാമയഃ 73
മനോജവസ്തീര്ത്ഥകരോ വസുരേതാ വസുപ്രദഃ
വസുപ്രദോ വാസുദേവോ വസുര്വസുമനാ ഹവിഃ 74
സദ്ഗതിഃ സത്കൃതിഃ സത്താ സത്ഭൂതിഃ സത്പരായണഃ
ശൂരസേനോ യദുശ്രേഷ്ഠഃ സന്നിവാസഃ സുയാമുനഃ 75
ഭൂതാവാസോ വാസുദേവഃ സര്വ്വാസുനിലയോഽനലഃ
ദര്പ്പഹാ ദര്പ്പദോ ദൃപ്തോ ദുര്ധരോഽഥാപരാജിതഃ 76
വിശ്വമൂര്ത്തിര്മ്മഹാമൂര്ത്തിര്ദീപ്തമൂര്ത്തിരമൂര്ത്തിമാന്
അനേകമൂര്ത്തിരവ്യക്തഃ ശതമൂര്ത്തിഃ ശതാനനഃ 77
ഏകോനൈകഃ സവഃ കഃ കിം യത്തത്പദമനുത്തമം
ലോകബന്ധുര്ലോകനാഥോ മാധവോ ഭക്തവത്സലഃ 78
സുവര്ണ്ണവര്ണ്ണോ ഹേമാംഗോ വരാംഗശ്ചന്ദനാംഗദീ
വീരഹാ വിഷമഃ ശൂന്യോ ഘൃതാശീരചലശ്ചലഃ 79
അമാനി മാനദോ മാന്യോ ലോകസ്വാമീ ത്രിലോകധൃക്
സുമേധാ മേധജോ ധന്യഃ സത്യമേധാ ധരാധരാഃ 80
തേജോവൃഷോ ദ്യുതിധരഃ സര്വശസ്ത്രഭൃതാംവരഃ
പ്രഗ്രഹോ നിഗ്രഹോ വ്യഗ്രോ നൈകശൃംഗോ ഗദാഗ്രജഃ 81
ചതുര്മ്മൂര്ത്തിശ്ചതുര്ബാഹുശ്ചതുര്വ്യൂഹശ്ചതുര്ഗ്ഗതിഃ
ചതുരാത്മാ ചതുര്ഭാവശ്ചതുര്വ്വേദവിദേകപാത് 82
സമാവര്ത്തോ നിവൃത്താത്മാ ദുര്ജയോ ദുരതിക്രമഃ
ദുര്ലഭോ ദുര്ഗ്ഗമോ ദുര്ഗ്ഗോ ദുരാവാസോ ദുരാരിഹാ83
ശുഭാംഗോ ലോകസാരംഗഃ സുതന്തുസ്തന്തുവര്ദ്ധനഃ
ഇന്ദ്രകര്മ്മാ മഹാകര്മ്മാ കൃതകര്മ്മാ കൃതാഗമഃ 84
ഉത്ഭവഃ സുന്ദരഃ സുന്ദോഃ രത്നനാഭഃ സുലോചനഃ
അര്ക്കോ വാജസനഃ ശ്യംഗീ ജയന്തഃ സര്വ്വവിജ്ജയീ 85
സുവര്ണ്ണബിന്ദുരക്ഷോഭ്യഃ സര്വ്വവാഗീശ്വരേശ്വരഃ
മഹാഹ്രദോ മഹാഗര്ത്തോ മഹാഭൂതോ മഹാനിധിഃ 86
കുമുദഃ കുന്ദരഃ കുന്ദഃ പര്ജന്യഃ പാവനോഽനിലഃ
അമൃതാശോഽമൃതവപുഃ സര്വ്വജ്ഞഃ സര്വ്വതോമുഖ 87
സുലഭഃ സുവ്രതഃ സിദ്ധഃ ശത്രുജിച്ഛത്രുതാപനഃ
ന്യഗ്രോധോദുംബരോഽശ്വത്ഥശ്ചാണൂരാന്ധ്രനിഷൂദനഃ 88
സഹസ്രാര്ച്ചിഃ സ്പതജിഹ്വഃ സപ്തൈധാ സപ്തവാഹനഃ
