ശ്രീ ദേവീമാഹാത്മ്യം

ദേവീ മാഹാത്മ്യം അർഗളാസ്തോത്രം

അസ്യ ശ്രീ അർഗ്ഗളാസ്തോത്രമഹാമന്ത്രസ്യ വിഷ്ണുർഋഷിഃ
അനുഷ്ടുപ്ഛന്ദഃ ശ്രീ മഹാലക്ഷ്മീ ദേവതാ ശ്രീജഗദംബാ
പ്രീതൃർത്ഥേ സപ്തശതീപാഠംഗത്വേന ജപേ വിനിയോഗഃ

ഓം നമശ്ചണ്ഡികായൈ

മാർക്കണ്ഡേയ ഉവാച
ഓം ജയന്തീ മംഗളാ കാളീ ഭദ്രകാളീ കപാലിനീ
ദുർഗ്ഗാ ക്ഷമാ ശിവാ ധാത്രീ സ്വാഹാ സ്വധാ നമോഽസ്തു തേ 1

ജയ ത്വം ദേവീ ചാമുണ്ഡേ ജയ ഭൂതാർത്തിഹാരിണി
ജയ സർവ്വഗതേ ദേവീ കാളരാത്രി നമോഽസ്തു തേ 2

മധുകൈടഭവിദ്രാവി വിധാതൃവരദേ നമഃ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 3

മഹിഷാസുരനിർന്നാശി ഭക്താനാം സുഖദേ നമഃ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 4

രക്തബീജവധേ ദേവി ചണ്ഡമുണ്ഡവിനാശിനി
രൂപം ദേഹി ജയം ദേഹി യശോ ദേഹി ദ്വിഷോ ജഹി 5

ശുംഭസ്യൈവ നിശുംഭസ്യ ധൂമ്രാക്ഷസ്യ ച മർദ്ദിനി
രൂപം ദേഹി ജയം ദേഹി യശോ ദേഹി ദ്വിഷോ ജഹി 6

വന്ദിതാംഘ്രിയുഗേ ദേവി സർവ്വസൗഭാഗ്യദായിനി
രൂപം ദേഹി ജയം ദേഹി യശോ ദേഹി ദ്വിഷോ ജഹി 7

അചിന്ത്യരൂപചരിതേ സർവ്വശത്രുവിനാശിനി
രൂപം ദേഹി ജയം ദേഹി യശോ ദേഹി ദ്വിഷോ ജഹി. 8

നതേഭ്യഃ സർവ്വദാ ഭക്ത്യാ ചണ്ഡികേ ദുരിതാപഹേ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 9

സ്തുവദ്ഭ്യോ ഭക്തിപൂർവ്വം ത്വാം ചംണ്ഡികേ വ്യാധിനാശിനി
രൂപം ദേഹി ജയം ദേഹി യശോ ദേഹി ദ്വിഷോ ജഹി 10

ചണ്ഡികേ സതതം യേ ത്വാമർച്ഛയന്തീഹ ഭക്തിതഃ
രൂപം ദേഹി ജയം ദേഹി യശോ ദേഹി ദ്വിഷോ ജഹി 11

ദേഹി സൗഭാഗ്യമാരോഗ്യം ദേഹി മേ പരമം സുഖം
രൂപം ദേഹി ജയം ദേഹി യശോ ദേഹി ദ്വിഷോ ജഹി. 12

വിധേഹി ദ്വിഷതാം നാശം വിധേഹി ബലമുച്ചക
രൂപം ദേഹി ജയം ദേഹി യശോ ദേഹി ദ്വിഷോ ജഹി. 13

വിധേഹി ദേവി കല്യാണം വിധേഹി വിപുലാം ശ്രിയാം
രൂപം ദേഹി ജയം ദേഹി യശോ ദേഹി ദ്വിഷോ ജഹി. 14

സുരാസുരശിരോരത്നനിഘൃഷ്ടചരണേഽംബികേ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 15

വിദ്യാവന്തം യശസ്വന്തം ലക്ഷ്മീവന്തം ജനം കുരു
രൂപം ദേഹി ജയം ദേഹി യശോ ദേഹി ദ്വിഷോ ജഹി. 16

പ്രചണ്ഡദൈത്യദർപ്പഘ്നേ ചണ്ഡികേ പ്രണതായ മേ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 17

ചതുർഭുജേ ചതുർവക്ത്രസംസ്തുതേ പരമേശ്വരി
രൂപം ദേഹി ജയം ദേഹി യശോ ദേഹി ദ്വിഷോ ജഹി. 18

കൃഷ്ണേന സംസ്തുതേ ദേവി ശശ്വദ്ഭക്ത്യാ സദാംബികേ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 19

ഹിമാചലസുതാനാഥപുജീതേ പരമേശ്വരി
രൂപം ദേഹി ജയം ദേഹി യശോ ദേഹി ദ്വിഷോ ജഹി. 20

ഇന്ദ്രാണീപതിസദ്ഭാവപൂജിതേ പരമേശ്വരി
രൂപം ദേഹി ജയം ദേഹി യശോ ദേഹി ദ്വിഷോ ജഹി. 21

ദേവി പ്രചണ്ഡദോർദ്ദണ്ഡ ദൈത്യദർപ്പവിനാശിനി
രൂപം ദേഹി ജയം ദേഹി യശോ ദേഹി ദ്വിഷോ ജഹി 22

ദേവി ഭക്തജനോദ്ദാമദത്താനന്ദോദയേഽംബികേ
രൂപം ദേഹി ജയം ദേഹി യശോ ദേഹി ദ്വിഷോ ജഹി. 23

പത്നീം മനോരമാം ദേഹി മനോവൃത്താനുസാരിണീം.
താരിണീം ദുർഗ്ഗസംസാരസാഗരസ്യ കുലോദ്ഭവാം 24

ഇദം സ്തോത്രം പഠിത്വാ തു മഹാസ്ത്രോത്രം പഠേന്നരഃ
സ തു സപ്തശതീസംഖ്യാവരമാപ്നോതി സമ്പദം 25

ഇതിദേവ്യാഃ അർഗ്ഗളാസ്തോത്രം സമാപ്തം

ശ്രീ കീലകസ്തോത്രം

ഓം അസ്യ ശ്രീ കീലകമഹാമന്ത്രസ്യ ശിവ ഋഷിഃ അനുഷ്ടുപ് ഛന്ദഃ
ശ്രീമഹാസരസ്വതീ ദേവതാ, ശ്രീജഗദംബാപ്രീത്യർത്ഥേ സപ്തശതീ പാഠാംഗത്വേന ജപേ വിനിയോഗ

ധ്യാനം

ശോണപ്രഭം സോമകലാവതംസം
പാണിസ്ഫുരത് പഞ്ചശരേക്ഷുചാപം
പ്രാണപ്രിയം നൗമി പിനാകപാണേഃ
കോണത്രയസ്ഥം കുലദൈവതം നഃ
ഓം നമശ്ചണ്ഡികായൈ

മാർക്കണ്ഡേയ ഉവാച

ഓം വിശുദ്ധജ്ഞാനദേഹായ ത്രിവേദീദിവ്യചക്ഷുഷേ
ശ്രേയഃപ്രാപ്തിനിമിത്തായ നമഃ സോമാർദ്ധധാരിണേ 1

സർവ്വമേതദ്വിജാനീയാന്മന്ത്രാണാമഭികീലകം
സോഽപി ക്ഷേമമവാപ്നോതി സതതം ജപ്യതത്പരഃ 2

സിദ്ധ്യന്ത്യുച്ചാടനാദീനി വസ്തൂനി സകലാന്യപി
ഏതേന സ്തുവതാം ദേവീം സ്തോത്രമാത്രേണ സിദ്ധ്യതി 3

ന മന്ത്രോ നൗഷധം തത്ര ന കിഞ്ചിദപി വിദ്യതേ
വിനാ ജാപേന്യ സിദ്ധ്യേത സർവ്വമുച്ചാടനാദികം 4

സമഗ്രാണ്യപി സിദ്ധ്യന്തി ലോകശങ്കാമിമാം ഹരേഃ
കൃത്വാ നിമന്ത്രയാമാസ സർവ്വമേവമിദം ശുഭം 5

സ്തോത്രം വൈ ചണ്ഡികായാസ്തു തച്ച ഗുഹ്യം ചകാര സഃ
സമാപ്തിർന്ന ച പുണ്യസ്യ താം യഥാവന്നിമന്ത്രണാം 6

സോഽപി ക്ഷേമമവാപ്നോതി സർവ്വമേവം ന സംശയഃ
കൃഷ്ണായാം വൈ ചതുർദ്ദശ്യാമഷ്ടമ്യാം വാ സമാഹിതഃ 7

ദദാതി പ്രതിഗൃഹ്ണാതി നാന്യഥൈഷാ പ്രസീദതി
ഇത്ഥം രൂപേണ കീലേന മഹാദേവേന കീലിതം 8

യോ നിഷ്കീലാം വിധായൈനാം നിത്യം ജപതി സംസ്ഫുടം
സ സുദ്ധഃ സ ഗണഃ സോഽപി ഗന്ധർവ്വോ ജായതേഽവനേ. 9

ന ചൈവാപ്യടതസ്തസ്യ ഭയം ക്വാപീഹ ജായതേ
നാപമൃത്യുവശം യാതി മൃതോ മോക്ഷമവാപ്നുയാത് 10

ജ്ഞാത്വാ പ്രാരഭ്യ കുർവ്വീത ഹ്യകുർവ്വാണോ വിനശ്യതി
തതോ ജ്ഞാനത്വൈവ സമ്പന്നമിദം പ്രാരഭ്യതേ ബുധൈഃ 11

സൗഭാഗ്യാദി ച യത്കിഞ്ചിദ് ദൃശ്യതേ ലലനാജനേ
തത്സർവ്വം തത്പ്രസാദേന തേന ജപ്യമിദം ശുഭം 12

ശനൈസ്തു ജപ്യമാനേഽസ്മിൻ സ്തോത്രേ സമ്പത്തിരുച്ചകൈ
ഭവത്യേവ സമഗ്രാപി തതഃ പ്രാരഭ്യമേവ തത് 13

ഐശ്വര്യം തത്പ്രസാദേന സൌഭാഗ്യാരോഗ്യസമ്പദഃ
ശത്രുഹാനിഃ പരോ മോക്ഷഃ സ്തൂയതേ സാ ന കിം ജനൈഃ 14

ഇതി ദേവ്യാഃ കീലകസ്തോത്രം സമാപ്തം

ഓം നമശ്ചണ്ഡികായൈ

പ്രഥമോഽദ്ധ്യായഃ

ഒന്നാം അദ്ധ്യായം

ഓം പ്രഥമചരിതസ്യ ബ്രഹ്മ ഋഷിഃ, മഹാകാളീ ദേവതാ, ഗായത്രീ ഛന്ദഃ, നന്ദാ ശക്തിഃ, രക്തദന്തികാ ബീജം, അഗ്നിസ്തത്ത്വം, ഋഗ്വേദഃ, സ്വരൂപം, ശ്രീമഹാകാളീപ്രീത്യർത്ഥേ പ്രഥമചരിതജപേ വിനിയോഗഃ

ധ്യാനം

ഓം ഖഡ്ഗം ചക്രഗദേഷുചാപപരിഘാൻ ശൂലം ഭുശുണ്ഡീം ശിരഃ ശംഖം സംദധതീം കരൈസ്ത്രിനയനാം സർവ്വാംഗഭൂഷാവൃതാം നീലാശുദ്യുതിമാസ്യപാദദശകാം സേവേ മഹാകാളീകാം യാമസ്തൗത് സ്വപിതേ ഹരെ കമലജോ ഹന്തും മധും കൈടഭം.

