ന്യാസം
അസ്യ ശ്രീ ലളിതാ സഹസ്രനാമ സ്തോത്ര
മഹാമന്ത്രസ്യ വശിന്യാദി വാഗ് ദേവത ഋഷയഃ
അനുഷ്ടുപ്ഛന്ദഃ
ശ്രീ ലളിതാ പരമേശ്വരി ദേവതാ
ശ്രീ മദ്വാഗ്ഭവകൂടേതി ബീജം
മദ്ധ്യകൂടേതി ശക്തിഃ ശക്തികൂടേതി കീലകം
മൂല പ്രകൃതിരിതിദ്ധൃാനം,
ശ്രീ ലളിതാ മഹാ ത്രിപുര സുന്ദരീ പ്രസാദ സിദ്ധിദ്വാരാ
സകലചിന്തിത ഫലാവാപ്തൃ൪ത്ഥേ ജപേ വിനിയോഗഃ
ധ്യാനം
സിന്ദൂരാരുണവിഗ്രഹാം ത്രിണയനാം മാണിക്യമൗലിസ്ഫുരത്-
താരാനായകശേഖരാം സ്മിതമുഖീമാപീനവക്ഷോരുഹാം
പാണിഭ്യാമളിപൂര്ണ്ണരത്നചഷകം രക്തോല്പലം ബിഭ്രതിം
സൌമ്യാം രത്നഘടസ്ഥരക്തചരണാം
ധ്യയേത്പരാമംബികാം1
ധ്യായേത് പത്മാസനസ്ഥാം വികസിതവദനാം
പത്മപത്രായതാക്ഷീം
ഹേമാഭാം പീതവസ്ത്രാം കരകലിതലസത്
ഹേമപത്മാം വരാംഗീം
സര്വ്വാലങ്കാരയുക്താം സതതമഭയദാം
ഭക്തനമ്രാം ഭവാനീം
ശ്രീവിദ്യാം ശാന്തമൂര്ത്തിം സകലസുരനുതാം
സര്വ്വസമ്പത്പ്രദാത്രീം2
സകുങ്കുമവിലേപനാമളികചുംബികസ്തൂരികാം
സമന്ദഹസിതേക്ഷണാം സശരചാപപാശാങ്കുശാം
അശേഷജനമോഹിനീം അരുണമാല്യഭൂഷോജ്ജ്വലാം
ജപാകുസുമഭാസുരാം ജപവിധൗ സ്മരേദംബികാം3
അരുണാം കരുണാതരംഗിതാക്ഷീം
ധൃതപാശാങ്കുശപുഷ്പബാണചാപാം
അണിമാദിഭിരാവൃതാം മയൂഖൈ-
രഹമിത്യേവ വിഭാവയേ ഭവാനീം4
ശ്രീ ലളിതാസഹസ്രനാമസ്തോത്രം
ഓം ശ്രീമാതാ, ശ്രീമഹാരാജ്ഞീ ശ്രീമല്സിംഹാസനേശ്വരീ
ചിദഗ്നികുണ്ഡസംഭൂതാ ദേവകാര്യസമുദ്യതാ1
ഉദ്യത്ഭാനുസഹസ്രാഭാ ചതുര്ബ്ബാഹുസമന്വിതാ
രാഗസ്വരൂപപാശാഢ്യാ ക്രോധാകാരാങ്കുശോജ്ജ്വലാ2
മനോരൂപേക്ഷുകോദണ്ഡാ പഞ്ചതന്മാത്രസായകാ
നിജാരുണപ്രഭാപൂരമജ്ജല്ബ്രഹ്മാണ്ഡമണ്ഡലാ3
ചമ്പകാശോകപുന്നാഗസൗഗന്ധികലസല്കചാ
കുരുവിന്ദമണിശ്രേണീകനല്കോടീരമണ്ഡിതാ4
അഷ്ടമീചന്ദ്രബിഭ്രാജദളികസ്ഥലശോഭിതാ
മുഖചന്ദ്രകളങ്കാഭമൃഗനാഭിവിശേഷകാ5
വദനസ്മരമാംഗല്യഗൃഹതോരണചില്ലികാ
വക്ത്രലക്ഷ്മീപരീവാഹചലന്മീനാഭലോചനാ6
നവചമ്പകപുഷ്പാഭനാസാദണ്ഡവിരാജിതാ
താരാകാന്തിതിരസ്കാരിനാസാഭരണഭാസുരാ7
കദംബമഞ്ജരീക്ലിപ്തകര്ണ്ണപൂരമനോഹരാ
താടങ്കയുഗളീഭൂതതപനോഡുപമണ്ഡലാ8
പത്മരാഗശിലാദര്ശപരിഭാവികപോലഭൂഃ
നവവിദ്രുമബിംബശ്രീന്യക്കാരിരദനച്ഛദാ9
ശുദ്ധവിദ്യാങ്കുരാകാരദ്വിജപങ്ക്തിദ്വയോജ്ജ്വലാ
കര്പ്പൂരവീടികാമോദസമാകര്ഷദ്ദിഗന്തരാ10
നിജസല്ലാപമാധുര്യവിനിര്ഭര്ത്സിതകച്ഛപീ
മന്ദസ്മിതപ്രഭാപൂരമജ്ജല്കാമേശമാനസാ11
അനാകലിതസാദൃശ്യചിബുകശ്രീവിരാജിതാ
കാമേശബദ്ധമാംഗല്യസൂത്രശോഭിതകന്ധരാ12
കനകാംഗദകേയൂരകമനീയഭൂജാന്വിതാ
രത്നഗ്രൈവേയചിന്താകലോലമുക്താഫലാന്വിതാ13
കാമേശ്വരപ്രേമരത്നമണിപ്രതിപണസ്തനീ
നാഭ്യാലവാലരോമാളീലതാഫലകുചദ്വയീ14
ലക്ഷ്യരോമലതാധാരതാസമുന്നേയമദ്ധ്യമാ
സ്തനഭാരദളന്മദ്ധ്യപട്ടബന്ധവലിത്രയാ15