അമൂര്ത്തിരനഘോഽചിന്ത്യോ ഭയകൃത് ഭയനാശനഃ89
അണുര്ബൃഹത് കൃശസ്ഥൂലോ ഗുണഭൃന്നിര്ഗ്ഗുണോ മഹാന്
അധൃതഃ സ്വധൃതഃ സ്വാസ്യഃ പ്രാഗ്വംശോ വംശവര്ദ്ധനഃ 90
ഭാരഭൃത് കഥിതോ യോഗി യോഗീശഃ സര്വ്വകാമദഃ
ആശ്രമഃ ശ്രമണഃ ക്ഷാമഃ സുപര്ണോ വായുവാഹനഃ91
ധനുര്ദ്ധരോ ധനുര്വ്വേദോ ദണ്ഡോ ദമയിതാ ദമഃ
അപരാജിതഃ സര്വ്വസഹോ നിയന്താ നിയമോ യമഃ 92
സത്ത്വവാന് സാത്വികഃ സത്യഃ സത്യധര്മ്മപരായണഃ
അഭിപ്രായഃ പ്രിയാര്ഹോഽര്ഹഃ പ്രിയകൃത് പ്രീതിവര്ദ്ധനഃ 93
വിഹായസഗതിര്ജ്ജ്യോതിഃ സുരുചിര്ഹുതഭൂഗ്വിഭുഃ
രവിര്വ്വിരോചനഃ സൂര്യഃ സവിതാ രവിലോചനഃ 94
അനന്തോ ഹുതഭൂഗ്ഭോക്താ സുഖദോ നൈകജോഽഗ്രജഃ
അനിര്വിണ്ണഃ സദാമര്ഷീ ലോകാധിഷ്ഠാനമത്ഭുതഃ 95
സനാത്സനാതനതമഃ കപിലഃ കപിരവ്യയഃ
സ്വസ്തിദഃ സ്വസ്തികൃത് സ്വസ്തി സ്വസ്തിഭൂക്
സ്വസ്തിദക്ഷിണഃ 96
അരൗദ്രഃ കുണ്ഡലീ ചക്രീ വിക്രമ്യൂര്ജ്ജിതശാസനഃ
ശബ്താതിഗഃ ശബ്ദസഹഃ ശിശിരഃ ശര്വ്വരീകരഃ 97
അക്രൂരഃ പേശലോ ദക്ഷോ ദക്ഷിണഃ ക്ഷമിണാംവരഃ
വിദ്വത്തമോ വീതഭയഃ പുണ്യശ്രവണകീര്ത്തനഃ 98
ഉത്താരണോ ദുഷ്കൃതിഹാ പുണ്യോ ദുഃസ്വപ്നനാശനഃ
വീരഹാഃ രക്ഷണഃ സന്തോ ജീവനഃ പര്യവസ്ഥിതഃ 99
അനന്തരൂപോഽനന്തശ്രീര്ജ്ജിതമന്യുര്ഭയാപഹഃ
ചതുരശ്രോ ഗഭീരാത്മാ വിദിശോ വ്യാദിശോ ദിശഃ 100
അനാദിര്ഭൂര്ഭുവോ ലക്ഷ്മീഃ സുവിരോ രുചിരാംഗദഃ
ജനനോ ജനജന്മാദിര്ഭീമോ ഭീമപരാക്രമഃ 101
ആധാരനിലയോ ധാതാ പുഷ്പഹാസഃ പ്രജാഗരഃ
ഊര്ദ്ധ്വഗഃ സത്പഥാചാരഃ പ്രാണദഃ പ്രണവഃ പണഃ 102
പ്രമാണം പ്രാണനിലയഃ പ്രാണഭൃത് പ്രാണജീവനഃ
തത്ത്വം തത്ത്വവിദേകാത്മാ ജന്മമൃത്യുജരാതിഗഃ 103
ഭൂര്ഭൂവഃ സ്വസ്തരുസ്താരഃ സവിതാഃ പ്രപിതാമഹഃ
യജ്ഞോ യജ്ഞപതിര്യജ്വാ യജ്ഞാംഗോ
യജ്ഞവാഹനഃ 104
യജ്ഞഭൃദ്യജ്ഞകൃദ്യജ്ഞീ യജ്ഞഭുഗ്യജ്ഞസാധനഃ