ഓം മാർക്കണ്ഡേയ ഉവാച
സാവർണ്ണിഃ സൂര്യതനയോ യോ മനുഃ കഥ്യതേഽഷ്ടമഃ
നിശാമയ തദുത്പത്തിം വിസ്തരാദ്ഗദതോ മമ 1

മഹാമായാനുഭാവേന യഥാ മന്വന്തരാധിപഃ
സ ബഭൂവ മഹാഭാഗഃ സാവർണ്ണിസ്തനയോ രവേഃ 2

സ്വാരോചിഷേഽന്തരേ പൂർവ്വം ചൈത്രവംശസമുദ്ഭവഃ
സുരഥോ നാമ രാജാഽഭൂത് സമസ്തേ ക്ഷിതിമണ്ഡലേ 3

തസ്യ പാലയതഃ സമ്യക് പ്രജാഃ പുത്രാനിവൌരസാൻ
ബഭൂവുഃ ശത്രവോ ഭൂപാഃ കോലാ വിദ്വേഷിണസ്തഥാ | 4

തസ്യ തൈരഭവദ് യുദ്ധമതിപ്രബലദണ്ഡിനഃ |
ന്യൂനൈരപി സ തൈർയുദ്ധേ കോലാവിദ്വേഷിഭിർജിതഃ || 5

തതഃ സ്വപുരമായാതോ നിജദേശാധിപോഽഭവത് |
ആക്രാന്തഃ സ മഹാഭാഗ നൈസ്തദാ പ്രബലാരിഭിഃ || 6

സ്വാമാത്യൈർബലിഭിർദുഷ്ടർദുർബലസ്യ ദുരാത്മഭിഃ |
കോശോ ബലം ചാപഹൃതം തത്രാപി സ്വപുരേ തതഃ || 7

തതോ മൃഗയാവ്യാജേന ഹൃതസ്വാമ്യഃ സ ഭൂപതിഃ |
ഏകാകീ ഹയമാരുഹ്യ ജഗാമ ഗഹനം വനം || 8

സ തത്രാശ്രമമദ്രാക്ഷീദ്വിജവര്യസ്യ മേധസഃ |
പ്രശാന്തഃ ശ്വാപദാകീർണ്ണം മുനിശിഷ്യോപശോഭിതം || 9

തസ്ഥൗ കംചിത്സ കാലം ച മുനിനാ തേന സത്കൃതഃ |
ഇതശ്ചേതശ്ച വിചരംസ്തസ്മിൻ മുനിവരാശ്രമേ 10

സോഽചിന്തയത്തദാ തത്ര മമത്വാകൃഷ്ടചേതനഃ) |
മത്പൂർവ്വൈഃ പാലിതം പൂർവ്വം മയാഹീനം പുരം ഹി തത് || 11

മദ്ഭൃത്യൈസ്തൈരസദ് വ്യത്തൈർധർമതഃ പാല്യതേ ന വാ |
ന ജാനേ സപ്രധാനോ മേ ശൂരോ ഹസ്തീ സദാമദഃ 12

മമ വൈരിവശം യാതഃ കാൻ ഭോഗാനുപലപ്സ്യതേ |
യേ മമാനുഗതാ നിത്യം പ്രസാദധനഭോജനൈഃ || 13

അനുവൃത്തിം ധ്രുവം തേഽദ്യ കുർവ്വന്ത്യന്യമഹീഭൃതാം
അസ്മ്യഗ്‌വ്യയശീലൈസ്തൈഃ കുർവ്വദ്ഭിഃ സതതം വ്യയം || 14

സഞ്ചിതഃ സോഽതിദുഃഖേന ക്ഷയം കോശോ ഗമിഷ്യതി |
ഏതച്ചാന്യച്ച സതതം ചിന്തയാമാസ പാർത്ഥിവഃ || 15

തത്ര വിപ്രാശ്രമാഭ്യാശോ വൈശ്യമേകം ദദർശ സഃ ।
സ പൃഷ്ടസ്തേന കസ്ത്വം ഭോ ഹേതുശ്ചാഗമനേഽത്ര കഃ || 16

സശോക ഇവ കസ്മാത് ത്വം ദുർമ്മനാ ഇവ ലക്ഷ്യസേ |
ഇത്യാകർണ്യ വചസ്തസ്യ ഭൂപതേഃ പ്രണയോദിതം || 17

പ്രത്യുവാച സ തം വൈശ്യഃ പ്രശ്നയാവനതോ നൃപം || 18

വൈശ്യ ഉവാച
സമാധിർന്നാമ വൈശോഽഹമുത്പന്നോ ധനിനാം കുലേ |
പുത്രദാർന്നിരസ്തശ്ച ധനലോഭാദസാധുഭിഃ || 19

ഗൃഹീതഃ സ്വജനൈർദാരൈഃ പുത്രൈരാദായ മേ ധനം |
വനമഭ്യാഗതോ ദുഃഖീ നിരസ്തശ്ചാപ്തബന്ധുഭിഃ || 20

സോഽഹം ന വേദ്മി പുത്രാണാം കുശലാകുശലാത്മികാം |
പ്രവൃത്തിം സ്വജനാനാം ച ദാരാണാം ചാത്ര സംസ്ഥിതഃ || 21

കിം നു തേഷാം ഗൃഹേ ക്ഷേമമക്ഷേമം കിം നു സാമ്പ്രതം
കഥം തേ കിം നു സദ്‌വൃത്താ ദുർവൃത്താ: കിം നു മേ സുതാഃ || 22

രാജോവാച
യൈർനിരസ്തോ ഭവാൻ ലുബ്ധൈഃ പുത്രദാരാദിഭിർധനൈഃ
തേഷു കിം ഭവതഃ സ്നേഹമനുബധ്നാതി മാനസം 23

വൈശ്യ ഉവാച
ഏവമേതദ്യഥാ പ്രാഹ ഭവാനസ്മദ്ഗതം വചഃ |
കിം കരോമി ന ബധ്നാതി മമ നിഷ്ഠൂരതാം മനഃ 24

യൈർ സന്ത്യജ്യ പിതൃസ്നേഹം ധനലുബ്ധൈർനിരാകൃതഃ
പതിസ്വജനഹാർദ്ദം ച ഹാർദ്ദി തേഷ്വേവ മേ മനഃ 25

കിമേതന്നാഭിജാനാമി ജാനന്നപി മഹാമതേ
യത് പ്രേമപ്രവണം ചിത്തം വിഗുണേഷ്വപി ബന്ധുഷു 26

തേഷാം കൃതേ മേ നിഃശ്വാസോ ദൌർമനസ്യം ച ജായതേ |
കരോമി കിം യന്ന മനസ്തേഷ്വ പ്രീതിഷു നിഷ്ഠൂരം 27

മാർക്കണ്ഡേയ ഉവാച
തതസ്തൗ സഹിതൗ വിപ്ര തം മുനിം സമുപസ്ഥിതൗ
സമാധിർന്നാമ വൈശ്യോഽസൗ സ ച പാർത്ഥിവസത്തമഃ 28

കൃത്വാ തു തൗ യഥാന്യായം യഥാർഹം തേന സംവിദം |
ഉപവിഷ്ടൗ കഥാഃ കാശ്ചിച്ചക്രതുർവൈശ്യപാര്ത്ഥിവൗ 29

രാജോവാച
ഭഗവംസ്ത്വാമഹം പ്രഷ്ടുമിച്ഛാമ്യേകം വദസ്വ തത്
ദുഃഖായ യമേ മനസഃ സ്വചിത്തായത്തതാം വിനാ 30

മമത്വം ഗതരാജ്യസ്യ രാജ്യാംഗേഷ്വഖിലേഷ്വപി |
ജാനതോഽപി യഥാജ്ഞസ്യ കിമേതന്മുനിസത്തമ 31

അയം ച നികൃതഃ പുത്രൈർദാരൈർഭൃത്യൈസ്തഥോജ്ഝിതഃ |
സ്വജനേന ച സന്ത്യക്തസ്തേഷു ഹാർദ്ദീ തഥാപ്യതി || 32

ഏവമേഷ തഥാഹം ച ദ്വാവപ്യത്യന്തദുഃഖിതൗ
ദൃഷ്ടദോഷേഽപി വിഷയേ മമത്വാകൃഷ്ടമാനസൗ 33

തത് കേനൈതന്മഹാഭാഗ യന്മോഹോ ജ്ഞാനിനോരപി
മമാസ്യ ച ഭവത്യേഷാ വിവേകാന്ധസ്യ മൂഢതാ 34

ഋഷിരുവാച

ജ്ഞാനമസ്തി സമസ്തസ്യ ജന്തോർവിഷയഗോചരേ
വിഷയശ്ച മഹാഭാഗ, യാതി ജാതിം പൃഥക്പൃഥക് 35

ദിവാന്ധാഃ പ്രാണിനഃ കേചിദ് രാത്രാവന്ധാസ്തഥാപരേ ||
കേചിദ് ദിവാ തഥാ രാത്രൗ പ്രാണിനസ്തുല്യദൃഷ്ടയഃ 36

ജ്ഞാനിനോ മനുജാഃ സത്യം, കിന്തു തേ നഹി കേവലം |
യതോ ഹി ജ്ഞാനിനസ്സർവ്വേ പശുപക്ഷിമൃഗാദയഃ || 37

ജ്ഞാനം ച തന്മനുഷ്യാണാം യത് തേഷാം മൃഗപക്ഷിണാം |
മനുഷ്യാണാം ച യത് തേഷാം തുല്യമന്യത് തഥോഭയോഃ || 38

ജ്ഞാനേഽപി സതി പശ്യൈതാൻ പതംങ്ഗാഞ്ഛാവചഞ്ചുഷു |
കണമോക്ഷാദൃതാൻ മോഹാത് പീഡയമാനാനപി ക്ഷുധാ || 39

മാനുഷാ മനുജവ്യാഘ്ര, സാഭിലാഷാഃ സുതാൻ പ്രതി |
ലോഭാത് പ്രത്യുപകാരായ നന്വേതാൻ കിം ന പശ്യസി || 40

തഥാപി മമതാവർത്തേ മോഹഗർത്തേ നിപാതിതാഃ || 41
മഹാമായാപ്രഭാവേണ സംസാരസ്ഥിതികാരിണഃ

തന്നാത്ര വിസ്മയഃ കാര്യോ യോഗനിദ്രാ ജഗത്പതേഃ |
മഹാമായാ ഹരേശ്ചൈഷാ തയാ സമ്മോഹ്യതേ ജഗത് || 42

ജ്ഞാനിനാമപി ചേതാംസി ദേവീ ഭഗവതീ ഹി സാ |
ബലാദാകൃഷ്യ മോഹായ മഹാമായാ പ്രയച്ഛതി || 43

തയാ വിസൃജ്യതേ വിശ്വം ജഗദേതച്ചരാചരം
സൈഷാ പ്രസന്നാ വരദാ നൃണാം ഭവതി മുക്തയേ || 44

സാ വിദ്യാ പരമാ മുക്തേർഹേതുഭൂതാ സനാതനീ
സംസാരബന്ധഹേതുശ്ച സൈവ സർവ്വേശ്വരേശ്വരീ 45

രാജോവാച
ഭഗവൻ കാ ഹി സാ ദേവീ മഹാമായേതി യാം ഭവാൻ |
ബ്രവീതി കഥമുത്പന്നാ സാ കർമ്മാസ്യാശ്ച കിം ദ്വിജ 46

യത്പ്രഭാവാ ച സാ ദേവീ യത്സ്വരൂപാ യദുദ്ഭവാ
തത് സർവ്വം ശ്രോതുമിച്ഛാമി ത്വത്തോ ബ്രഹ്മവിദാംവര 47

ഋഷിരുവാച
നിത്യൈവ സാ ജഗമൂർത്തിസ്തയാ സർവ്വമിദം തതം
തഥാപി തത് സമുത്പത്തിർബഹുധാ ശ്രൂയതാം മമ 48

ദേവാനാം കാര്യസിദ്ധ്യർത്ഥമാവിർഭവതി സാ യദാ
ഉത്പന്നേതി തദാ ലോകേ സാ നിത്യാപ്യഭിധീയതേ 49

യോഗനിദ്രാം യദാ വിഷ്ണുർജ്ജഗത്യേകാർണ്ണവീകൃതേ
ആസ്തീര്യ ശേഷമഭജത് കല്പാന്തേ ഭഗവാൻ പ്രഭുഃ 50

തദാ ദ്വാവസുരൗ ഘോരൗ വിഖ്യാതൗ മധുകൈടഭൗ
വിഷ്ണുകർണ്ണമലോദ്ഭൂതൗ ഹന്തും ബ്രഹ്മാണമുദ്യതൗ 51

സ നാഭികമലേ വിഷ്ണോഃ സ്ഥിതോ ബ്രഹ്മാ പ്രജാപതിഃ
ദൃഷ്ട്വാ താവസുരൗ ചോഗ്രൗ പ്രസുപ്തം ച ജനാർദ്ധനം 52

തുഷ്ടാവ യോഗനിദ്രാം താമേകാഗ്രഹൃദയഃ സ്ഥിതഃ
വിബോധനാർത്ഥായ ഹരേർഹരിനേത്രകൃതാലയാം 53

വിശ്വേശ്വരീം ജഗദ്ധാത്രീം സ്ഥിതിസംഹാരകാരിണീം
നിദ്രാം ഭഗവതീം വിഷ്ണോരതുലാം തേജസഃ പ്രഭുഃ 54

ബ്രഹ്മോവാച
ത്വം സ്വാഹാ ത്വം സ്വധാ ത്വം ഹി വഷട്കാരഃ സ്വരാത്മികാ
സുധാ ത്വമക്ഷരേ നിത്യേ ത്രിധാ മാത്രാത്മികാ സ്ഥിതാഃ 55

അർദ്ധമാത്രാ സ്ഥിതാ നിത്യാ യാനുച്ചാർയ്യാ വിശേഷതഃ
ത്വമേവ സാ ത്വം സാവിത്രീ ത്വം ദേവി ജനനീ പരാ 56

ത്വയൈതദ് ധാര്യതേ വിശ്വം ത്വയൈതത് സൃജ്യതേ ജഗത്
ത്വയൈതദ് പാല്യതേ ദേവീ ത്വമത്സ്യന്തേ ച സർവ്വദാ 57

വിസൃഷ്ടൗ, സൃഷ്ടിരൂപാ ത്വം സ്ഥിതിരൂപാ ച പാലനേ
തഥാ സംഹൃതിരൂപാഽന്തേ ജഗതോഽസ്യ ജഗന്മയേ 58

മഹാവിദ്യാ മഹാമായാ മഹാമേധാ മഹാസ്മൃതിഃ
മഹാമോഹാ ച ഭവതീ മഹാദേവീ മഹാസുരീ 59

പ്രകൃതിസ്ത്വം ഹി സർവ്വസ്യ ഗുണത്രയവിഭാവിനീ
കാളരാത്രിർമഹാരാത്രിർ മോഹരാത്രിശ്ച ദാരുണാ 60

ത്വം ശ്രീസ്ത്വമീശ്വരീ ത്വം ഹ്രീസ്ത്വം ബുദ്ധിർബോധലക്ഷണാ
ലജ്ജാ പുഷ്ടിസ്തഥാ തുഷ്ടിസ്ത്വം ശാന്തിഃ ക്ഷാന്തിരേവ ച 61

ഖഡ്ഗിനീ ശൂലിനീ ഘോര ഗദിനീ ചക്രിണീ തഥാ
ശംഖിണീ ചാപിനീ ബാണഭുശുണ്ഡീപരിഘായുധാ 62

സൗമ്യാ സൗമ്യതരാഽശേഷസൌമ്യേഭ്യസ്ത്വതിസുന്ദരീ
പരാപരാണാം പരമാ ത്വമേവ പരമേശ്വരീ 63

യച്ച കിഞ്ചിത് ക്വചിദ്വസ്തു സദസദ്വാഖിലാത്മികേ
തസ്യ സർവ്വസ്യ യാ ശക്തിഃ സാ ത്വം കിം സ്തൂയസേ മയാ 64