അരുണാരുണകൌസുംഭവസ്ത്രഭാസ്വല്കടീതടീ
രത്നകിങ്കിണികാരമ്യരശനാദാമഭൂഷിതാ16
കാമേശജ്ഞാതസൌഭാഗ്യമാര്ദ്ദവോരുദ്വയാന്വിതാ
മാണിക്യമകുടാകാരജാനുദ്വയവിരാജിതാ17
ഇന്ദ്രഗോപപരിക്ഷിപ്തസ്മരതൂണാഭജംഘികാ
ഗൂഢഗൂല്ഫാ കൂര്മ്മപൃഷ്ഠജയിഷ്ണുപ്രപദാന്വിതാ18
നഖദീധിതിസംഛന്നനമജ്ജനതമോഗുണാ
പദദ്വയപ്രഭാജാലപരാകൃതസരോരുഹാ19
ശിഞ്ജാനമണിമഞ്ജീരമണ്ഡിതശ്രീപദാംബുജാ
മരാളീമന്ദഗമനാ മഹാലാവണ്യശേവധിഃ20
സര്വ്വാരുണാഽനവദ്യാംഗീ സര്വ്വാഭരണഭൂഷിതാ
ശിവകാമേശ്വരാങ്കസ്ഥാ ശിവാ സ്വാധീനവല്ലഭാ21
സുമേരുമധ്യശൃംഗസ്ഥാ ശ്രീമന്നഗരനായികാ
ചിന്താമണിഗൃഹാന്ത:സ്ഥാ പഞ്ചബ്രഹ്മാസനസ്ഥിതാ22
മഹാപത്മാടവീസംസ്ഥാ കദംബവനവാസിനീ
സുധാസാഗരമദ്ധ്യസ്ഥാ കാമാക്ഷീ കാമദായിനീ23
ദേവര്ഷിഗണസംഘാതസ്തൂയമാനാത്മവൈഭവാ
ഭണ്ഡാസുരവധോദ്യുക്തശക്തിസേനാസമന്വിതാ24
സമ്പല്ക്കരീസമാരൂഢസിന്ധുരവ്രജസേവിതാ
അശ്വാരൂഢാധിഷ്ഠിതാശ്വകോടികോടിഭിരാവൃതാ25
ചക്രരാജരഥാരൂഢസര്വ്വായുധപരിഷ്കൃതാ
ഗേയചക്രരഥാരൂഢമന്ത്രിണീപരിസേവിതാ26
കിരിചക്രരഥാരൂഢദണ്ഡനാഥാപുരസ്കൃതാ
ജ്വാലാമാലിനികാക്ഷിപ്തവഹ്നിപ്രാകാരമദ്ധ്യഗാ27
ഭണ്ഡസൈന്യവധോദ്യുക്തശക്തിവിക്രമഹര്ഷിതാ
നിത്യാപരാക്രമാടോപനിരീക്ഷണസമുല്സുകാ28
ഭണ്ഡപുത്രവധോദ്യുക്തബാലാവിക്രമനന്ദിതാ
മന്ത്രിണ്യംബാവിരചിതവിഷംഗവധതോഷിതാ29
വിശുക്രപ്രാണഹരണവാരാഹീവീര്യനന്ദിതാ
കാമേശ്വരമുഖാലോകകല്പിതശ്രീഗണേശ്വരാ30
മഹാഗണേശനിര്ഭിന്നവിഘ്നയന്ത്രപ്രഹര്ഷിതാ
ഭണ്ഡാസുരേന്ദ്രനിര്മ്മുക്തശസ്ത്രപ്രത്യസ്ത്രവര്ഷിണീ31
കരാംഗുലിനഖോല്പന്നനാരായണദശാകൃതിഃ
മഹാപാശുപതാസ്ത്രാഗ്നിനിര്ദ്ദഗ്ദ്ധാസുരസൈനികാ32
കാമേശ്വരാസ്ത്രനിര്ദ്ദഗ്ദ്ധസഭണ്ഡാസുരശൂന്യകാ
ബ്രഹ്മോപേന്ദ്രമഹേന്ദ്രാദിദേവസംസ്തുതവൈഭവാ33
ഹരനേത്രാഗ്നിസംദഗ്ദ്ധകാമസഞ്ജീവനൌഷധീഃ
ശ്രീമദ്വാഗ്ഭവകൂടൈകസ്വരൂപമുഖപങ്കജാ34
കണ്ഠാധ:കടിപര്യന്തമദ്ധ്യകൂടസ്വരൂപിണീ
ശക്തികൂടൈകതാപന്നകട്യധോഭാഗധാരിണീ35
മൂലമന്ത്രാത്മികാ മൂലകൂടത്രയകളേബരാ
കുളാമൃതൈകരസികാ കുളസങ്കേതപാലിനീ36
കുലാംഗനാ കുലാന്തഃസ്ഥാ കൗളിനീ കുളയോഗിനീ
അകുലാ സമയാന്തഃസ്ഥാ സമയാചാരതല്പരാ37
മൂലാധാരൈകനിലയാ ബ്രഹ്മഗ്രന്ഥിവിഭേദിനീ
മണിപൂരാന്തരുദിതാ വിഷ്ണുഗ്രന്ഥിവിഭേദിനീ38
ആജ്ഞാചക്രാന്തരാളസ്ഥാ രുദ്രഗ്രന്ഥിവിഭേദിനീ
സഹസ്രാരാംബുജാരൂഢാ സുധാസാരാഭിവര്ഷിണി39
തടില്ലതാസമരുചിഃഷട്ചക്രോപരിസംസ്ഥിതാ
മഹാസക്തിഃകുണ്ഡലിനീ ബിസതന്തുതനീയസീ40
ഭവാനീ ഭാവനാഗമ്യാ ഭവാരണ്യകുഠാരികാ
ഭദ്രപ്രിയാ ഭദ്രമൂര്ത്തിര് ഭക്തസൌഭാഗ്യദായിനീ41
ഭക്തിപ്രിയാ ഭക്തിഗമ്യാ ഭക്തിവശ്യാ ഭയാപഹാ
ശാംഭവീ ശാരദാരാദ്ധ്യാ ശര്വ്വാണീ ശര്മ്മദായനീ42
ശാങ്കരീ ശ്രീകരീ സാദ്ധ്വീ ശരച്ചന്ദ്രനിഭാനനാ