യജ്ഞാന്തകൃദ്യജ്ഞഗുഹ്യമന്നമന്നാദ ഏവ ച 105
ആത്മയോനിഃ സ്വയംജാതോ വൈഖാനഃ സാമഗായനഃ
ദേവകീനന്ദനഃ സ്രഷ്ടാ ക്ഷിതീശഃ പാപനാശനഃ 106
ശംഖഭൃന്നന്ദകീ ചക്രീ ശാര്ങ്ഗധന്വാ ഗദാധരഃ
രഥാംഗപാണിരക്ഷോഭ്യഃ സര്വ്വപ്രഹരണായുധഃ 107
സര്വ്വപ്രഹരാണായുധഃ ഓം നമഃ ഇതി
വനമാലീ ഗദീ ശാര്ങ്ഗി ശംഖീ ചക്രി ച നന്ദകീ
ശ്രീമന്നാരായണോ വിഷ്ണുവാസുദേവോഽഭിരക്ഷതു1
ഫലശ്രുതി
ഇതീദം കീര്ത്തനീയസ്യ കേശവസ്യ മഹാത്മനഃ
നാമ്നാം സഹസ്രം ദിവ്യാനാമശേഷേണ പ്രകീര്ത്തിതം2
യ ഇദം ശൃണുയാന്നിത്യം യശ്ചാപി പരികീര്ത്തയേത്
നാശുഭം പ്രാപ്നുയാത്കിഞ്ചിത്സോഽമുത്രേഹ ച മാനവഃ3
വേദാന്തഗോബ്രാഹ്മണഃ സ്യാത് ക്ഷത്രിയോ വിജയീഭവേത്
വൈശ്യോ ധനസമൃദ്ധഃ സ്യാച്ശുദ്രഃ സുഖമവാപ്നുയാത്4
ധര്മ്മാര്ത്ഥീ പ്രാപ്നുയാത് ധര്മ്മമര്ത്ഥാര്ത്ഥി
ചാര്ത്ഥമാപ്നുയാത്
കാമാനവാപ്നുയാത് കാമീ പ്രജാര്ത്ഥീ
പ്രാപ്നുയാത് പ്രജാം5
ഭക്തിമാന് യഃ സദോത്ഥായ ശുചിസ്തദ്ഗതമാനസഃ
സഹസ്രം വാസുദേവസ്യ നാമ്നാമേതത് പ്രകീര്ത്തയേത്6
യശഃ പ്രാപ്നോതി വിപുലം ജ്ഞാതി പ്രാധാന്യമേവ ച
അചലാം ശ്രിയമാപ്നോതി ശ്രേയഃ പ്രാപ്നോത്യനുത്തമം7
ന ഭയം ക്വചിദാപ്നോതി വീര്യം തേജശ്ച വിന്ദതി
ഭവ്യത്യരോഗോ ദ്യുതിമാന് ബലരൂപഗുണാന്വിതഃ8
രോഗാര്ത്തോ മുച്യതേ രോഗാത് ബദ്ധോ മുച്യേത ബന്ധനാത്
ഭയാന്മുച്യേത ഭീതസ്തു മുച്യേതാപന്ന ആപദഃ9
ദുര്ഗ്ഗാണ്യതിതരത്യാശു പുരുഷഃ പുരുഷോത്തമം
സ്തുവന്നാമസഹസ്രേണ നിത്യം ഭക്തി സമസ്വിതഃ 10
വാസുദേവാശ്രയോ മര്ത്യോ വാസുദേവപരായണഃ
സര്വപാപവിശുദ്ധാത്മാ യാതി ബ്രഹ്മ സനാതനം11
ന വാസുദേവഭക്താനാമശുഭം വിദ്യതേ ക്വചിത്
ജന്മമൃത്യുജരാവ്യാധി ഭയം നൈവോപജായതേ12
ഇമം സ്തവമധീ യാനഃ ശ്രദ്ധാഭക്തിസമന്വിതഃ