യയാ ത്വയാ ജഗസ്രഷ്ടാ ജഗത്പാത്യത്തി യോ ജഗത്
സോഽപി നിദ്രാവശം നീതഃ കസ്ത്വാം സ്തോതുമിഹേശ്വരഃ 65

വിഷ്ണുഃ ശരീരഗ്രഹണമഹമീശാന ഏവ ച
കാരിതാസ്തേ യതോഽതസ്ത്വാം കഃ സ്തോതും ശക്തിമാൻ ഭവേത് 66

സാ ത്വമിത്ഥം പ്രഭാവൈഃ സ്വൈരുദാരൈർദ്ദേവി സംസ്തുതാ
മോഹയൈതൗ ദുരാധർഷാവസുരൗ മധുകൈടഭൗ 67

പ്രബോധം ച ജഗത് സ്വാമീ നീയതാമച്യുതോ ലഘു
ബോധശ്ച ക്രിയതാമസ്യ ഹന്തുമേതൗ മഹാസുരൗ 68

ഋഷിരുവാച
ഏവം സ്തുതാ തദാ ദേവീ താമസീ തത്ര വേധസാ
വിഷ്ണോഃ പ്രബോധനാർത്ഥായ നിഹന്തും മധുകൈടഭൗ 69

നേത്രാസ്യനാസികാബാഹുഹൃദയേഭ്യസ്തഥോരസഃ
നിർഗ്ഗമ്യ ദർശനേ തസ്ഥൗ ബ്രഹ്മണോഽവ്യക്തജന്മനഃ 70

ഉത്തസ്ഥൗ ച ജഗന്നാഥസ്തയാ മുക്തോ ജനാർദ്ദനഃ
ഏകാർണ്ണവേഽഹിശയനാത് തതഃ സ ദദൃശേ ച തൗ 71

മധുകൈടഭൗ ദുരാത്മാനാവതിവീര്യപരാക്രമൗ
ക്രോധരക്തേക്ഷണൗ ഹന്തും ബ്രഹ്മാണം ജനിതോദ്യമൗ 72

സമുത്ഥായ തതസ്താഭ്യാം യുയുധേ ഭഗവാൻ ഹരിഃ
പഞ്ചവർഷസഹസ്രാണി ബാഹുപ്രഹരണോ വിഭുഃ 73

താവപ്യതിബലോന്മത്തൗ മഹാമായാവിമോഹിതൗ
ഉക്തവന്തൗ വരോഽസ്മത്തോ വ്രീയതാമിതി കേശവം 74

ശ്രീഭഗവാനുവാച
ഭവേതാമദ്യ മേ തുഷ്ടൗ മമ വദ്ധ്യാവുഭാവപി
കിമന്യേന വരേണാത്ര ഏതാവദ്ധി വൃതം മയാ 75

ഋഷിരുവാച
വഞ്ചിതാഭ്യാമിതി തദാ സർവ്വമാപോമയം ജഗത്
വിലോക്യ താഭ്യാം ഗദിതോ ഭഗവാൻ കമലേക്ഷണഃ 76

പ്രീതൗ സ്വസ്തവ യുദ്ധേന ശ്ലാഖ്യസ്ത്വം മൃത്യുരാവയോഃ
ആവാം ജഹി ന യത്രോർവ്വീ സലിലേന പരിപ്ലുതാ. 77

തഥേത്യുക്ത്വാ ഭഗവതാ ശംഖചക്രഗദാഭൃതാ |
കൃത്വാ ചക്രേണ വൈ ഛിന്നേ ജഘനേ ശിരസീ തയോഃ 78

ഹത്വാ തു ഭഗവാൻ വിഷ്ണുഃ താവുഭൗ മധുകൈടഭൗ
വ്യനാശയദ് ഭയം ഘോരം ബ്രഹ്മണോഽവ്യക്തജന്മനഃ 79

തയോസ്തു മേദസാ രാജൻ വിഷ്ണുനാ കല്പിതാ മഹീ
മേദിനീതി തതഃ സംജ്ഞാമവാപേത്ഥം വസുന്ധരാ 80

ഏവമേഷാ സമുത്പന്നാ ബ്രഹ്മണാ സംസ്തുതാ സ്വയം
പ്രഭാവമസ്യാ ദേവ്യാസ്തു ഭൂയഃ ശൃണു വദാമി തേ 81

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ മധുകൈടഭവധോ നാമ പ്രഥമോഽദ്ധ്യായഃ

മധുകൈടഭവധം എന്ന ഒന്നാമദ്ധ്യായം സമാപ്തം.

ദ്വിതീയോഽദ്ധ്യായഃ

രണ്ടാം അദ്ധ്യായം

ഓം മദ്ധ്യമചരിതസ്യ വിഷ്ണുർഋഷിഃ, മഹാലക്ഷ്മിർദേവതാ,
ഉഷ്ണിക് ഛന്ദഃ, ശാകംഭരീ ശക്തിഃ, ദുർഗ്ഗാ ബീജം,
വായുസ്തത്ത്വം, യജുർവേദഃ സ്വരൂപം, ശ്രീമഹാലക്ഷ്മീ
പ്രീത്യർത്ഥം മദ്ധ്യമചരജപേ വിനിയോഗഃ

ധ്യാനം

ഓം അക്ഷസ്രക്പരശും ഗദേഷുകുലിശം പദ്മം ധനുഷ്കണ്ഡികാം
ദണ്ഡം ശക്തിമസിം ച ചർമ്മ ജലജം ഘണ്ടാം സുരാഭാജനം
ശൂലം പാശസുദർശനേ ച ദധതീം ഹസ്തൈഃ പ്രസന്നാനനാം
സേവേ സൈരിഭമർദ്ദിനീമിഹ മഹാലക്ഷ്മീം സരോജസ്ഥിതാം

ഓം ഋഷിരുവാച
ദേവാസുരമഭൂദ്യുദ്ധം പൂർണ്ണമബ്ദശതം പുരാ
മഹിഷേഽസുരാണാമധിപേ ദേവാനാം ച പുരന്ദരേ 1

തത്രാസുരൈർമ്മഹാവീരൈർ ദേവസൈന്യം പരാജിതം
ജിത്വാ ച സകലാൻ ദേവാൻ ഇന്ദ്രോഽഭൂന്മഹിഷാസുരഃ 2

തതഃ പരാജിതാ ദേവാഃ പദ്മയോനിം പ്രജാപതിം
പുരസ്കൃത്യ ഗതാസ്തത്ര യത്രേശഗരുഡദ്ധ്വജൗ 3

യഥാവൃത്തം തയോസ്തദ്വന്മഹിഷാസുരചേഷ്ടിതം
ത്രിദശാഃ കഥയാമാസുർദ്ദേവാഭിഭവവിസ്തരം 4

സൂര്യേന്ദ്രാഗ്ന്യനിലേന്ദൂനാം യമസ്യ വരുണസ്യ ച
അന്യേഷാം ചാധികാരാൻ സ സ്വയമേവാധിതിഷ്ഠതി 5

സ്വർഗ്ഗാന്നിരാകൃതാഃ സർവ്വേ തേന ദേവഗണാ ഭുവി
വിചരന്തി യഥാ മർത്ത്യാ മഹിഷേണ ദുരാത്മനാ 6

ഏതദ്വഃ കഥിതം സർവ്വമമരാരിവിചേഷ്ടിതം
ശരണം ചഃ പ്രപന്നാഃ സ്മോ വധസ്തസ്യ വിചിന്ത്യതാം 7

ഇത്ഥം നിശമ്യ ദേവാനാം വചാംസി മധുസൂദനഃ
ചകാര കോപം ശംഭുശ്ച ദ്രുകുടീകുടിലാനനൗ 8

തതോഽതികോപപൂർണ്ണസ്യ ചക്രിണോ വദനാത് തതഃ
നിശ്ചക്രാമ മഹത്തേജോ ബ്രഹ്മണഃ ശങ്കരസ്യ ച 9

അന്യേഷാം ചൈവ ദേവാനാം ശക്രാദീനാം ശരീരതഃ
നിർഗ്ഗതം സുമഹത് തേജസ്തച്ചൈക്യം സമഗച്ഛത 10

അതീവ തേജസഃ കൂടം ജ്വലന്തമിവ പർവ്വതം
ദദൃശുസ്തേ സുരാസ്തത്ര ജ്വാലാവ്യാപ്തദിഗന്തരം 11

അതുലം തത്ര തത് തേജഃ സർവ്വദേവശരീരജം
ഏകസ്ഥം തദഭൂന്നാരീ വ്യാപ്തലോകത്രയം ത്വിഷാ 12

യദഭൂച്ഛാംഭവം തേജസ്തേനാജായത തന്മുഖം
യാമ്യേന ചാഭവൻ കേശാ ബാഹവോ വിഷ്ണുതേജസാ 13

സൗമ്യേന സ്തനയോർയുഗ്മം മധ്യമൈന്ദ്രേണ ചാഭവത്
വാരുണേന ച ജംഘോരൂ നിതംബസ്തേജസാ ഭുവഃ 14

ബ്രഹ്മണസ്തേജസാ പാദൗ തദംങ്ങ്ഗുല്യോഽർക്കതേജസാ
വസൂനാം ച കരാങ്ഗുല്യഃ കൗബേരേണ ച നാസികാ 15

തസ്യാസ്തു ദന്താഃ സംഭൂതാഃ പ്രാജാപത്യേന തേജസാ
നയനത്രിതയം ജജ്ഞേ തഥാ പാവകതേജസാ 16

ദ്രുവൗ ച സന്ധ്യയോസ്തേജഃ ശ്രവണാവനിലസ്യ ച
അന്യേഷാം ചൈവ ദേവാനാം സംഭവസ്തേജസാം ശിവാ 17

തതഃ സമസ്തദേവാനാം തേജോരാശിസമുദ്ഭവാം
താം വിലോക്യ മുദം പ്രാപുരമരാ മഹിഷാർദ്ദിതാഃ 18

ശൂലം ശൂലാദ് വിനിഷ്കൃഷ്യ ദദൗ തസ്യൈ പിനാകധൃക്
ചക്രം ച ദത്തവാൻ കൃഷ്ണഃ സമുത്പാട്യ സ്വചക്രതഃ 19

ശംഖം ച വരുണഃ ശക്തിം ദദൗ തസ്യൈ ഹുതാശനഃ
മാരുതോ ദത്തവാംശ്ചാപം ബാണപൂർണേ തഥേഷുധീ 20

വജ്രമിന്ദ്രഃ സമുത്പാട്യ കുലിശാദമരാധിപഃ
ദദൗ തസ്യൈ സഹസ്രാക്ഷോ ഘണ്ടാമൈരാവതാദ്ഗജാത് 21

കാലദണ്ഡാദ് യമോ ദണ്ഡം പാശം ചാംബുപതിർദദൗ
പ്രജാപതിശ്ചാക്ഷമാലാം ദദൗ ബ്രഹ്മാ കമണ്ഡലും 22

സമസ്തരോമകൂപേഷു നിജരശ്മീൻ ദിവാകരഃ
കാലശ്ച ദത്തവാൻ ഖഡ്ഗം തസ്യാശ്ചർമ്മ ച നിർമ്മലം 23

ക്ഷീരോദശ്ചാമലം ഹാരം അജരേ ച തഥാംബരേ 24

ചൂഡാമണിം തഥാ ദിവ്യം കുണ്ഡലേ കടകാനി ച
അർദ്ധചന്ദ്രം തഥാ ദിവ്യം കേയൂരാൻ സർവ്വബാഹുഷു
നൂപുരൗ വിമലൗ തദ്വദ് ഗ്രൈവേയകമനുത്തമം 25

അങ്ഗുലീയകരത്നാനി സമസ്താസ്വങ്ഗുലീഷു ച
വിശ്വകർമ്മാ ദദൗ തസ്യൈ പരശും ചാതിനിർമ്മലം
അസ്ത്രാണ്യനേകരൂപാണി തഥാഽഭേദ്യം ച ദംശനം 26

അമ്ലാനപങ്കജാം മാലാം ശിരസ്യുരസി ചാപരാം
അദദജ് ജലധിസ്തസ്യൈ പങ്കജം ചാതിശോഭനം
ഹിമവാൻ വാഹനം സിംഹം രത്നാനി വിവിധാനി ച 27

ദദാവശൂന്യം സുരയാ പാനപാത്രം ധനാധിപഃ
ശേഷശ്ച സർവ്വനാഗേശോ മഹാമണിവിഭൂഷിതം 28

നാഗഹാരം ദദൗ തസ്യൈ ധത്തേ യഃ പൃഥിവീമിമാം
അന്യൈരപി സുരൈർദേവീ ഭൂഷണൈരായുധൈസ്തഥാ 29

സമ്മാനിതാ നനാദോച്ചൈഃ സാട്ടഹാസം മുഹുർമുഹുഃ
തസ്യാ നാദേന ഘോരേണ കൃത്സ്നമാപൂരിതം നഭഃ 30

അമായതാഽതിമഹതാ പ്രതിശബ്ദോ മഹാനഭൂത്
ചുക്ഷുഭുഃ സകലാ ലോകാഃ സമുദ്രാശ്ച ചകമ്പിരേ 31

ചചാല വസുധാ ചേലുഃ സകലാശ്ച മഹീധരാഃ
ജയേതി ദേവാശ്ച മുദാ താമൂചുഃ സിംഹവാഹിനീം 32

തുഷ്ടുവുർമുനയശ്ചൈനാം ഭക്തിനമ്രാത്മമൂർത്തയഃ
ദൃഷ്ട്വാ സമസ്തം സംക്ഷുബ്ധം ത്രൈലോക്യമമരാരയഃ
സന്നദ്ധാഖിലസൈന്യാസ്തേ സമുത്തസ്ഥുരുദായുധാഃ 33