ശാതോദരീ ശാന്തിമതീ നിരാധാരാ നിരഞ്ജനാ43
നിര്ല്ലേപാ നിര്മ്മലാ നിത്യാ നിരാകാരാ നിരാകുലാ
നിര്ഗ്ഗുണാ നിഷ്കളാ ശാന്താ നിഷ്കാമാ നിരുപപ്ലവാ44
നിത്യമുക്താ നിര്വ്വികാരാ നിഷ്പ്രപഞ്ചാ നിരാശ്രയാ
നിത്യശുദ്ധാ നിത്യബുദ്ധാ നിരവദ്യാ നിരന്തരാ45
നിഷ്കാരണാ നിഷ്കളങ്കാ നിരുപാധിര്ന്നിരീശ്വരാ
നീരാഗാ രാഗമഥനാ നിര്മ്മദാ മദനാശിനീ46
നിശ്ചിന്താ നിരഹങ്കാരാ നിര്മ്മോഹാ മോഹനാശിനീ
നിര്മ്മമാ മമതാഹന്ത്രീ നിഷ്പാപാ പാപനാശിനീ47
നിഷ്ക്രോധാ ക്രോധശമനീ നിര്ല്ലോഭാ ലോഭനാശിനീ
നിസ്സംശയാ സംശയഘ്നീ നിര്ഭവാ ഭവനാശിനീ48
നിര്വ്വികല്പ്പാ നിരാബാധാ നിര്ഭേദാ ഭേദനാശിനീ
നിര്ന്നാശാ മൃത്യുമഥനീ നിഷ്ക്രിയാ നിഷ്പരിഗ്രഹാ49
നിസ്തുലാ നീലചികുരാ നിരപായാ നിരത്യയാ
ദുര്ല്ലഭാ ദുര്ഗ്ഗമാ ദുര്ഗ്ഗാ ദുഃഖഹന്ത്രീ സുഖപ്രദാ50
ദുഷ്ടദൂരാ ദുരാചാരശമനീ ദോഷവര്ജ്ജിതാ
സര്വ്വജ്ഞാ സാന്ദ്രകരുണാ സമാനാധികവര്ജ്ജിതാ51
സര്വ്വശക്തിമയീ സര്വ്വമംഗളാ സദ്ഗതിപ്രദാ
സര്വ്വേശ്വരീ സര്വ്വമയീ സര്വ്വമന്ത്രസ്വരൂപിണീ52
സര്വ്വയന്ത്രാത്മികാ സര്വ്വതന്ത്രരൂപാ മനോന്മനീ
മാഹേശ്വരീ മഹാദേവീ മഹാലക്ഷ്മിര്മൃഡപ്രിയാ53
മഹാരൂപാ മഹാപൂജ്യാ മഹാപാതകനാശിനീ
മഹാമായാ മഹാസത്വാ മഹാശക്തിര്മ്മഹാരതിഃ54
മഹാഭോഗാ മഹൈശ്വര്യാ മഹാവീര്യാ മഹാബലാ
മഹാബുദ്ധിര്മ്മഹാസിദ്ധിര്മ്മഹായോഗീശ്വരേശ്വരീ55
മഹാതന്ത്രാ മഹാമന്ത്രാ മഹായന്ത്രാ മഹാസനാ
മഹായാഗക്രമാരാദ്ധ്യാ മഹാഭൈരവപൂജിതാ56
മഹേശ്വരമഹാകല്പമഹാതാണ്ഡവസാക്ഷിണീ
മഹാകാമേശമഹിഷീ മഹാത്രിപുരസുന്ദരീ57
ചതുഃഷഷ്ട്യുപചാരാഢ്യാ ചതുഃഷഷ്ടികലാമയീ
മഹാചതുഃഷഷ്ടികോടിയോഗിനീഗണസേവിതാ58
മനുവിദ്യാ ചന്ദ്രവിദ്യാ ചന്ദ്രമണ്ഡലമദ്ധ്യഗാ
ചാരുരൂപാ ചാരുഹാസാ ചാരുചന്ദ്രകലാധരാ59
ചരാചരജഗന്നാഥാ ചക്രരാജനികേതനാ
പാര്വ്വതീ പത്മനയനാ പത്മരാഗസമപ്രഭാ60
പഞ്ചപ്രേതാസനാസീനാ പഞ്ചബ്രഹ്മസ്വരൂപിണീ
ചിന്മയീ പരമാനന്ദാ വിജ്ഞാനഘനരൂപിണീ61
ധ്യാനധ്യാതൃധ്യേയരൂപാ ധര്മ്മാധര്മ്മവിവര്ജ്ജിതാ
വിശ്വരൂപാ ജാഗരിണീ സ്വപന്തീ തൈജസാത്മികാ62
സുപ്താ പ്രാജ്ഞാത്മികാ തുര്യാ സര്വ്വാവസ്ഥാവിവര്ജ്ജിതാ
സൃഷ്ടികര്ത്രീ ബ്രഹ്മരൂപാ ഗോപ്ത്രീ ഗോവിന്ദരൂപിണീ63
സംഹാരിണീ രുദ്രരൂപാ തിരോധാനകരീശ്വരീ
സദാശിവാഽനുഗ്രഹദാ പഞ്ചകൃത്യപരായണാ64
ഭാനുമണ്ഡലമദ്ധ്യസ്ഥാ ഭൈരവീ ഭഗമാലിനീ
പത്മാസനാ ഭഗവതീ പത്മനാഭസഹോദരീ65
ഉന്മേഷനിമിഷോല്പന്നവിപന്നഭൂവനാവലിഃ
സഹസ്രശീര്ഷവദനാ സഹസ്രാക്ഷീ സഹസ്രപാത്66
ആബ്രഹ്മകീടജനനീ വര്ണ്ണാശ്രമവിധായിനീ
നിജാജ്ഞാരൂപനിഗമാ പുണ്യാപുണ്യഫലപ്രദാ67
ശ്രുതിസീമന്തസിന്ദൂരീകൃതപാദാബ്ജധൂളികാ
സകലാഗമസന്ദോഹശുക്തിസമ്പുടമൌക്തികാ68