യുജ്യേതാത്മസുഖക്ഷാന്തി ശ്രീധൃതിസ്മ്യതികീര്ത്തിഭിഃ13
ന ക്രോധാ ന ച മാത്സര്യം ന ലോഭോ നാശുഭാ മതിഃ
ഭവന്തി കൃതപുണ്യാനാം ഭക്താനാം പുരുഷോത്തമേ14
ദ്യൌഃൃ സചന്ദ്രാര്ക്കനക്ഷത്രാ ഖം ദിശോ ഭൂര്മഹോദധിഃ
വാസുദേവസ്യ വീര്യേണ വിധൃതാനി മഹാത്മനാഃ15
സസുരാസുരഗന്ധര്വം സയക്ഷോരഗരാക്ഷസം
ജഗദ്വശേ വര്ത്തതേദം കൃഷ്ണസ്യ സചരാചരം16
ഇന്ദ്രിയാണി മനോ ബുദ്ധിഃ സത്ത്വം തേജോ ബലം ധൃതിഃ
വാസുദേവാത്മകന്യാഹു: ക്ഷേത്രം ക്ഷേത്രജ്ഞ ഏവ ച17
സര്വാഗമാനാമാചാരഃ പ്രഥമം പരികല്പ്യതേ
ആചാരപ്രഭവോ ധര്മോ ധര്മ്മസ്യ പ്രഭുരച്യുതഃ18
ഋഷയഃ പിതരോ ദേവാ മഹാഭൂതാനി ധാതവഃ
ജങ്ഗമാജങ്ഗമം ചേദം ജഗന്നാരായണോദ്ഭവം19
യോഗോ ജ്ഞാനം തഥാ സാംഖ്യം വിദ്യാഃ ശില്പാദികര്മ ച
വേദാഃ ശാസ്ത്രാണി വിജ്ഞാനമേതത്സര്വം ജനാര്ദനാത്20
ഏകോ വിഷ്ണൂര്മഹദ്ഭൂതം പൃഥഗ്ഭൂതാന്യനേകശഃ
ത്രീംല്ലോകാന് വ്യാപ്യ ഭൂതാത്മാ ഭുങ്ക്തേ വിശ്വഭുഗവ്യയഃ21
ഇമം സ്തവം ഭഗവതോ വിഷ്ണോര്വ്യാസേന കീര്ത്തിതം
പഠേദ്യ ഇച്ഛേത് പുരുഷഃ ശ്രേയഃ പ്രാപ്തും സുഖാനി ച22
വിശ്വേശ്വരമജം ദേവം ജഗതഃ പ്രഭുമവ്യയം
ഭജന്തി യേ പുഷ്കരാക്ഷം ന തേ യാന്തി പരാഭവം23
ന തേ യാന്തി പരാഭവം ഓം നമ ഇതി
അർജ്ജുന ഉവാച
പത്മപത്രവിശാലക്ഷ പത്മനാഭ സുരോത്തമ
ഭക്താനാമനുരക്താനാം ത്രാതാ ഭവ ജനർദ്ദനഃ
ശ്രീഭഗവനുവാച
യോ മാം നാമസഹസ്രേണ സ്തോതുമിച്ഛതി പാണ്ഡവ
സോഽഹമേകേന ശ്ലോകേന സ്തുത ഏവ ന സംശയഃ
സ്തുത ഏവ ന സംശയ ഓം നമ ഇതി
ശ്രീ വ്യാസ ഉവാച
വാസനാദ്വാസുദേവസ്യ വാസിതം ഭുവനത്രയം
സർവ്വഭൂതാനിവാസോഽസി വാസുദേവ നമോഽസ്തു തേ
ശ്രീ വാസുദേവ നമോഽസ്തുത ഓം നമ ഇതി
ശ്രീ പാർവത്യുവാച
കേനോപായേന ലഘുനാ വിഷ്ണോർനാമസഹസ്രകം
പഠ്യതേ പഠേതൈർനിത്യം ശ്രോതുമിച്ഛാമ്യഹം പ്രഭോ.