ആഃ കിമേതദിതി ക്രോധാദാഭാഷ്യ മഹിഷാസുരഃ
അഭ്യധാവത തം ശബ്ദമശേഷൈരസുരൈർവ്വതഃ 34

സ ദദർശ തതോ ദേവീം വ്യാപ്തലോകത്രയാം ത്വിഷാ
പാദാക്രാന്ത്യാനതഭുവം കിരീടോല്ലിഖിതാംബരാം 35

ക്ഷോഭിതാശേഷപാതാളാം ധനുർജ്യാനിഃസ്വനേന താം
ദിശോ ഭുജസഹസ്രേണ സമന്താദ് വ്യാപ്യ സംസ്ഥിതാം 36

തതഃ പ്രവവൃതേ യുദ്ധം തയാ ദേവ്യാ സുരദ്വിഷാം 37

ശസ്ത്രാസ്ത്രൈർബഹുധാ മുക്തൈരാദീപിതദിഗന്തരം
മഹിഷാസുരസേനാനീശ്ചിക്ഷുരാഖ്യോ മഹാസുരഃ 38

യുയുധേ ചാമരശ്ചാനൃശ്ചതുരംഗബലാന്വിതഃ
രഥാനാമയുതൈഃ ഷഡ്ഭിരുദഗ്രാഖ്യോ മഹാസുരഃ 39

അയുധ്യതായുതാനാം ച സഹസ്രേണ മഹാഹനുഃ
പഞ്ചാശദ്ഭിശ്ച നിയുതൈരസിലോമാ മഹാസുരഃ 40

അയുതാനാം ശതൈഃ ഷഡ്ഭിർബാഷ്കളോ യുയുധേ രണേ
ഗജവാജി സഹസ്രൗഘൈരനേകൈരുഗ്രദർശനഃ
വൃതോ രഥാനാം കോട്യാ ച യുദ്ധേ തസ്മിന്നയുദ്ധ്യത 41

ബിഡാളാഖ്യോഽയുതാനാം ച പഞ്ചാശദ്ഭിരഥായുതെഃ
യുയുധേ സംയുഗേ തത്ര രഥാനാം പരിവാരിതഃ 42

അന്യേ ച തത്രായുതശോ രഥനാഗഹയൈർവൃതാഃ
യുയുധുഃ സംയുഗേ ദേവ്യാ സഹ തത്ര മഹാസുരാഃ 43

കോടികോടി സഹസ്രൈസ്തു രഥാനാം ദന്തിനാം തഥാ
ഹയാനാം ച വൃതോ യുദ്ധേ തത്രാഭൂന്മഹിഷാസുരഃ 44

തോമരൈർഭിന്ദിപാലൈശ്ച ശക്തിഭിർ മുസലൈരപി
യുയുധുസ്സംയുഗേ ദേവ്യാ ഖഡ്ഗൈഃ പരശുപട്ടിശൈഃ 45

കേചിച്ച ചിക്ഷിപുഃ ശക്തീഃ കേചിത് പാശാംസ്തഥാപരേ
ദേവീം ഖഡ്ഗപ്രഹാരൈസ്തു തേ താം ഹന്തും പ്രചക്രമുഃ 46

സാപി ദേവീ തതസ്താനി ശസ്ത്രാണ്യസ്ത്രാണി ചണ്ഡികാ
ലീലയൈവ പ്രചിച്ഛേദ നിജശസ്ത്രാസ്ത്രവർഷിണീ 47

അനായസ്താനനാ ദേവീ സ്തൂയമാനാ സുരർഷിഭിഃ
മുമോചാസുരദേഹേഷു ശസ്ത്രാണ്യാസ്ത്രാണി ചേശ്വരീ 48

സോഽപി ക്രുദ്ധോ ധ്രുതസടോ ദേവ്യാ വാഹനകേസരീ
ചചാരാസുരസൈന്യേഷു വനേഷ്വിവ ഹുതാശനഃ 49

നിഃശ്വാസാൻ മുമുചേ യാംശ്ച യുദ്ധ്യമാനാ രണേഽംബികാ
തേ ഏവ സദ്യഃ സംഭൂതാ ഗണാഃ ശതസഹസ്രശഃ 50

യുയുധുസ്തേ പരശുഭിർഭിന്ദി പാലാസിപട്ടിശൈഃ
നാശയന്തോഽസുരഗണാൻ ദേവീശക്ത്യുപബൃംഹിതാഃ 51

അവാദയന്ത പടഹാൻ ഗണാഃ ശംഖാംസ്തഥാപരേ
മൃദംഗാശ്ച തഥൈവാന്യേ തസ്മിൻ യുദ്ധമഹോത്സവേ 52

തതോ ദേവീ ത്രിശൂലേന ഗദയാ ശക്തിവൃഷ്ടിഭിഃ
ഖഡ്ഗാദിഭിശ്ച ശതശോ നിജഘാന മഹാസുരാൻ 53

പാതയാമാസ ചൈവാന്യാൻ ഘണ്ടാസ്വനവിമോഹിതാൻ
അസുരാൻ ഭുവി പാശേന ബദ്ധ്വാ ചാന്യാനകർഷയത് 54

കേചിദ് ദ്വിധാ കൃതാസ്തീക്ഷണൈഃ ഖഡ്ഗപാതൈസ്തഥാപരേ
വിപോഥിതാ നിപാതേന ഗദയാ ഭുവി ശേരതേ 55

വേമുശ്ച കേചിദ് രുധിരം മുസലേന ഭൃശം ഹതാഃ
കേചിന്നി പതിതാ ഭൂമൗ ഭിന്നാഃ ശൂലേന വക്ഷസി 56

നിരാകൃതാഃ ശരൗഘേണ കൃതാഃ കേചിദ് രണാജിരേ
സേനാനുകാരിണഃ പ്രാണാൻ മുമുപുസ്ത്രിദശാർദനാഃ 57

കേഷാംചിദ്ബാഹവശ്ഛിന്നാഃ ഛിന്നഗ്രീവാസ്തഥാപരേ
ശിരാംസി പേതുരന്വേഷാമന്യേ മധ്യേ വിദാരിതാഃ 58

വിച്ഛിന്നജംഘാസ്ത്വപരേ പേതുരുർവ്യാം മഹാസുരാഃ
ഏകബാഹ്വക്ഷിചരണാഃ കേചിദ് ദേവ്യാ ദ്വിധാ കൃതാഃ 59

ഛിന്നേഽപി ചാന്യേ ശിരസി പതിതാഃ പുനരുത്ഥിതാഃ
കബന്ധാ യുയുധുർദേവ്യാ ഗൃഹീതപരമായുധാഃ 60

നനൃതുശ്ചാപരേ തത്ര യുദ്ധേ തൂര്യലയാശ്രിതാഃ 61

കബന്ധാശ്ഛിന്നശിരസഃ ഖഡ്ഗശക്ത്യുഷ്ടിപാണയഃ
തിഷ്ഠ തിഷ്ഠേതി ഭാഷന്തോ ദേവീമന്യേ മഹാസുരാഃ 62

പാതിതൈരഥ നാഗാശ്വൈരസുരൈശ്ച വസുന്ധരാ
അഗമ്യാ സാഽഭവത് തത്ര യത്രാഭൂത് സ മഹാരണഃ 63

ശോണിതൗഘാ മഹാനദ്യസദ്യസ്തത്ര വിസുസ്രുവുഃ
മധ്യേ ചാസുരസൈന്യസ്യ വാരണാസുരവാജിനാം 64

ക്ഷണേന തന്മഹാസൈന്യമസുരാണാം തഥാംബികാ
നിന്യേ ക്ഷയം യഥാ വഹ്നിസതൃണദാരുമഹാചയം 65

സ ച സിംഹോ മഹാനാദമുത്സ്യജൻ ധുതകേസരഃ
ശരീരേഭ്യോഽമരാരീണാമസൂനിവ വിചിന്വതി 66

ദേവ്യാ ഗണൈശ്ച തൈസ്തത്ര കൃതം യുദ്ധം മഹാസുരൈഃ
യഥൈനാം തുഷ്ടവുർദേവാഃ പുഷ്പവൃഷ്ടി മുചോ ദിവി 67

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ്യ മഹിഷാസുരസൈന്യവധോ നാമ ദ്വിതീയോഽധ്യായഃ

അഥ തൃതീയോഽധ്യായഃ

മൂന്നാമദ്ധ്യായം

ധ്യാനം

ഓം ഉദ്യദ്ഭാനുസഹസ്രകാന്തി മരുണക്ഷൗമാം ശിരോമാലികാം രക്താലിപ്തപയോധരാം ജപവടീം വിദ്യാമഭീതിം വരം
ഹസ്താബ്ജൈർദദതീം ത്രിനേത്രവിലസദ് വക്ത്രാരവിന്ദശ്രിയം
ദേവീം ബദ്ധഹിമാംശുരത്നമുകുടാം വന്ദേഽരവിന്ദസ്ഥിതാം

ഓം ഋഷിരുവാച
നിഹന്യമാനം തത്സൈന്യമവലോക്യ മഹാസുരഃ
സേനാനീശ്ചിക്ഷുരഃ കോപാദ്യയൗ യോദ്ധുമഥാംബികാം 1

സ ദേവീം ശരവർഷേണ വവർഷ സമരേഽസുരഃ
യഥാ മേരുഗിരേഃ ശൃംഗം തോയവർഷേണ തോയദഃ 2

തസ്യച്ഛിത്ത്വാ തതോ ദേവീ ലീലയൈവ ശരോത്കരാൻ
ജഘാന തുരഗാൻ ബാണൈര്യന്താരം ചൈവ വാജിനാം 3

ചിച്ഛേദ ച ധനുഃ സദ്യോ ധ്വജം ചാതിസമുച്ഛ്രിതം
വിവ്യാധ ചൈവ ഗാത്രേഷു ഛിന്നധന്വാനമാശുഗൈഃ 4

സ ഛിന്നധന്വാ വിരഥോ ഹതാശ്വോ ഹതസാരഥിഃ
അഭ്യധാവത് തതോ ദേവീം ഖഡ്ഗചർമ്മധരോഽസുരഃ 5

സിംഹമാഹത്യ ഖഡ്ഗേന തീക്ഷ്ണധാരേണ മൂർദ്ധനി
ആജഘാന ഭുജേ സവ്യേ ദേവീമപ്യതിവേഗവാൻ 6

തസ്യാഃ ഖഡ്ഗോ ഭുജം പ്രാപ്യ പഫാല നൃപനന്ദന
തതോ ജഗ്രാഹ ശൂലം സ കോപാദാരുണലോചനഃ 7

ചിക്ഷേപ ച തതസ്തത്തു ഭദ്രകാള്യാം മഹാസുരഃ
ജാജ്ജ്വല്യമാനം തേജോഭീ രവിബിംബമിവാംബരാത് 8

ദൃഷ്ട്വാ തദാപതച്ഛൂലം ദേവീ ശൂലമമുഞ്ചത
തേന തച്ഛതധാ നീതം ശൂലം സ ച മഹാസുരഃ 9

ഹതേ തസ്മിൻ മഹാവീര്യേ മഹിഷസ്യ ചമൂപതൗ
ആജഗാമ ഗജാരൂഢശ്ചാമരസ്ത്രിദശാർദ്ദനഃ 10

സോഽപി ശക്തിം മുമോചാഥ ദേവ്യാസ്താമംബികാ ദ്രുതം
ഹുങ്കാരാഭിഹതാം ഭൂമൗ പാതയാമാസ നിഷ്പ്രഭാം 11

ഭഗ്നാം ശക്തിം നിപതിതാം ദൃഷ്ട്വാ ക്രോധസമന്വിതഃ
ചിക്ഷേപ ചാമരഃ ശൂലം ബാണൈസ്തദപി സാഽച്ഛിനത് 12

തതഃ സിംഹഃ സമുത്പത്യ ഗജകുംഭാന്തരേസ്ഥിതഃ
ബാഹുയുദ്ധേന യുയുധേ തേനോച്ചൈസ്ത്രിദശാരിണാ 13

യുദ്ധ്യമാനൗ തതസ്തൗ തു തസ്മാന്നാഗാന്മഹീം ഗതൗ
യുയുധാതേഽതിസംരബ്ധൗ പ്രഹാരൈരതിദാരുണൈഃ 14

തതോ വേഗാത് ഖമുത്പത്യ നിപത്യ ച മൃഗാരിണാ
കരപ്രഹാരേണ ശിരശ്ചാമരസ്യ പൃഥക് കൃതം 15

ഉദഗ്രശ്ച രണേ ദേവ്യാ ശിലാവൃക്ഷാദിഭിർഹതഃ
ദന്തമുഷ്ടിതലൈശ്ചൈവ കരാളശ്ച നിപാതിതഃ 16

ദേവീ ക്രുദ്ധാ ഗദാപാതൈശ്ചൂർണ്ണയാമാസ ചോദ്ധതം |
ബാഷ്കളം ഭിന്ദിപാലേന ബാണൈസ്താമ്രം തഥാന്ധകം 17

ഉഗ്രാസ്യമുഗ്രവീര്യം ച തഥൈവ ച മഹാഹനും
ത്രിനേത്രാ ച ത്രിശൂലേന ജഘാന പരമേശ്വരീ 18

ബിഡാലസ്യാസിനാ കായാത് പാതയാമാസ വൈ ശിരഃ
ദുർദ്ധരം ദുർമുഖം ചോഭൗ ശരൈർനിന്യേ യമക്ഷയം 19