പുരുഷാര്ത്ഥപ്രദാ പൂര്ണ്ണാ ഭോഗിനീ ഭുവനേശ്വരീ
അംബികാഽനാദിനിധനാ ഹരിബ്രഹ്മേന്ദ്രസേവിതാ69
നാരായണീ നാദരൂപാ നാമരൂപവിവര്ജ്ജിതാ
ഹ്രീങ്കാരീ ഹ്രീമതീ ഹൃദ്യാ ഹേയോപാദേയവര്ജ്ജിതാ70
രാജരാജാര്ച്ചിതാ രാജ്ഞീ രമ്യാ രാജീവലോചനാ
രഞ്ജനീ രമണീ രസ്യാ രണത്കിങ്കിണിമേഖലാ71
രമാ രാകേന്ദുവദനാ രതിരൂപാ രതിപ്രിയാ
രക്ഷാകരീ രാക്ഷസഘ്നീ രാമാ രമണലമ്പടാ72
കാമ്യാ കാമകലാരൂപാ കദംബകുസുമപ്രിയാ
കല്യാണീ ജഗതീകന്ദാ കരുണാരസസാഗരാ73
കലാവതീ കലാലാപാ കാന്താ കാദംബരീപ്രിയാ
വരദാ വാമനയനാ വാരുണീമദവിഹ്വലാ74
വിശ്വാധികാ വേദവേദ്യാ വിന്ധ്യാചലനിവാസിനീ
വിധാത്രീ വേദജനനീ വിഷ്ണുമായാ വിലാസിനീ75
ക്ഷേത്രസ്വരൂപാ ക്ഷേത്രേശീ ക്ഷേത്രക്ഷേത്രജ്ഞപാലിനീ
ക്ഷയവൃദ്ധിവിനിര്മ്മുക്താ ക്ഷേത്രപാലസമര്ച്ചിതാ76
വിജയാ വിമലാ വന്ദ്യാ വന്ദാരുജനവത്സലാ
വാഗ്വാദിനീ വാമകേശീ വഹ്നിമണ്ഡലവാസിനീ77
ഭക്തിമത്കല്പലതികാ പശുപാശവിമോചിനീ
സംഹൃതാശേഷപാഷണ്ഡാ സദാചാരപ്രവര്ത്തികാ78
താപത്രയാഗ്നിസന്തപ്തസമാഹ്ലാദനചന്ദ്രികാ
തരുണീ താപസാരാദ്ധ്യാ തനുമദ്ധ്യാ തമോപഹാ79
ചിതിസ്തല്പദലക്ഷ്യാര്ത്ഥാ ചിദേകരസരൂപിണീ
സ്വാത്മാനന്ദലവീഭൂതബ്രഹ്മാദ്യാനന്ദസന്തതിഃ80
പരാ പ്രത്യക്ചിതീരൂപാ പശ്യന്തീ പരദേവതാ
മദ്ധ്യമാ വൈഖരീരൂപാ ഭക്തമാനസഹംസികാ81
കാമേശ്വരപ്രാണനാഡീ കൃതജ്ഞാ കാമപൂജിതാ
ശൃംഗാരരസസമ്പൂര്ണ്ണാ ജയാ ജാലന്ധരസ്ഥിതാ82
ഓഢ്യാണപീഠനിലയാ ബിന്ദുമണ്ഡലവാസിനീ
രഹോയാഗക്രമാരാദ്ധ്യാ രഹസ്തര്പ്പണതര്പ്പിതാ83
സദ്യഃപ്രസാദിനീ വിശ്വസാക്ഷിണീ സാക്ഷിവര്ജ്ജിതാ
ഷഡംഗദേവതായുക്താ ഷാഡ്ഗുണ്യപരിപൂരിതാ84
നിത്യക്ലിന്നാ നിരുപമാ നിര്വ്വാണസുഖദായിനീ
നിത്യാഷോഡശികാരൂപാ ശ്രീകണ്ഠാര്ദ്ധശരീരിണീ85
പ്രഭാവതീ പ്രഭാരൂപാ പ്രസിദ്ധാ പരമേശ്വരീ
മൂലപ്രകൃതിരവ്യക്താ വ്യക്താവ്യക്തസ്വരൂപിണീ86
വ്യാപിനീ വിവിധാകാര വിദ്യാവിദ്യാസ്വരൂപിണീ
മഹാകാമേശനയനകുമുദാഹ്ലാദകൗമുദി87
ഭക്തഹാര്ദ്ദതമോഭേദഭാനുമത്ഭാനുസന്തതിഃ
ശിവദൂതീ ശിവാരാദ്ധ്യാ ശിവമൂര്ത്തിശ്ശിവങ്കരീ88
ശിവപ്രിയാ ശിവപരാ ശിഷ്ടേഷ്ടാ ശിഷ്ടപൂജിതാ
അപ്രമേയാ സ്വപ്രകാശാ മനോവാചാമഗോചരാ89
ചിച്ഛക്തിശ്ചേതനാരൂപാ ജഡശക്തിര്ജ്ജഡാത്മികാ
ഗായത്രീ വ്യാഹൃതിസ്സന്ധ്യാ ദ്വിജവൃന്ദനിഷേവിതാ90
തത്ത്വാസനാ തത്ത്വമയീ പഞ്ചകോശാന്തരസ്ഥിതാ
നിസ്സീമമഹിമാ നിത്യയൌവ്വനാ മദശാലിനീ91
മദഘൂര്ണ്ണിതരക്താക്ഷീ മദപാടലഗണ്ഡഭൂഃ
ചന്ദനദ്രവദിഗ്ദ്ധാംഗീ ചാമ്പേയകുസുമപ്രിയാ92
കുശലാ കോമളാകാരാ കുരുകുല്ലാ കുലേശ്വരീ
കുലകുണ്ഡാലയാ കൌള മാര്ഗ്ഗതല്പരസേവിതാ93
കുമാരഗണനാഥാംബാ തുഷ്ടി:പുഷ്ടിര്മ്മതിര്ധൃതിഃ
ശാന്തിഃ സ്വസ്തിമതീ കാന്തിര്നന്ദിനീ വിഘ്നനാശിനീ94