ശ്രീ ഈശ്വര ഉവാച
ശ്രീരാമ രാമ രാമേതി രമേ രാമേ മനോരമേ
സഹസ്രനാമ തത്തുല്യം രാമ നാമ വരാനനേ
ശ്രീരാമനാമ വരാനന ഓം നമ ഇതി
ബ്രഹ്മോവാച
നമോസ്ത്വനന്തായ സഹസ്രമൂർത്തയേ
സഹസ്രപാദാക്ഷിശിരോരുബാഹവേ
സഹസ്രനാമ്നേ പുരുഷായ ശാശ്വതേ
സഹസ്രകോടീ യുഗധാരിണെ നമഃ
സഹസ്രകോടീ യുഗധാരിണെ ഓം നമ ഇതി
സഞ്ജയ ഉവാച
യത്ര യോഗേശ്വരഃ കൃഷ്ണോ യത്ര പാർത്ഥോ ധനുർധരഃ
തത്ര ശ്രീർവിജയോ ഭൂതിർധ്രുവാ നീതിർമ്മതിർമമ
ശ്രീ ഭഗവാനുവാച
അനന്യാശ്ചിന്തയന്തോ മാം യേ ജനാഃ പര്യുപാസതേ
തേഷാം നിത്യാഭിയുക്താനാം യോഗക്ഷേമം വഹാമ്യഹം
പരിത്രാണായ സാധൂനാം വിനാശായ ച ദുഷ്കൃതാം
ധർമ്മസംസ്ഥാപനാർത്ഥായ സംഭവാമി യുഗേ യുഗേ
ആർത്താഃ വിഷണ്ണാഃ ശിഥിലാശ്ച ഭീതാഃ
ഘോരേഷു ച വ്യാധിഷു വർത്തമാനാഃ
സംകീർത്യ നാരായണശബ്ദമാത്രം
വിമുക്ത ദുഃഖാഃ സുഖിനോ ഭവന്തു
കായേന വാചാ മനസേന്ദ്രിയൈർവാ
ബുദ്ധ്യാത്മനാ വാ പ്രകൃതിസ്വഭാവാത്
കരോമി യദ്യത് സകലം പരസ്മൈ
നാരായണായേതി സമർപ്പയാമി
ഇതി ശ്രീവിഷ്ണുസഹസ്രനാമസ്തോത്രം സമ്പൂർണ്ണം
വിരാമശ്ലോകങ്ങൾ
നമഃ കമലനാഭായ നമസ്തേ ജലശായിനേ
നമസ്തേ കേശവാനന്ത വാസുദേവ നമോസ്തുതേ
നമോ ബ്രഹ്മണ്യദേവായ ഗോബ്രാഹ്മണഹിതായ ച
ജഗദ്ധിതായ കൃഷ്ണായ ഗോവിന്ദായ നമോ നമഃ
ആകാശാത്പതിതം തോയം യഥാ ഗച്ഛതി സാഗരം
സർവ്വദേവനമസ്കാരഃ കേശവം പ്രതി ഗച്ഛതി
ഏഷ നിഷ്കണ്ടകഃ പന്ഥാ യത്ര സമ്പൂജ്യതേ ഹരിഃ
കുപഥം തം വിജാനീയാദ് ഗോവിന്ദരഹിതാഗമം
സർവ്വവേദേഷു യത്പുണ്യം സർവ്വതീർത്ഥേഷു യത്ഫലം
തത്ഫലം സമവാപ്നോതി സ്തുത്വാ ദേവം ജനാർദ്ദനം
യോ നരഃ പഠതേ നിത്യം ത്രികാലം കേശവാലയേ
ദ്വികാലമേകകാലം വാ ക്രൂരം സർവ്വം വ്യപോഹതി
ദഹ്യന്തേ രിപവസ്തസ്യ സൗമ്യാഃ സർവ്വേ സദാ ഗ്രഹാഃ
വിലീയന്തേ ച പാപാനി സ്തവേ ഹ്യസ്മിൻ പ്രകീർത്തിതേ
യേനേ ധ്യാതഃ ശ്രുതോ യേന യേനായം പഠ്യതേ സ്തവഃ
ദത്താനി സർവ്വദാനാനി സുരാഃ സർവ്വേ സമർച്ചിതാഃ
ഇഹ ലോകേ പരേ വാപി ന ഭയം വിദ്യതേ ക്വചിത്
നാമ്നാം സഹസ്രം യോധീതേ ദ്വാദശ്യാം മമ സന്നിധൗ
ശനൈർദഹന്തി പാപാനി കല്പകോടിശതാനി ച
അശ്വത്ഥസന്നിധൗ പാർത്ഥ ധ്യാത്വാ മനസി കേശവം
പഠേന്നാമസഹസ്രം തു ഗവാം കോടിഫലം ലഭേൽ
ശിവാലയേ പഠേന്നിത്യം തുളസീവനസംസ്ഥിതഃ
നരോ മുക്തിമവാപ്നോതി ചക്രപാണേർവചോ യഥാ
ബ്രഹ്മഹത്യാദികം ഘോരം സർവ്വപാപം വിനശ്യതി
വിലയം യാന്തി പാപാനി ചാന്യപാപസ്യ കാ കഥാ
സർവ്വപാപവിനിർമുക്തോ വിഷ്ണുലോകം സ ഗച്ഛതി.
ഹരിഃ ഓം തത് സത്.