ഏവം സംക്ഷീയമാണേ തു സ്വസൈന്യേ മഹിഷാസുരഃ
മാഹിഷേണ സ്വരൂപേണ ത്രാസയാമാസ താൻ ഗണാൻ 20

കാംശ്ചിത്തുണ്ഡപ്രഹാരേണ ഖുരക്ഷേപൈസ്തഥാപരാൻ
ലാങ്ഗൂലതാഡിതാംശ്ചാന്യാൻ ശൃംഗാഭ്യാം ച വിദാരിതാൻ 21

വേഗേന കാംശ്ചിദപരാൻ നാദേന ഭ്രമണേന ച
നിഃശ്വാസപവനേ നാന്യാൻപാതയാമാസ ഭൂതലേ 22

നിപാത്യ പ്രമഥാനീകം സോഽഭ്യധാവന്മാഹാസുരഃ
സിംഹം ഹന്തും മഹാദേവ്യാഃ കോപം ചക്രേ തതോംഽബികാ 23

സോഽപി കോപാന്മഹാവീര്യ ഖുരക്ഷുണ്ണമഹീതലഃ
ശൃംഗാഭ്യാം പർവ്വതാനുച്ചാംശ്ചിക്ഷേപ ച നനാദ ച 24

വേഗഭ്രമണവിക്ഷുണ്ണാ മഹീ തസ്യ വ്യശീര്യത
ലാങ്ഗൂലേനാഹതശ്ചാബ്ധിഃ പ്ലാവയാമാസ സർവ്വതഃ 25

ധ്രുതശൃംഗവിഭിന്നാശ്ച ഖണ്ഡം ഖണ്ഡം യയുർഘനാഃ
ശ്വാസാനിലാസ്താഃ ശതശോ നിപേതുർനഭസോളചലാഃ 26

ഇതി ക്രോധസമാധ്മാതമാപതന്തം മഹാസുരം
ദൃഷ്ട്വാ സാ ചണ്ഡികാ കോപം തദ് വധായ തദാഽകരോത് 27

സാ ക്ഷിപ്ത്വാ തസ്യ വൈ പാശം തം ബബന്ധ മഹാസുരം
തത്യാജ മാഹിഷം രൂപം സോഽപി ബദ്ധോ മഹാമൃഡേ 28

തതഃ സിംഹോഽഭവത്സദ്യോ യാവത് തസ്യാംബികാ ശിരഃ
ഛിനത്തി താവത് പുരുഷഃ ഖഡ്ഗപാണിരദൃശ്യത 29

തത ഏവാശു പുരുഷം ദേവീ ചിച്ഛേദ സായകൈഃ
തം ഖഡ്ഗചർമ്മണാ സാർദ്ധം തതഃ സോഽഭൂന്മഹാഗജഃ 30

കരേണ ച മഹാസിംഹം തം ചകർഷ ജഗർജ്ജ ച
കർഷതസ്തു കരം ദേവീ ഖഡ്ഗേന നിരകൃന്തത 31

തതോ മഹാസുരോ ഭൂയോ മാഹിഷം വപുരാസ്ഥിതഃ
തഥൈവ ക്ഷോഭയാമാസ ത്രൈലോക്യം സചരാചരം 32

തതഃ ക്രുദ്ധാ ജഗന്മാതാ ചണ്ഡികാ പാനമുത്തമം
പപൗ പുനഃ പുനഞ്ചൈവ ജഹാസാരുണലോചനാ 33

നനർഭ ചാസുരഃ സോഽപി ബലവീര്യമദോദ്ധതഃ
വിഷാണാഭ്യാം ച ചിക്ഷേപ ചണ്ഡികാം പ്രതി ഭൂധരാൻ 34

സാ ച താൻ പ്രഹിതാംസ്തേന ചൂർണ്ണയന്തീ ശരോത്കരൈ
ഉവാച തം മദോദ്ധൂതമുഖരാഗാകുലാക്ഷരം 35

ദേവ്യുവാച
ഗർജ്ജ ഗർജ്ജ ക്ഷണം മൂഢ, മധു യാവത്പിബാമ്യഹം
മയാ ത്വയി ഹതേഽത്രൈവ ഗർജിഷ്യന്ത്യാശു ദേവതാഃ 36

ഋഷിരുവാച
ഏവമുക്ത്വാ സമുത്പത്യ സാഽഽരൂഢാ തം മഹാസുരം
പാദേനാക്രമ്യ കണ്ഠേ ച ശൂലേനൈനമതാഡയത് 37

തതഃ സോഽപി പദാക്രാന്തസ്തയാ നിജമുഖാത് തതഃ
അർദ്ധനിഷ്ക്രാന്ത ഏവാസീദ് ദേവ്യാ വീര്യേണ സംവൃതഃ 38

അർദ്ധനിഷ്ക്രാന്ത ഏവാസൗ യുദ്ധ്യമാനോ മഹാസുരഃ
തയാ മഹാസിനാ ദേവ്യാ ശിരശ്ഛിത്ത്വാ നിപാതിതഃ 39

ഏവം സ മഹിഷോ നാമ സഭൃത്യഃ സസുഹൃദ്ഗണഃ
ത്രൈലോക്യം മോഹയിത്വാ തു ചണ്ഡമാര്യാ വിനാശിതഃ 40

ത്രൈലോക്യസ്ഥൈർമഹാഭൂതൈർമഹിഷേ വിനിപാതിതേ
ജയേത്യുക്തം തദാ സർവ്വൈഃസദേവാസുരമാനവൈഃ 41

തതോ ഹാഹാകൃതം സർവ്വം ദൈത്യസൈന്യം നനാശ തത്
പ്രഹർഷം ച പരം ജഗ്മുഃ സകലാ ദേവതാഗണാഃ 42

തുഷ്ടുവുസ്താം സുരാ ദേവീം സഹദിവ്യർ മഹർഷിഭിഃ
ജഗുർഗന്ധർവപതയോ നനൃതുശ്ചാപ്സരോഗണാഃ 43

ഇതി ശ്രീമാർക്കണ്ഡേയപുരാണേ സാവർണ്ണീകേ മന്വന്തരേ
ദേവീമാഹാത്മ്യ മഹിഷാസുരവധോ നാമ തൃതീയോഽധ്യായഃ

മഹിഷാസുരവധം എന്ന മൂന്നാമദ്ധ്യായം സമാപ്തം.

അഥ ചതുർത്ഥോഽധ്യായഃ

നാലാം അദ്ധ്യായം

ധ്യാനം

ഓം കാലാദ്രാഭാം കടാക്ഷൈരരികുലഭയദാം മൗലിബദ്ധേന്ദുരേഖാം
ശംഖം ചക്രം കൃപാണം ത്രിശിഖമപി കരൈരുദ്വഹന്തീം ത്രിനേത്രാം സിംഹസ്കന്ധാധിരുഢാം ത്രിഭുവനമഖിലം തേജസാ പൂരയന്തീം ധ്യായേദ് ദുർഗ്ഗാം ജയാഖ്യാം ത്രിദശപരിവൃതാം സേവിതാം സിദ്ധികാമൈഃ

ഓം ഋഷിരുവാച

ശക്രാദയഃ സുരഗണാ നിഹതേഽതിവീര്യേ
തസ്മിൻ ദൂരാത്മനി സുരാരിബലേ ച ദേവ്യാ
താം തുഷ്ടവുഃ പ്രണതിനമ്രശിരോധരാംസാ
വാഗ്ഭിഃ പ്രഹർഷപുളകോദ്ഗമചാരുദേഹാഃ 1

ദേവാ ഊചുഃ
ദേവ്യാ യയാ തതമിദം ജഗദാത്മശക്ത്യാ
നിശ്ശേഷദേവഗണശക്തിസമൂഹമൂർത്ത്യാ
താമംബികാമഖിലദേവമഹർഷിപൂജ്യാം
ഭക്ത്യാ നതാഃ സ്മ വിദധാതു ശുഭാനി സാ നഃ 2

യസ്യാഃ പ്രഭാവമതുലം ഭഗവാനനന്തോ
ബ്രഹ്മാ ഹരശ്ച ന ഹി വക്തുമലം ബലം ച
സാ ചണ്ഡികാഖിലജഗത്പരിപാലനായ
നാശായ ചാശുഭഭയസ്യ മതിം കരോതു 3

യാ ശ്രീഃ സ്വയം സുകൃതിനാം ഭവനേഷ്വലക്ഷ്മീഃ
പാപാത്മനാം കൃതധിയാം ഹൃദയേഷു ബുദ്ധിഃ |
ശ്രദ്ധാ സതാം കുലജനപ്രഭവസ്യ ലജ്ജാ
താം ത്വാം നതാഃ സ്മ പരിപാലയ ദേവി വിശ്വം 4

കിം വർണ്ണയാമ തവ രൂപമചിന്ത്യമേതത്
കിഞ്ചാതിവീര്യമസുരക്ഷയകാരി ഭൂരി
കിം ചാഹവേഷു ചരിതാനി തവാദ്ഭുതാനി
സർവ്വേഷു ദേവ്യസുരദേവഗണാദികേഷു 5

ഹേതുഃ സമസ്തജഗതാം ത്രിഗുണാഽപി ദോഷൈർ-
ന ജ്ഞായസേ ഹരിഹരാദിഭിരപ്യപാരാ
സർവ്വാശ്രയാഖിലമിദം ജഗദംശഭൂത-
മവ്യാകൃതാ ഹി പരമാ പ്രകൃതിസ്ത്വമാദ്യാ 6

യസ്യാഃ സമസ്തസുരതാ സമുദീരണേന
തൃപ്തിം പ്രയാതി സകലേഷു മഖേഷു ദേവി
സ്വാഹാഽസി വൈ പിതൃഗണസ്യ ച തൃപ്തിഹേതു-
രുച്ചാര്യസേ ത്വമത ഏവ ജനൈഃ സ്വധാ ച 7

യാ മുക്തിഹേതുരവിചിന്ത്യമഹാവ്രതാ ത്വ-
മഭ്യസ്യസേ സുനിയതേന്ദ്രിയതത്ത്വസാരൈഃ
മോക്ഷാർത്ഥിഭിർമുനിഭിരസ്തസമസ്തദോഷൈർ
വിദ്യാസി സാ ഭഗവതീ പരമാ ഹി ദേവി 8

ശബ്ദാത്മികാ സുവിമലർഗ്യജുഷാം നിധാന
മുദ്ഗീഥരമ്യപദപാഠവതാം ച സാമ്നാം
ദേവീ ത്രയീ ഭഗവതീ ഭവഭാവനായ
വാർത്താ ച സർവ്വജഗതാം പരമാർത്തിഹന്ത്രീ 9

മേധാസി ദേവി വിദിതാഖില ശാസ്ത്രസാരാ
ദുർഗ്ഗാസി ദുർഗ്ഗഭവസാഗരനൗരസംഗാ |
ശ്രീഃ കൈടഭാരിഹൃദയൈകകൃതാധിവാസാ
ഗൗരീ ത്വമേവ ശശിമൗലികൃതപ്രതിഷ്ഠാ 10

ഈഷത്സഹാസമമലം പരിപൂർണ്ണചന്ദ്ര-
ബിംബാനുകാരി കനകോത്തമകാന്തികാന്തം
അത്യദ്ഭുതം പ്രഹൃതമാത്തരുഷാ തഥാഽപി
വക്ത്രം വിലോക്യ സഹസാ മഹിഷാസുരേണ 11

ദൃഷ്ട്വാ തു ദേവി കുപിതം ഭ്രുകുടീകരാള
മുദ്യച്ഛശാങ്കസദൃശച്ഛവി യന്ന സദ്യഃ
പ്രാണാന്മുമോച മഹിഷസ്തദതീവ ചിത്രം
കൈർജീവ്യതേ ഹി കുപിതാന്തകദർശനേന 12

ദേവി പ്രസാദ പരമാ ഭവതീ ഭവായ
സദ്യോ വിനാശയസി കോപവതീ കുലാനി
വിജ്ഞാതമേതദധുനൈവ യദസ്തമേത
ന്നീതം ബലം സുവിപുലം മഹിഷാസുരസ്യ 13

തേ സമ്മതാ ജനപദേഷു ധനാനി തേഷാം
തേഷാം യശാംസി ന ച സീദതി ധർമ്മവർഗ്ഗം
ധന്യാസ്ത ഏവ നിഭൃതാത്മജഭൃത്യദാരാഃ
യേഷാം സദാഽദ്യുദയദാ ഭവതീ പ്രസന്നാ 14

ധർമ്മ്യാണി ദേവി സകലാനി സദൈവ കർമ്മാ
ണ്യത്യാദൃതഃ പ്രതിദിനം സുകൃതീ കരോതി
സ്വർഗ്ഗം പ്രയാതി ച തതോ ഭവതീ പ്രസാദാ
ല്ലോകത്രയേഽപി ഫലദാ നനു ദേവി തേന 15

ദുർഗ്ഗേ സ്മൃതാ ഹരസി ഭീതിമശേഷജന്തോഃ
സ്വസ്ഥൈഃ സ്മൃതാ മതിമതീവ ശുഭാം ദദാസി
ദാരിദ്ര്യദുഃഖഭയഹാരിണി കാ ത്വദന്യാ
സർവ്വോപകാരകരണായ സദാഽഽർദ്രചിത്താ 16

ഏഭിർഹതൈർജ്ജഗദുപൈതി സുഖം തഥൈതേ
കുർവന്തു നാമ നരകായ ചിരായ പാപം
സംഗ്രാമമൃത്യുമധിഗമ്യ ദിവം പ്രയാന്തു
മത്വേതി നൂനമഹിതാൻ വിനിഹംസി ദേവി 17