തേജോവതീ ത്രിനയനാ ലോലാക്ഷീകാമരൂപിണീ
മാലിനീ ഹംസിനീ മാതാ മലയാചലവാസിനീ95
സുമുഖീ നളിനീ സുഭ്രുഃ ശോഭനാ സുരനായികാ
കാളകണ്ഠീ കാന്തിമതീ ക്ഷോഭിണീ സൂക്ഷ്മരൂപിണീ96
വജ്രേശ്വരീ വാമദേവീ വയോവസ്ഥാവിവര്ജ്ജിതാ
സിദ്ധേശ്വരീ സിദ്ധവിദ്യാ സിദ്ധമാതാ യശസ്വിനീ97
വിശുദ്ധിചക്രനിലയാഽരക്തവര്ണ്ണാ ത്രിലോചനാ
ഖട്വാംഗാദിപ്രഹരണാ വദനൈകസമന്വിതാ98
പായസാന്നപ്രിയാ ത്വക്സ്ഥാ പശുലോകഭയങ്കരീ
അമൃതാദിമഹാശക്തിസംവൃതാ ഡാകിനീശ്വരീ99
അനാഹതാബ്ജനിലയാ ശ്യാമാഭാ വദനദ്വയാ
ദംഷ്ട്രോജ്ജ്വലാഽക്ഷമാലാദിധരാ രുധിരസംസ്ഥിതാ100
കാളരാത്ര്യാദിശക്ത്യൌഘവൃതാ സ്നിഗ്ദ്ധൗദനപ്രിയാ
മഹാവീരേന്ദ്രവരദാ രാകിണ്യംബാസ്വരൂപിണീ101
മണിപൂരാബ്ജനിലയാ വദനത്രയസംയുതാ
വജ്രാദികായുധോപേതാ ഡാമര്യാദിഭിരാവൃതാ102
രക്തവര്ണ്ണാ മാംസനിഷ്ഠാ ഗുഡാന്നപ്രീതമാനസാ
സമസ്തഭക്തസുഖദാ ലാകിന്യംബാസ്വരൂപിണീ103
സ്വാധിഷ്ഠാനാംബുജഗതാ ചതുര്വക്ത്രമനോഹരാ
ശൂലാദ്യായുധസമ്പന്നാ പീതവര്ണ്ണാഽതിഗര്വ്വിതാ104
മേദോനിഷ്ഠാ മധുപ്രീതാ ബന്ദിന്യാദിസമന്വിതാ
ദദ്ധ്യന്നാസക്തഹൃദയാ കാകിനീരൂപധാരിണീ105
മൂലാധാരാംബുജാരൂഢാ പഞ്ചവക്ത്രഽസ്ഥിസംസ്ഥിതാ
അങ്കുശാദിപ്രഹരണാ വരദാദിനിഷേവിതാ106
മുദ്ഗൌദനാസക്തചിത്താ സാകിന്യംബാസ്വരൂപിണീ
ആജ്ഞാചക്രാബ്ജനിലയാ ശുക്ലവര്ണ്ണാ ഷഡാനനാ107
മജ്ജാസംസ്ഥാ ഹംസവതിമുഖ്യശക്തിസമന്വിതാ
ഹരിദ്രാന്നൈകരസികാ ഹാകിനീരൂപധാരിണീ108
സഹസ്രദളപത്മസ്ഥാ സര്വ്വവര്ണ്ണോപശോഭിതാ
സര്വായുധധരാ ശുക്ലസംസ്ഥിതാ സര്വതോമുഖീ109
സര്വൌദനപ്രീതചിത്താ യാകിന്യംബാസ്വരൂപിണീ
സ്വാഹാ സ്വധാഽമതിര്മ്മേധാ ശ്രുതി സ്മൃതിരനുത്തമാ110
പുണ്യകീര്ത്തിഃപുണ്യലഭ്യാ പുണ്യശ്രവണകീര്ത്തനാ
പുലോമജാര്ച്ചിതാ ബന്ധമോചിനീ ബര്ബ്ബരാളകാ111
വിമര്ശരൂപിണീ വിദ്യാ വിയദാദിജഗല്പ്രസൂഃ
സര്വ്വവ്യാധിപ്രശമനീ സര്വ്വമൃത്യുനിവാരിണീ112
അഗ്രഗണ്യാഽചിന്ത്യരൂപാ കലികല്മഷനാശിനീ
കാര്ത്ത്യായനീ കാലഹന്ത്രീ കമലാക്ഷനിഷേവിതാ113
താംബൂലപൂരിതമുഖീ ദാഡിമീകുസുമപ്രഭാ
മൃഗാക്ഷീ മോഹിനീ മുഖ്യാ മൃഡാനീ മിത്രരൂപിണീ114
നിത്യതൃപ്താ ഭക്തനിധിര്ന്നിയന്ത്രീ നിഖിലേശ്വരി
മൈത്ര്യാദിവാസനാലഭ്യാ മഹാപ്രളയസാക്ഷിണീ115
പരാശക്തിഃ പരാനിഷ്ഠാ പ്രജ്ഞാനഘനരൂപിണീ
മാധ്വീപാനാലസാ മത്താ മാതൃകാവര്ണ്ണരൂപിണീ116
മഹാകൈലാസനിലയാ മൃണാളമൃദുദോര്ല്ലതാ
മഹനീയാ ദയാമൂര്ത്തിര്മ്മഹാസാമ്രാജ്യശാലിനീ117
ആത്മവിദ്യാ മഹാവിദ്യാ ശ്രീവിദ്യാ കാമസേവിതാ
ശ്രീഷോഡശാക്ഷരീവിദ്യാ ത്രികൂടാ കാമകോടികാ118
കടാക്ഷകിങ്കരീഭൂതകമലാകോടിസേവിതാ
ശിരഃസ്ഥിതാ ചന്ദ്രനിഭാ ഫാലസ്ഥേന്ദ്രധനുഃപ്രഭാ119
ഹൃദയസ്ഥാ രവിപ്രഖ്യാ ത്രികോണാന്തരദീപികാ
ദാക്ഷായണീ ദൈത്യഹന്ത്രീ ദക്ഷയജ്ഞവിനാശിനീ120
ദരാന്ദോളിതദീര്ഘാക്ഷീ ദരഹാസോജ്ജ്വലന്മുഖീ
ഗുരുമൂര്ത്തിര്ഗ്ഗുണനിധിര്ഗ്ഗോമാതാ ഗുഹജന്മഭൂഃ121
ദേവേശീ ദണ്ഡനീതിസ്ഥാ ദഹരാകാശരൂപിണീ
പ്രതിപന്മുഖ്യരാകാന്തതിഥി മണ്ഡലപൂജിതാ122
കലാത്മികാ കലാനാഥാ കാവ്യാലാപവിനോദിനീ
സചാമരരമാവാണീസവ്യദക്ഷിണസേവിതാ123
ആദിശക്തിരമേയാത്മാ പരമാ പാവനാകൃതിഃ
അനേകകോടിബ്രഹ്മാണ്ഡജനനീ ദിവ്യവിഗ്രഹാ124
ക്ലീങ്കാരീ കേവലാ ഗുഹ്യാ കൈവല്യപദദായിനീ
ത്രിപുരാ ത്രിജഗദ്വന്ദ്യാ ത്രിമൂര്ത്തിസ്ത്രിദശേശ്വരീ125
ത്ര്യക്ഷരീ ദിവ്യഗന്ധാഢ്യാ സിന്ദൂരതിലകാഞ്ചിതാ
ഉമാ ശൈലേന്ദ്രതനയാ ഗൗരീ ഗന്ധര്വ്വസേവിതാ126
വിശ്വഗര്ഭാ സ്വര്ണ്ണഗര്ഭാഽവരദാ വാഗധീശ്വരീ
ധ്യാനഗമ്യാഽപരിഛേദ്യാ ജ്ഞാനദാ ജ്ഞാനവിഗ്രഹാ127
സര്വ്വവേദാന്തസംവേദ്യാ സത്യാനന്ദസ്വരൂപിണീ
ലോപാമുദ്രാര്ച്ചിതാ ലീലാക്ലിപ്തബ്രഹ്മാണ്ഡമണ്ഡലാ128
അദൃശ്യാ ദൃശ്യരഹിതാ വിജ്ഞാത്രീ വേദ്യവര്ജ്ജിതാ
യോഗിനീ യോഗദാ യോഗ്യാ യോഗാനന്ദാ യുഗന്ധരാ129
ഇച്ഛാശക്തിജ്ഞാനശക്തിക്രിയാശക്തിസ്വരൂപിണീ
സര്വ്വാധാരാ സുപ്രതിഷ്ഠാ സദസദ്രൂപധാരിണീ130
അഷ്ടമൂര്ത്തിരജാജൈത്രീ ലോകയാത്രാവിധായിനീ
ഏകാകിനീ ഭൂമരൂപാ നിര്ദ്വൈതാ ദ്വൈതവര്ജ്ജിതാ131
അന്നദാ വസുദാ വൃദ്ധാ ബ്രഹ്മാത്മൈക്യസ്വരൂപിണീ
ബൃഹതീ ബ്രാഹ്മണീ ബ്രാഹ്മീ ബ്രഹ്മാനന്ദാ ബലിപ്രിയാ132
ഭാഷാരൂപാ ബൃഹത്സേനാ ഭാവാഭാവവിവര്ജ്ജിതാ
സുഖാരാദ്ധ്യാ ശുഭകരീ ശോഭനാസുലഭാഗതിഃ133
രാജരാജേശ്വരീ രാജ്യദായിനീ രാജ്യവല്ലഭാ
രാജത്കൃപാ രാജപീഠനിവേശിതനിജാശ്രിതാ134
രാജ്യലക്ഷ്മീഃ കോശനാഥാ ചതുരംഗബലേശ്വരീ
സാമ്രാജ്യദായിനീ സത്യസന്ധാ സാഗരമേഖലാ135
ദീക്ഷിതാ ദൈത്യശമനീ സര്വ്വലോകവശങ്കരീ
സര്വ്വാര്ത്ഥദാത്രീ സാവിത്രീ സച്ചിദാനന്ദരൂപിണീ136
ദേശകാലാപരിച്ഛിന്നാ സര്വഗാ സര്വമോഹിനീ
സരസ്വതീ ശാസ്ത്രമയീ ഗുഹാംബാ ഗുഹ്യരൂപിണീ137
സര്വോപാധിവിനിര്മ്മുക്താ സദാശിവപതിവ്രതാ
സമ്പ്രദായേശ്വരീ സാദ്ധ്വീ ഗുരുമണ്ഡലരൂപിണീ138
കുലോത്തീര്ണ്ണാ ഭഗാരാദ്ധ്യാ മായാ മധുമതീ മഹീ
ഗണാംബാ ഗുഹ്യകാരാദ്ധ്യാ കോമാളാംഗീ ഗുരുപ്രിയാ139
സ്വതന്ത്രാ സര്വ്വതന്ത്രേശീ ദക്ഷിണാമൂര്ത്തിരൂപിണീ
സനകാദിസമാരാദ്ധ്യാ ശിവജ്ഞാനപ്രദായിനീ140
ചിത്കലാഽനന്ദാകലികാ പ്രേമരൂപാ പ്രിയങ്കരീ
നാമപാരായണപ്രീതാ നന്ദിവിദ്യാ നടേശ്വരീ141
മിഥ്യാജഗദധിഷ്ഠാനാ മുക്തിദാ മുക്തിരൂപിണീ
ലാസ്യപ്രിയാ ലയകരീ ലജ്ജാ രംഭാദിവന്ദിതാ142
ഭവദാവസുധാവൃഷ്ടിഃ പാപാരണ്യദവാനലാ
ദൗര്ഭാഗ്യതൂലവാതൂലാ ജരാദ്ധ്വാന്തരവിപ്രഭാ143
ഭാഗ്യാബ്ധിചന്ദ്രികാ ഭക്തചിത്തകേകിഘനാഘനാ
രോഗപര്വ്വതദംഭോളിര് മൃത്യുദാരുകുഠാരികാ144