ദൃഷ്ട്വൈവ കിം ന ഭവതീ പ്രകരോതി ഭസ്മ
സർവ്വാസുരാനരിഷു യത്പ്രഹിണോഷി ശസ്ത്രം
ലോകാൻ പ്രയാന്തു രിപവോഽപി ഹി ശസ്ത്രപൂതാ
ഇത്ഥം മതിർഭവതി തേഷ്വഹിതേഷു സാദ്ധ്വീ 18

ഖഡ്ഗപ്രഭാനികരവിസ്ഫുരണൈസ്തഥോഗ്രൈ
ശൂലാഗ്രകാന്തിനിവഹേന ദൃശോഽസുരാണാം
യന്നാഗതാ വിലയമംശുമദിന്ദുഖണ്ഡ
യോഗ്യാനനം വിലോകയതാം തദേതത് 19

ദുർവൃത്തവൃത്തശമനം തവ ദേവി ശീലം
രൂപം തഥൈതദവിചിന്ത്യമതുല്യമന്യൈഃ
വീര്യം ച ഹന്തൃ ഹൃതദേവപരാക്രമാണാം
വൈരിഷ്വപി പ്രകടിതൈവ ദയാ ത്വയേത്ഥം 20

കേനോപമാ ഭവതു തേഽസ്യ പരാക്രമസ്യ
രൂപം ച ശത്രുഭയകാര്യതിഹാരി കുത്ര
ചിത്തേ കൃപാ സമരനിഷ്ഠൂരതാ ച ദൃഷ്ടാ
ത്വയ്യേവ ദേവി വരദേ ഭുവനത്രയോഽപി 21

ത്രൈലോക്യമേതദഖിലം രിപുനാശനേന
ത്രാതം ത്വയാ സമരമൂർദ്ധനി തേഽപി ഹത്വാ
നീതാ ദിവം രിപുഗണാ ഭയമപ്യപാസ്ത-
മസ്മാകമുന്മദസുരാരിഭവം നമസ്തേ 22

ശൂലേന പാഹി നോ ദേവി പാഹി ഖഡ്ഗേന ചാംബികേ
ഘണ്ടാസ്വനേന നഃ പാഹി ചാപജ്യാനിഃസ്വനേന ച 23

പ്രാച്യാം രക്ഷ പ്രതീച്യാം ച ചണ്ഡികേ രക്ഷ ദക്ഷിണേ
ഭ്രാമണേനാത്മശൂലസ്യ ഉത്തരസ്യാം തഥേശ്വരി 24

സൗമ്യാനി യാനി രൂപാണി ത്രൈലോക്യേ വിചരന്തി തേ
യാനി ചാത്യന്തഘോരാണി തൈ രക്ഷാസ്മാംസ്തഥാ ഭുവം 25

ഖഡ്ഗശൂലഗദാദീനി യാനി ചാസ്ത്രാണി തേഽംബികേ
കരപല്ലവസംഗീനി തൈരസ്മാൻ രക്ഷ സർവ്വതഃ 26

ഋഷിരുവാച
ഏവം സ്തുതാ സുരൈർദ്ദിവ്യൈഃ കുസുമൈർ നന്ദനോദ്ഭവൈഃ
അർച്ചിതാ ജഗതാം ധാത്രീ തഥാ ഗന്ധാനുലേപനൈഃ 27

ഭക്ത്യാ സമസ്തൈസ്ത്രിദശൈർദ്ദിവ്യൈർധൂപൈസ്സു ധൂപിതാ
പ്രാഹ പ്രസാദസുമുഖീ സമസ്താൻ പ്രണതാൻ സുരാൻ 28

ദേവ്യുവാച
വ്രിയതാം ത്രിദശാഃ സർവ്വേ യദസ്മത്തോഽഭിവാഞ്ഛിതം 29

ദേവാ ഊചുഃ
ഭഗവത്യാ കൃതം സർവ്വം ന കിഞ്ചിദവശിഷ്യതേ
യദയം നിഹതഃ ശത്രുരസ്മാകം മഹിഷാസുരഃ 30

യദി ചാപി വരോ ദേയസ്ത്വയാ സ്മാകം മഹേശ്വരി
സംസ്മൃതാ സംസ്മൃതാ ത്വം നോ ഹിംസേഥാഃ പരമാപദഃ 31

യശ്ച മർത്യഃ സ്തവൈരേഭിസ്ത്വാം സ്തോഷ്യത്യമലാനനേ
തസ്യ വിത്തർദ്ധിവിഭവൈർപുത്രദാരാദിസമ്പദാം
വൃദ്ധയേഽസ്മത് പ്രസന്നാ ത്വം ഭവേഥാഃ സർവ്വദാംബികേ 32

പൂർവ്വമേവ വരം പ്രാദാഹ്യസ്മാകം വചനാത് പുനഃ
ദേവാനാം മനുജാനാം ച ഹിതായ മഹാഷാർദ്ദിനി 33

ഋഷിരുവാച
ഇതി പ്രസാദിതാ ദേവൈർജഗതോഽർഥേ തഥാഽഽത്മനഃ
തഥേത്യുക്ത്വാ ഭദ്രകാളീ ബഭൂവാന്തർഹിതാ നൃപ 34

ഇത്യേതത് കഥിതം ഭൂപ സംഭൂതാ സാ യഥാ പുരാ
ദേവീ ദേവശരീരോഭ്യോ ജഗത് ത്രയഹിതൈഷിണീ 35

പുനശ്ച ഗൗരീദേഹാത് സാ സമുദ്ഭൂതാ യഥാഭവത്
വധായ ദുഷ്ടദൈത്യാനാം തഥാ സുംഭനിസുംഭയോഃ 36

രക്ഷണായ ച ലോകാനാം ദേവാനാമുപകാരിണീ
തച്ഛണുഷ്വ മയാഖ്യാതം യഥാവത് കഥയാമി തേ 36

ഓം ഇതി ശ്രീമാർക്കകണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ ശക്രാദിസ്തുതിർനാമ ചതുർത്ഥാഽദ്ധ്യായഃ

ദേവിസ്തുതി എന്ന നാലാമദ്ധ്യായം സമാപ്തം.

അഥ പഞ്ചമോഽധ്യായഃ

അഞ്ചാമദ്ധ്യായം

ഓം അസ്യ ശ്രീ ഉത്തമചരിതസ്യ രുദ്ര ഋഷീഃ മഹാസരസ്വതീ ദേവതാ,
അനുഷ്ടുപ് ഛന്ദഃ ഭീമാ ശക്തിഃ ഭ്രാമരീ ബീജം, സൂര്യസ്തത്ത്വം,
സാമവേദഃ സ്വരൂപം, മഹാസരസ്വതീ പ്രീതൃർത്ഥേ
ഉത്തമ ചരിതപാഠേ ജപേ വിനിയോഗഃ

ധ്യാനം

ഓം ഘണ്ടാശൂലഹലാനി ശംഖമുസലേ ചക്രം ധനുഃ സായകം
ഹസ്താബ്ജൈർദധതീം ഘനാന്തവിലസച്ഛീതാംശുതുല്യപ്രഭാം ഗൗരീദേഹസമുദ്ഭവാം ത്രിനയനാമാധാരഭൂതാം മഹാ-
പൂർവ്വാമത്ര സരസ്വതീമനുഭജേ സുംഭാദിദൈത്യാർദ്ദിനീം

ഓം ഋഷിരുവാച
പുരാ സുംഭനിസുംഭാഖ്യാവസുരൗ ഘോരദർശനൗ
അപ്രാപ്തയൗവനാവേവ ചേരതുസ്തപ ഉത്തമം 1

താവേവ സൂര്യതാം തദ്വദധികാരം തഥൈന്ദവം
കൗബേരമഥ യാമ്യം ച ചക്രാതേ വരുണസ്യ ച 2

താവേവ പവനർദ്ധിം ച ചക്രതുർവഹ്നികർമ്മ ച
തതോ ദേവാ വിനിർദ്ധൂതാ വിനാ യുദ്ധേന ഭൂപതേ. 4

ഇന്ദ്രശ്ശച്യാന്വിതസ്തസ്മാത് ഭ്രഷ്ടരാജ്യാഃ പരാജിതാഃ
ഹൃതാധികാരാസ്ത്രിദശാസ്താഭ്യാം സർവ്വേ നിരാകൃതാഃ 7

തേഷു തേഷ്വഥ ധിഷ്ണേഷു ലോകേഷു ച മഹീപതേ,
സ്വഭൃത്യാഃ പ്രഥിതാ ദൈത്യാ അധികാരേ നിയോജിതാഃ 8

തതോ ദേവാഃ സഹേന്ദ്രേണ ബിഭ്രാണാ മാനുഷീം തനും
വിചേരുവനൗ രാജൻ മനുജൈഃ സംഗതാഃ കൃശാഃ 9

ഏവം നിവസതാം തത്ര ദേവാനാമമിതൗജസാം
ഗതാമാസീന്മഹാരാജ, ചത്വാരിംശച്ചതുർയുഗം. 10

തതോ ദേവാഃ സഹേന്ദ്രേണ ബ്രഹ്മണാ ച സമേത്യ വാ
ദുർഗ്ഗാം ഭഗവതീം തത്ര സംസ്മരന്ത്യോഽപരാജിതാം 11

തയാസ്മാകം വരോ ദത്തോ യഥാഽപത്സു സ്മൃതാഽഖിലാഃ
ഭവതാം നാശയിഷ്യാമി തത്ക്ഷണാത് പരമാപദഃ 12

ഇതി കൃത്വാ മതിം ദേവാ ഹിമവന്തം നഗേശ്വരം
ജഗ്മുസ്തത്ര തതോ ദേവീം വിഷ്ണുമായാം പ്രതുഷ്ടവുഃ 13

ദേവാ ഊചുഃ
നമോ ദേവ്യൈ മഹാദേവ്യൈ ശിവായൈ സതതം നമഃ
നമഃ പ്രകൃത്യൈ ഭദ്രായൈ നിയതാഃ പ്രണതാഃ സ്മ താം 14

രൗദ്രായൈ നമോ നിത്യായൈ ഗൗര്യൈ ധത്ര്യൈ നമോ നമഃ
ജ്യോത്സ്നായൈ ചേന്ദുരൂപിണ്യ സുഖായൈ സതതം നമഃ 15

കല്യാണ്യൈ പ്രണതാം വൃദ്ധ്യേ സിദ്ധ്യേ കൂർമ്യൈ നമോ നമഃ
നൈരതൃൈ ഭൂഭൃതാം ലക്ഷ്മ്യൈ ശർവ്വാണൈ തേ നമോ നമഃ 16

ദുർഗ്ഗായൈ ദുർഗ്ഗപാരായൈ സാരായൈ സർവ്വകാരിണ്യൈ
ഖ്യാത്യൈ തഥൈവ കൃഷ്ണായൈ ധൂമ്രായൈ സതതം നമഃ 17

അതിസൗമ്യാതിരൗദ്രായൈ നതാസ്തസ്യൈ നമോ നമഃ
നമോ ജഗത്പ്രതിഷ്ഠായൈ ദേവ്യൈ കൃതൈ നമോ നമഃ 18

യാ ദേവീ സർവ്വഭൂതേഷു വിഷ്ണുമായേതി ശബ്ദിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 19

യാ ദേവീ സർവ്വഭൂതേഷു ചേതനേത്യഭിധീയതേ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 20

യാ ദേവീ സർവ്വഭൂതേഷു ബുദ്ധിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 21

യാ ദേവീ സർവ്വഭൂതേഷു നിദ്രാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 22

യാ ദേവീ സർവ്വഭൂതേഷു ക്ഷുധാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 23

യാ ദേവീ സർവ്വഭൂതേഷു ച്ഛായാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 24

യാ ദേവീ സർവ്വഭൂതേഷു ശക്തിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 25

യാ ദേവീ സർവ്വഭൂതേഷു തൃഷ്ണാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 26

യാ ദേവീ സർവ്വഭൂതേഷു ക്ഷാന്തിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 27

യാ ദേവീ സർവ്വഭൂതേഷു ജാതിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 28

യാ ദേവീ സർവ്വഭൂതേഷു ലജ്ജാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 29

യാ ദേവീ സർവ്വഭൂതേഷു ശാന്തിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 30

യാ ദേവീ സർവ്വഭൂതേഷു ശ്രദ്ധാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 31

യാ ദേവീ സർവ്വഭൂതേഷു കാന്തിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 32

യാ ദേവീ സർവ്വഭൂതേഷു ലക്ഷ്മീരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 33

യാ ദേവീ സർവ്വഭൂതേഷു വൃത്തിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 35

യാ ദേവീ സർവ്വഭൂതേഷു സ്മൃതിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 36

യാ ദേവീ സർവ്വഭൂതേഷു ദയാരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 37

യാ ദേവീ സർവ്വഭൂതേഷു തുഷ്ടിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 38

യാ ദേവീ സർവ്വഭൂതേഷു മാതൃരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 39

യാ ദേവീ സർവ്വഭൂതേഷു ഭ്രാന്തിരൂപേണ സംസ്ഥിതാ
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 40

ഇന്ദ്രിയാണാമധിഷ്ഠാത്രി ഭൂതാനാം ചാഖിലേഷു യാ
ഭൂതേഷു സതതം തസ്യൈ വ്യാപ്ത്യൈദേവ്യൈ നമോ നമഃ 41

ചിതിരൂപേണ യാ കൃത്സനമേതദ്വ്യാപ്യ സ്ഥിതാ ജഗത്
നമസ്തസ്യൈ നമസ്തസ്യൈ നമസ്തസ്യൈ നമോ നമഃ 42