മഹേശ്വരീ മഹാകാളി മഹാഗ്രാസാ മഹാശനാ
അപര്ണ്ണാ ചണ്ഡികാ ചണ്ഡമുണ്ഡാസുരനിഷൂദിനീ145
ക്ഷരാക്ഷരാത്മികാ സര്വ്വലോകേശീ വിശ്വധാരിണീ
ത്രിവര്ഗ്ഗദാത്രീ സുഭഗാ ത്ര്യംബകാ ത്രുഗുണാത്മികാ146
സ്വര്ഗ്ഗാപവര്ഗ്ഗദാ ശുദ്ധാ ജപാപുഷ്പനിഭാകൃതിഃ
ഓജോവതീ ദ്യുതിധരാ യജ്ഞരൂപാ പ്രിയവ്രതാ147
ദുരാരാദ്ധ്യാ ദുരാധര്ഷാ പാടലീകുസുമപ്രിയാ
മഹതീ മേരുനിലയാ മന്ദാരകുസുമപ്രിയാ148
വീരാരാദ്ധ്യാ വിരാഡ്രൂപാ വിരജാ വിശ്വതോമുഖീ
പ്രത്യഗ്രൂപാ പരാകാശാ പ്രാണദാ പ്രാണരൂപിണീ149
മാര്ത്താണ്ഡഭൈരവാരാദ്ധ്യാ മന്ത്രിണീന്യസ്തരാജ്യധൂഃ
ത്രിപുരേശീ ജയത്സേനാ നിസ്ത്രൈഗുണ്യാ പരാപരാ150
സത്യജ്ഞാനാനന്ദരൂപാ സാമരസ്യപരായണാ
കപര്ദ്ദിനീ കലാമാലാ കാമധുക് കാമരൂപിണീ151
കലാനിധിഃ കാവ്യകലാ രസജ്ഞാ രസശേവധിഃ
പുഷ്ടാ പുരാതനാ പൂജ്യാ പുഷ്കരാ പുഷ്കരേക്ഷണാ152
പരംജ്യോതിഃ പരംധാമഃ പരമാണുഃ പരാത്പരാ
പാശഹസ്താ പാശഹന്ത്രീ പരമന്ത്രവിഭേദിനീ153
മൂര്ത്താഽമൂര്ത്താഽനിത്യതൃപ്താ മുനിമാനസഹംസികാ
സത്യവ്രതാ സത്യരൂപാ സര്വ്വന്തര്യാമിണീ സതീ154
ബ്രഹ്മാണീ ബ്രഹ്മ ജനനീ ബഹുരൂപാ ബുധാര്ച്ചിതാ
പ്രസവിത്രീ പ്രചണ്ഡാഽജ്ഞാ പ്രതിഷ്ഠാ പ്രകടാകൃതിഃ155
പ്രാണേശ്വരീ പ്രാണദാത്രീ പഞ്ചാശത്പീഠരൂപിണീ
വിശൃംഖലാ വിവിക്തസ്ഥാ വീരമാതാ വിയത്പ്രസുഃ156
മുകുന്ദാ മുക്തിനിലയാ മൂലവിഗ്രഹരൂപിണീ
ഭാവജ്ഞാ ഭവരോഗഘ്നീ ഭവചക്രപ്രവര്ത്തിനീ157
ഛന്ദസ്സാരാ ശാസ്ത്രസാരാ മന്ത്രസാരാ തലോദരീ
ഉദാരകീര്ത്തിരുദ്ദാമവൈഭവാ വര്ണ്ണരൂപിണീ158
ജന്മമൃത്യുജരാതപ്തജനവിശ്രാന്തിദായിനീ
സര്വ്വോപനിഷദുല്ഘുഷ്ടാ ശാന്ത്യതീതകലാത്മികാ159
ഗംഭീരാ ഗഗനാന്തസ്ഥാ ഗര്വ്വിതാ ഗാനലോലുപാ
കല്പനാരഹിതാ കാഷ്ഠാഽകാന്താ കാന്താര്ദ്ധവിഗ്രഹാ160
കാര്യകാരണനിര്മ്മുക്താ കാമകേളിതരംഗിതാ
കനത്കനകതാടങ്കാ ലീലാവിഗ്രഹധാരിണീ161
അജാ ക്ഷയവിനിര്മ്മുക്താ മുഗ്ദ്ധാ ക്ഷിപ്രപ്രസാദിനീ
അന്തര്മ്മുഖസമാരാദ്ധ്യാ ബഹിര്മ്മുഖസുദുര്ല്ലഭാ162
ത്രയീ ത്രിവര്ഗ്ഗനിലയാ ത്രിസ്ഥാ ത്രിപുരമാലിനീ
നിരാമയാ നിരാലംബാ സ്വാത്മാരാമാ സുധാസ്രുതിഃ163
സംസാരപങ്കനിര്മ്മഗ്നസമുദ്ധരണപണ്ഡിതാ
യജ്ഞപ്രിയാ യജ്ഞകര്ത്രീ യജമാനസ്വരൂപിണീ164
ധര്മ്മാധാരാ ധനാദ്ധ്യക്ഷാ ധനധാന്യവിവര്ദ്ധിനീ
വിപ്രപ്രിയാ വിപ്രരൂപാ വിശ്വഭ്രമണകാരിണീ165
വിശ്വഗ്രാസാ വിദ്രുമാഭാ വൈഷ്ണവീ വിഷ്ണുരൂപിണീ
അയോനിര്യോനിനിലയാ കൂടസ്ഥാ കുലരൂപിണീ166
വീരഗോഷ്ഠിപ്രിയാ വീരാ നൈഷ്കര്മ്മ്യാ നാദരൂപിണീ
വിജ്ഞാനകലനാ കല്യാ വിദഗ്ദ്ധാ ബൈന്ദവാസനാ167
തത്ത്വാധികാ തത്ത്വമയീ തത്ത്വമര്ത്ഥസ്വരൂപിണീ
സാമഗാനപ്രിയാ സൌമ്യാ സദാശിവകുടുംബിനീ168
സവ്യാപസവ്യമാര്ഗ്ഗസ്ഥാ സര്വ്വാപദ്വിനിവാരിണീ