സ്തുതാ സുരൈഃ പൂർവ്വമഭീഷ്ടസംശ്രയാത്
തഥാ സുരേന്ദ്രേണ ദിനേഷു സേവിതാ
കരോതു സാ നഃ ശുഭഹേതുരീശ്വരീ
ശുഭാനി ഭദ്രാണ്യഭിഹന്തു ചാപദഃ 43

യാ സാമ്പ്രതം ചോദ്ധതദൈത്യതാപിതൈ-
രസ്മാഭിരീശോ ച സുരൈർനമസ്യതേ
കരോതു സാ നഃ ശുഭഹേതുരീശ്വരീ
ശുഭാനി ഭദ്രാണ്യഭിഹന്തു ചാപദഃ

യാ ച സ്മൃതാ തത്ക്ഷണമേവ ഹന്തി നഃ
സർവ്വാപദോ ഭക്തിവിനമ്രമൂർത്തിഭിഃ
കരോതു സാ നഃ ശുഭഹേതുരീശ്വരീ
ശുഭാനി ഭദ്രാണ്യഭിഹന്തു ചാപദഃ 44

ഋഷിരുവാച
ഏവം സ്തവാദിയുക്താനാം ദേവാനാം തത്ര പാർവ്വതീ
സ്നാതുമഭ്യായയൗ തോയേ ജാഹ്നവ്യാ നൃപനന്ദന 45

സാബ്രവീത് താൻ സുരാൻ സുഭ്രൂർഭവദ്ഭിഃ സ്തൂയാതേഽത്ര കാ
ശരീരകോശതശ്ചാസ്യാഃ സമുദ്ഭൂതാഽബ്രവീച്ഛിവാ 46

സ്തോത്രം മമൈതത് ക്രിയതേ സുംഭദൈത്യനിരാകൃതൈഃ
ദേവൈഃ സമസ്തൈഃ സമരേ നിസുംഭേന പരാജിതൈഃ 47

ശരീരകോശാദ്യത്തസ്യാഃ പാർവ്വത്യാ നിഃസൃതാംബികാ
കൗശികീതി സമസ്തേഷു തതോ ലോകേഷു ഗീയതേ 48

തസ്യാം വിനിർഗ്ഗതായാം തു കൃഷ്ണാഭൂത് സാപി പാർവ്വതീ
കാളികേതി സമാഖ്യാതാ ഹിമാചലകൃതാശ്രയാ 49

തതോഽബികാം പരം രൂപം ബിഭ്രാണാം സുമനോഹരം
ദദർശ ചണ്ഡോ മുണ്ഡശ്ച ഭൃത്യൗ സുംഭനിസുംഭയോഃ 50

താഭ്യാം ശുംഭായ ചാഖ്യാതാ സാതീവ സുമനോഹരാ
കാപ്യാസ്തേ സ്ത്രീ മഹാരാജ ഭാസയന്തീ ഹിമാചലം 51

നൈവ താദൃക് ക്വചിദ്രുപം ദൃഷ്ടം കേനചിദുത്തമം
ജ്ഞായതാം കാപ്യസൗ ദേവീ ഗൃഹ്യതാം ചാസുരേശ്വര 52

സ്ത്രീരത്നമതിചാർവ്വംഗീ ദ്യോതയന്തീ ദിശസ്ത്വിഷാ
സാ തു തിഷ്ഠതി ദൈത്യേന്ദ്ര, താം ഭവാൻ ദ്രഷ്ടുമർഹതി 53

യാനി രത്നാനി മണയോ ഗജാശ്വാദീനി വൈ പ്രഭോ
ത്രൈലോക്യേ തു സമസ്താനി സാമ്പ്രതം ഭാന്തി തേ ഗൃഹേ 54

ഐരാവതഃ സമാനീതോ ഗജരത്നം പുരന്ദരാത്
പാരിജാതതരുശ്ചായം തഥൈവോച്ചൈഃശ്രവാ ഹയഃ 55

വിമാനം ഹംസസംയുക്തമേതത് തിഷ്ഠതി തേഽങ്ഗണേ
രത്നഭൂതമിഹാനീതം യദാസീദ് വേധസോഽദ്ഭുതം 56

നിധിരേഷ മഹാപദ്മഃ സമാനീതോ ധനേശ്വരാത്
കിഞ്ജല്കിനീം ദദൗ ചാബ്ധിർമാലാമമ്ലാനപങ്കജാം 57

ഛത്രം തേ വാരുണം ഗേഹേ കാഞ്ചനസ്രാവി തിഷ്ഠതി
തഥാഽയം സ്യന്ദനവരോ യഃ പുരാഽഽസീത് പ്രജാപതേഃ 58

മൃത്യോരുത്ക്രാന്തിദാ നാമ ശക്തിരീശ ത്വയാ ഹൃതാ
പാശഃ സലിലരാജസ്യ ഭ്രാതുസ്തവ പരിഗ്രഹേ 59

നിസുംഭസ്യാബ്ധിജാതാശ്ച സമസ്താ രത്നജാതയഃ
വഹ്നിശ്ചാപി ദദൗ തുഭ്യമഗ്നിശൗചേ ച വാസസീ 60

ഏവം ദൈത്യേന്ദ്ര രത്നാനി സമസ്താന്യാഹൃതാനി തേ
സ്ത്രീരത്നമേഷാ കല്യാണീ സ്വയമേവാഭ്യുപാഗതാ
ത്രൈലോക്യരാജാദധികാ ത്വയാ കസ്മാന്ന ഗൃഹ്യതേ 61

ഋഷിരുവാച
നിശമ്യ തദ്വചഃ സുംഭഃ സ തദാ ചണ്ഡമുണ്ഡയോഃ
മന്മഥാവിഷ്ടഹൃദയഃ ക്ഷണേന സമപദ്യത 62

പ്രേഷയാമാസ ച തദാ ദൂതം ദേവ്യൈ മഹാസുരഃ
സുഗ്രീവം നാമം ദുർദ്ധർഷം ദൗത്യകർമ്മണി കോവിദം. 63

ഇതി ചേതി ച വക്തവ്യാ സാ ഗത്വാ വചനാന്മമ
യഥാ ചാഭ്യേതി സംപ്രീത്യാ തഥാ കാര്യം ത്വയാ ലഘു 64

നിശമ്യ ദൈത്യരാജസ്യ സുഗ്രീവോ നയകോവിദഃ
തഥേതി ചോക്ത്വാ പ്രയയൗ സ്വല്പസൈന്യസമന്വിതഃ 65

സ തത്ര ഗത്വാ യത്രാസ്തേ ശൈലോദ്ദേശോഽതിശോഭനേ
സാ ദേവീ താം തതഃ പ്രാഹ ശ്ലക്ഷ്ണം മധുരയാ ഗിരാ 66

ദൂത ഉവാച
ദേവി ദൈത്യേശ്വരഃ സുംഭസ്ത്രൈലോക്യേ പരമേശ്വരഃ
ദൂതോഽഹം പ്രേഷിതസ്തേന ത്വത്സകാശമിഹാഗതഃ 67

അവ്യാഹതാജ്ഞഃ സർവ്വാസു യഃ സദാ ദേവയോനിഷു
നിർജ്ജിതാഖിലദൈത്യാരിഃ സ യദാഹ ശൃണുഷ്വ തത് 68

മമ ത്രൈലോക്യമഖിലം മമ ദേവാ വശാനുഗാഃ
യജ്ഞഭാഗാനഹം സർവ്വാനുപാശ്നാമി പൃഥക് പൃഥക് 69

ത്രൈലോക്യ വരരത്നാനി മമ വശ്യാന്യശേഷതഃ
തഥൈവ ഗജരത്നം ച ഹൃതം ദേവേന്ദ്രവാഹനം 70

ക്ഷീരോദമഥനോദ്ഭൂതമശ്വരത്നം മമാമരൈഃ
ഉച്ചൈഃശ്രവസസംജ്ഞം തത്പ്രണിപത്യ സമർപ്പിതം 71

യാനി ചാന്യാനി ദേവേഷു ഗന്ധർവ്വേഷുരഗേഷു ച
രത്നഭൂതാനി ഭൂതാനി താനി മയ്യേവ ശോഭനേ 72

സ്ത്രീരത്നഭൂതാം ത്വാം ദേവി ലോകേ മന്യാമഹേ വയം
സാ ത്വമസ്മാനുപാഗച്ഛ യതോ രത്നഭുജോ വയം 73

മാം വാ മമാനുജം വാഽപി നിസുംഭമുരുവിക്രമം
ഭജ ത്വം ചഞ്ചലാപാംഗി രത്നഭൂതാഽസി വൈ യതഃ 74

പരമൈശ്വര്യമതുലം പ്രാപ്യസ്യസേ മത്പരിഗ്രഹാത്
ഏതദ് ബുദ്ധ്യാ സമാലോച്യ മത്പരിഗ്രഹതാം വ്രജ 75

ഋഷിരുവാച
ഇത്യുക്താ സാ തദാ ദേവീ ഗംഭീരാന്തഃസ്മിതാ ജഗൗ
ദുർഗ്ഗാ ഭഗവതീ ഭദ്രാ യയേദം ധാര്യതേ ജഗത് 76

ദേവ്യൂവാച
സത്യമുക്തം ത്വയാ നാത്ര മിഥ്യാ കിഞ്ചിത് ത്വയോദിതം
ത്രൈലോക്യാധിപതിഃ സുംഭോ നിസുംഭശ്ചാപി താദൃശഃ 77

കിം ത്വത്ര യത് പ്രതിജ്ഞാതം മിഥ്യാ തത്ക്രിയതേ കഥം
ശ്രൂയതാമല്പബുദ്ധിത്വാത്പ്രതിജ്ഞാ യാ പുരാ കൃതാ 78

യോ മാം ജയതി സംഗ്രാമേ യോ മേ ദർപ്പം വ്യപോഹതി
യോ മേ പ്രതിബലോ ലോകേ സ മേ ഭർത്താ ഭവിഷ്യതി 79

തദാഗച്ഛതു സുംഭോഽത്ര നിസുംഭോ വാ മഹാസുരഃ
മാം ജിത്വാ കിം ചിരേണാത്ര പാണിം ഗൃഹ്ണാതു മേ ലഘു 80

ദൂത ഉവാച
അവലിപ്താഽസി മൈവം ത്വം ദേവി ബ്രൂഹി മമാഗ്രതഃ
ത്രൈലോക്യേ കഃ പുമാംസ്തിഷ്ഠേദഗ്രേ സുംഭനിസുംഭയോ 81

അന്വേഷാമപി ദൈത്യാനാം സർവ്വേ ദേവാ ന വൈ യുധി
തിഷ്ഠന്തി സമ്മുഖേ ദേവി കിം പുനഃ സ്ത്രീ ത്വമേകികാ 82

ഇന്ദ്രാദ്യാഃ സകലാ ദേവാ തസ്ഥുർയേഷാം ന സംയുഗേ
സുംഭാദീനാം കഥം തേഷാം സ്ത്രീ പ്രയാസ്യസി സമ്മുഖം 83

സാ ത്വം ഗച്ഛ മയൈവോക്താ പാർശ്വം സുംഭനിസുംഭയോഃ
കേശാകർഷണനിർധൂതഗൗരവാ മാ ഗമിഷ്യസി 84

ദേവ്യുവാച
ഏവമേതദ് ബലീ സുംഭോ നിസുംഭശ്ചാപി വീര്യവാൻ
കിം കരോമി പ്രതിജ്ഞാ മേ യദനാലോചിതാ പുരാ 85

സ ത്വം ഗച്ഛ മയൈവോക്തം യദേതത് സർവ്വമാദൃതഃ
തദാചക്ഷ്വാസുരേന്ദ്രായ സ ച യുക്തം കരോതു യത് 86

ഇതി ശ്രീമാർക്കണ്ഡേയപുരാണേ സാവർണ്ണിക മന്വന്തരേ
ദേവീമാഹാത്മ്യേ ദേവ്യാ ദൂതസംവാദോ നാമ പഞ്ചമോഽധ്യായഃ

ദേവീദൂതസംവാദം എന്ന അഞ്ചാമദ്ധ്യായം സമാപ്തം.