സ്വസ്ഥാ സ്വഭാവമധുരാ ധീരാ ധീരസമര്ച്ചിതാ169
ചൈതന്യാര്ഘ്യസമാരാദ്ധ്യാ ചൈതന്യകുസുമപ്രിയാ
സദോദിതാ സദാതുഷ്ടാ തരുണാദിത്യപാടലാ170
ദക്ഷിണാദക്ഷിണാരാദ്ധ്യാ ദരസ്മേരമുഖാംബുജാ
കൗലിനീകേവലാഽനര്ഘ്യകൈവല്യപദദായനീ171
സ്തോത്രപ്രിയാ സ്തുതിമതീ ശ്രുതിസംസ്തുതവൈഭവാ
മനസ്വിനീ മാനവതീ മഹേശീ മംഗളാകൃതിഃ172
വിശ്വമാതാ ജഗദ്ധാത്രീ വിശാലാക്ഷീ വിരാഗിണീ
പ്രഗത്ഭാ പരമോദാരാ പരാമോദാ മനോമയീ173
വ്യോമകേശീ വിമാനസ്ഥാ വജ്രിണീ വാമകേശ്വരീ
പഞ്ചയജ്ഞപ്രിയാ പഞ്ചപ്രേതമഞ്ചാധിശായിനീ174
പഞ്ചമീ പഞ്ചഭൂതേശീ പഞ്ചസംഖ്യോപചാരിണീ
ശാശ്വതീ ശാശ്വതൈശ്വര്യാ ശര്മ്മദാ ശംഭുമോഹിനീ175
ധരാ ധരസുതാ ധന്യാ ധര്മ്മിണീ ധര്മ്മവര്ദ്ധിനീ
ലോകാതീതാ ഗുണാതീതാ സര്വാതീതാ ശമാത്മികാ176
ബന്ധുകകുസുമപ്രഖ്യാ ബാലാ ലീലാവിനോദിനീ
സുമംഗലീ സുഖകരീ സുവേഷാഢ്യാ സുവാസിനീ177
സുവാസിന്യര്ച്ചനപ്രീതാഽശോഭനാ ശുദ്ധമാനസാ
ബിന്ദുതര്പ്പണസന്തുഷ്ടാ പൂര്വ്വജാ ത്രിപുരാംബികാ178
ദശമുദ്രാസമാരാദ്ധ്യാ ത്രിപുരാശ്രീവശങ്കരീ
ജ്ഞാനമുദ്രാ ജ്ഞാനഗമ്യാ ജ്ഞാനജ്ഞേയസ്വരൂപിണീ179
യോനിമുദ്രാ ത്രിഖണ്ഡേശീ ത്രിഗുണാംബാ ത്രികോണഗാ
അനഘാഽത്ഭുതചാരിത്രാ വാഞ്ഛിതാര്ത്ഥപ്രദായിനീ180
അഭ്യാസാതിശയജ്ഞാതാ ഷഡദ്ധ്വാതീതരൂപിണീ
അവ്യാജകരുണാമൂര്ത്തിരജ്ഞാനദ്ധ്വാന്തദീപികാ181
ആബാലഗോപവിദിതാ സര്വാനുല്ലംഘ്യശാസനാ
ശ്രീചക്രരാജനിലയാ ശ്രീമത് ത്രിപുരസുന്ദരീ182
ശ്രീശിവാ ശിവശക്ത്യൈക്യരൂപിണീ ലളിതാംബികാ
ഏവം ശ്രീലളിതാദേവ്യാ നാമ്നാം സാഹസ്രകം ജഗുഃ
ഫലശ്രുതി
ഇത്യേതന്നാമസാഹസ്രം കഥിതം തേ ഘടോദ്ഭവ
രഹസ്യാനാം രഹസ്യം ച ലളിതാപ്രീതിദായകം 1
അനേന സദൃശം സ്തോത്രം ന ഭൂതം ന ഭവിഷ്യതി സർവ്വരോഗപ്രശമനം സർവ്വസമ്പത് പ്രവർദ്ധനം2
സർവ്വാപമൃത്യുശമനം കാലമൃത്യുനിവാരണം
സർവ്വജ്വരാർത്തിശമനം ദീർഘായുഷ്യപ്രദായകം3
പുത്രപ്രദമപുത്രാണാം പുരുഷാർത്ഥപ്രദായകം
ഇദം വിശേഷാത് ശ്രീദേവ്യാഃ സ്തോത്രം പ്രീതി വിധായകം4
ജപേന്നിത്യം പ്രയത്നേനലളിതോപാസ്തിതത്പരഃ
പ്രാതഃ സ്നാത്വാ വിധാനേന സന്ധ്യാകർമ്മ സമാപ്യ ച 5
പൂജാഗൃഹം തതോ ഗത്വാ ചക്രരാജം സമർച്ചയേത്
വിദ്യാം ജപേത് സഹസ്രം വാ ത്രിശതം ശതമേവ വാ6
രഹസ്യനാമസാഹസ്രമിദം പശ്ചാത് പഠേന്നരഃ
ജന്മമദ്ധ്യേ സകൃച്ചാപി യ ഏതത് പഠതേ സുധീഃ7
തസ്യ പുണ്യഫലം വക്ഷ്യേ ശൃണു ത്വം കുംഭസംഭവേ
ഗംഗാദി സർവ്വതീർത്ഥേഷു യഃ സ്നായാത്കോടിജന്മസു8
കോടിലിംഗപ്രതിഷ്ഠാം ച യഃ കുര്യാദവി മുക്തകേ
തത് പുണ്യകോടി ഗുണിതം ലഭേത് പുണ്യമനുത്തമം9
ഇതി ശ്രീബ്രഹ്മാണ്ഡപുരാണേ ഉത്തരഖണ്ഡേ
ശ്രീഹയഗ്രീവാഗസ്ത്യ സംവാദേ
ശ്രീ ലളിതാസഹസ്രനാമസ്തോത്രം സമാപ്തം
ശ്രീ മഹാദേവ്യൈ നമഃ