അഥ ഷഷ്ഠാഽധ്യായഃ

ആറാം അധ്യായം

ധ്യാനം

ഓം നാഗാധീശ്വരവിഷ്ടരാം ഫണി ഫണോത്തംസോരുരത്നാവലീ
ഭാസ്വദ്ദേഹലതാം ദിവാകരനിഭാം നേത്രത്രയോദ്ഭാസിതാം മാലാകുംഭകപാലനീരജകരാം ചന്ദ്രാർദ്ധചൂഡാം പരാം സർവ്വജ്ഞേശ്വരഭൈരവാങ്കനിലയാം പദ്മാവതീം ചിന്തയേ

ഓം ഋഷിരുവാച
ഇത്യാകർണ്യ വചോ ദേവ്യാഃ സ ദൂതോഽമർഷപൂരിതഃ
സമാചഷ്ട സമാഗമ്യ ദൈത്യരാജായ വിസ്തരാത് 1

തസ്യ ദൂതസ്യ തദ്വാക്യമാകർണ്യാസുരരാട് തതഃ
സക്രോധഃ പ്രാഹ ദൈത്യാനാമധിപം ധൂമ്രലോചനം 2

ഹേ ധൂമ്രലോചനാശു ത്വം സ്വസൈന്യപരിവാരിതഃ
താമാനയ ബലാദ്ദുഷ്ടാം കേശാകർഷണവിഹ്വലാം 3

തത് പരിത്രാണദഃ കശ്ചിദ് യദി വോത്തിഷ്ഠതേ പരഃ
സ ഹന്തവ്യോഽമരോ വാപി യക്ഷോ ഗന്ധർവ്വ ഏവ വാ 4

ഋഷിരുവാച
തേനാജ്ഞപ്തസ്തതഃശ്ശീഘ്രം സ ദൈത്യോ ധൂമ്രലോചനഃ
വൃതഃ ഷഷ്ട്യാ സഹസ്രാണാം ദാനവാനാം ദ്രുതം യയൗ 5

സ ദൃഷ്ട്വാ താം തതോ ദേവീം തുഹിനാചലസംസ്ഥിതാം
ജഗാദോച്ചൈഃ പ്രയാഹീതി മൂലം സുംഭനിസുംഭയോഃ 6

ന ചേത് പ്രീത്യാദ്യ ഭവതീ മദ്ഭർത്താരമുപൈഷ്യതി
തതോ ബലാന്നയാമ്യേഷ കേശാകർഷണവിഹ്വലാം 7

ദേവ്യുവാച
ദൈത്യേശ്വരേണ പ്രഹിതോ ബലവാൻ ബലസംവൃതഃ
ബലാന്നയസി മാമേവം തതഃ കിം തേ കരോമ്യഹം 8

ഋഷിരുവാച
ഇത്യുക്തഃ സോഽഭ്യധാവത് താമസുരോ ധൂമ്രലോചനഃ
ഹുങ്കാരേണൈവ തം ഭസ്മസാച്ചകാരാംബികാ തതഃ 9

അഥ ക്രുദ്ധം മഹാസൈന്യമസുരാണാം തഥാംബികാം
വവർഷ സായകൈസ്തീക്ഷ്ണൈസ്തഥാ ശക്തിപരശ്വധൈഃ 10

തതോ ധുതസടഃ കോപാത് കൃത്വാ നാദം സുഭൈരവം
പപാതാസുരസേനായാം സിംഹോ ദേവ്യാഃ സ്വവാഹനഃ 11

കാംശ്ചിത് കരപ്രഹാരേണ ദൈത്യാനാസ്യേന ചാപരാൻ
ആക്രമ്യ ചാരണേനാന്യാൻ സാ ജഘാന മഹാസുരാൻ 12

കേഷാഞ്ചിത് പാടയാമാസ നഖൈഃ കോഷ്ഠാനി കേസരീ
തഥാ തലപ്രഹാരേണ ശിരാംസി കൃതവാൻ പൃഥക് 13

വിച്ഛിന്നബാഹുശിരസഃ കൃതാസ്തേന തഥാപരേ
പപൗ ച രുധിരം കോഷ്ഠാദന്യേഷാം ധുതകേസരഃ 14

ക്ഷണേന തദ്ബലം സർവ്വം ക്ഷയം നീതം മഹാത്മനാ
തേന കേസരിണാ ദേവ്യാ വാഹനേനാതികോപിനാ 15

ശ്രുത്വാ തമസുരം ദേവ്യാ നിഹതം ധൂമ്രലോചനം
ബലം ച ക്ഷയിതം കൃത്സ്നം ദേവീകേസരിണാ തതഃ 16

ചുകോപ ദൈത്യാധിപതിഃ സുംഭഃ പ്രസ്ഫുരിതാധരഃ
ആജ്ഞാപയാമാസ ച തൗ ചണ്ഡമുണ്ഡൗ മഹാസുരെ 17

ഹേ ചണ്ഡ ഹേ മുണ്ഡ ബലൈർബഹുഭിഃ പരിവാരിതൗ
തത്ര ഗച്ഛത ഗത്വാ ച സാ സമാനീയതാം ലഘു 18

കേശേഷ്വാകൃഷ്യ ബദ്ധ്വാ വാ യദി വഃ സംശയോ യുധി
തദാഽശേഷായുധൈഃ സർവ്വൈരസുരൈർവിനിഹന്യതാം 19

തസ്യാം ഹതായാം ദുഷ്ടായാം സിംഹേ ച വിനിപാതിതേ
ശീഘ്രമാഗമ്യതാം ബദ്ധ്വാ ഗൃഹീത്വാ താമഥാംബികാം 20

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ്യേ സുംഭനിസുംഭസേനാനീ-
ധൂമ്രലോചനവധോ നാമ ഷഷ്ഠാഽധ്യായഃ

ധൂമ്രലോചനവധം എന്ന ആറാമധ്യായം സമാപ്തം

അഥ സപ്തമോഽധ്യായഃ

ഏഴാം അധ്യായം

ധ്യാനം

ഓം ധ്യായേയം രത്നപീഠേ ശുകകലപഠിതം ശൃണ്വതീം ശ്യാമളാംഗീം
ന്യസ്തൈകാംഘ്രിം സരോജശശികലധരാം വല്ലകീം വാദയന്തീം കല്ഹാരാബദ്ധമാലാം നിയമിതവിലസച്ചോലികാം രക്തവസ്ത്രാം
മാതംഗീം ശംഖപാത്രാം മധുരമധുമദാം ചിത്രകോദ്ഭാസിഫാലാം

ഓം ഋഷിരുവാച
തേനാജ്ഞപ്താസ്തതേ ദൈത്യാശ്ചണ്ഡമുണ്ഡപുരോഗമാഃ
ചതുരംഗബലോപേതാ യയുരഭ്യുദ്യതായുധാഃ 1

അഹംപൂർവ്വമഹംപൂർവ്വമിത്യേവം യുദ്ധാലാലസാഃ
ഗ്രഹീതുകാമാസ്താം ദേവീം ശൂലപട്ടിസധാരിണഃ 2

ദദൃശുസ്തേ തതോ ദേവീമീഷദ്ധാസാം വ്യവസ്ഥിതാം
സിംഹസ്യോപരി ശൈലേന്ദ്രശൃംഗേ മഹതി കാഞ്ചനേ 3

തേ ദൃഷ്ട്വാ താം സമാദാതുമുദ്യമം ചക്രുരുദ്ധതാഃ
ആകൃഷ്ടചാപാസിധരാസ്തഥാന്യേ തത്സമീപഗാഃ 4

തതഃ കോപം ചകാരോച്ചൈരംബികാ താനരീൻപ്രതി
കോപേന ചാസ്യാ വദനം മഷീവർണ്ണമഭൂത് തദാ 5

ഭ്രുകുടീകുടിലാത് തസ്യാ ലലാടഫലകാദ് ദ്രുതം
കാളീ കരാളവദനാ വിനിഷ്ക്രാന്താസിപാശിനീ 6

വിചിത്രഖട്വാഗധരാ ശിരോമാലാവിഭൂഷണാ
ദ്വീപിചർമ്മപരീധാനാ ശുഷ്കമാംസാതിഭൈരവാ 7

അതിവിസ്താരവദനാ ജിഹ്വാചലനഭീഷണാ
നിമഗ്നാരക്തനയനാ നാദാപൂരിതദിങ്മുഖാ 8

സാ വേഗേനാഭിപതിതാൻ പാതയന്തീ മഹാസുരാൻ
സൈന്യേ തത്ര സുരാരീണാമഭക്ഷയത തദ്ബലം 9

പാർഷ്ണിഗ്രാഹാങ്കുരഗ്രാഹയൗധഘണ്ടാസമന്വിതം
സമാദായൈകഹസ്തേന മുഖേ ചിക്ഷേപ വാരണം 10

തഥൈവ യോധം തുരഗൈ രഥം സാരഥിനാ സഹ
നിക്ഷിപ്യ വക്ത്രേ ദശനൈശ്ചർവ്വയന്ത്യതിഭൈരവം 11

ഏകം ജഗ്രാഹ കേശേഷു ഗ്രീവായാമഥ ചാപരം
പാദേനാക്രമ്യ ചൈവാന്യമുരസാന്യമപോഥയത് 12

തൈർമുക്താനി ച ശസ്ത്രാണി മഹാസ്ത്രാണി മഹാസുരൈഃ
മുഖേന ജഗ്രാഹ രുഷാ ദശനൈർമ്മഥിതാന്യപി 13

ബലിനാം തദ്ബലം സർവ്വമസുരാണാം ദുരാത്മനാം
മമർദ്ദാഭക്ഷയച്ചാന്യാനന്യാംശ്ചാതാഡയത് തഥ 14

അസിനാ നിഹതാഃ കേചിത് കേചിത് ഖട്വാങ്ഗതാഡിതാഃ
ജഗ്മുർവിനാശമസുരാഃ ദന്താഗ്രാഭിഹതാസ്തഥാ. 15

ക്ഷണേന തദ്ബലം സർവ്വമസുരാണാം നിപാതിതം
ദൃഷ്ട്വാ ചണ്ഡോഽഭിദുദ്രാവ താം കാളീമതിഭീഷണാം 16

ശരവർഷൈർമ്മാഹാഭീമെർഭീമാക്ഷീം താം മഹാസുരഃ
ഛാദയാമാസ ചക്രൈശ്ച മുണ്ഡഃ ക്ഷിപ്തൈഃ സഹസ്രശഃ 17

താനി ചക്രാണ്യനേകാനി വിശമാനാനി തന്മുഖം
ബഭുർയഥാർക്കബിംബാനി സുബഹൂനി ഘനോദരം 18

തതോ ജഹാസാതിരുഷാ ഭീമം ഭൈരവനാദിനീ
കാളീ കരാളവദനാ ദുർദ്ദർശദശനോജ്ജ്വലാ 19

ഉത്ഥായ ച മഹാസിം ഹം ദേവീ ചണ്ഡമധാവത
ഗൃഹീത്വാ ചാസ്യ കേശേഷു ശിരസ്തേനാസിനാഽച്ഛിനത് 20

അഥ മുണ്ഡോഽഭ്യധാവത് താം ദൃഷ്ട്വാ ചണ്ഡം നിപാതിതം
തമപ്യപാതയത് ഭൂമൗ സാ ഖഡ്ഗാഭിഹതം രുഷാ 21

ഹതശേഷം തതഃ സൈന്യം ദൃഷ്ട്വാ ചണ്ഡം നിപാതിതം
മുണ്ഡം ച സുമഹാവീര്യം ദിശോ ഭേജേ ഭയാതുരം 22

ശിരശ്ചണ്ഡസ്യ സാ കാളീ ഗൃഹീത്വാ മുണ്ഡമേവ ച
പ്രാഹ പ്രചണ്ഡാട്ടഹാസമിശ്രഭ്യേത്യ ചണ്ഡികാം 23

മയാ തവാത്രോപഹൃതൗ ചണ്ഡമുണ്ഡൗ മഹാപശു
യുദ്ധയജ്ഞേ സ്വയം സുംഭം നിസുംഭം ച ഹനിഷ്യസി 24

ഋഷിരുവാച
താവാനീതെ തതോ ദൃഷ്ട്വാ ചണ്ഡമുണ്ഡൗ മഹാസുരെ
ഉവാച കാളീം കല്യാണീ ലലിതം ചണ്ഡികാ വചഃ 25

ദേവ്യുവാച
യസ്മാച്ചണ്ഡം ച മുണ്ഡം ച ഗൃഹീത്വാ ത്വമുപാഗതാ
ചാമുണ്ഡേതി തതോ ലോകേ ഖ്യാതാ ദേവീ ഭവിഷ്യസി 26

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ ചണ്ഡമുണ്ഡവധോ നാമ സപ്തമോഽധ്യായഃ

ചണ്ഡമുണ്ഡവധം എന്ന ഏഴാമദ്ധ്യായം സമാപ്തം.

അഷ്ടമോഽദ്ധ്യായഃ

എട്ടാം അദ്ധ്യായം

ധ്യാനം

ഓം അരുണാം കരുണാതരംഗിതാക്ഷീം ധൃതപാശാങ്കുശബാണചാപഹസ്താം
അണിമാദിഭിരാവൃതാം മയൂഖൈരഹമിത്യേവ വിഭാവയേ ഭവാനീം||

ഓം ഋഷിരുവാച
ചണ്ഡേ ച നിഹതേ ദൈത്യേ മുണ്ഡേ ച വിനിപാതിതേ ബഹുലേഷു ച സൈന്യേഷു ക്ഷയിതേഷ്വസുരേശ്വരഃ 1

തതഃ കോപപരാധീനചേതാഃ സുംഭഃ പ്രതാപവാൻ
ഉദ്യോഗം സർവ്വസൈന്യാനാം ദൈത്യാനാമാദിദേശ ഹ 2

അദ്യ സർവ്വബലൈർദൈത്യാഃ ഷഡശീതിരുദായുധാഃ
കംബൂനാം ചതുരശീതിർന്നിര്യാന്തു സ്വബലൈർവൃതാഃ 3

കോടിവീര്യാണി പഞ്ചാശദസുരാണാം കുലാനി വൈ
ശതം കുലാനി ധൂമ്രാണാം നിർഗ്ഗച്ഛന്തു മമാജ്ഞയാ 4

കാലകാ ദൗർഹൃദാ മൗര്യാഃ കാലികേയാസ്തഥാഽസുരാഃ
യുദ്ധായ സജ്ജാ നിര്യാന്തു ആജ്ഞയാ ത്വരിതാ മമ 5

ഇത്യാജ്ഞാപ്യാസുരപതിഃ സുംഭോ ഭൈരവശാസനഃ
നിർജ്ജഗാമ മഹാസൈന്യസഹസ്രൈർബഹുഭിർവൃതഃ 6

ഉത്പാതാ ബഹവസ്തത്ര പ്രാദുരാസൻ സഹസ്രശഃ
യുഗാന്തമേഘാ വവൃഷുരസ്ഥിശോണിതകർദ്ദമം 7

ക്രവ്യാദാ വ്യനദൻ ഘോരാശ്ശിവാശ്ചാപി വവാശിരേ
താനുത്പാതാനനാദൃത്യ പ്രയയൗ സ ഹിമാചലം 8

ആയാന്തം ചണ്ഡികാ ദൃഷ്ട്വാ തത് സൈന്യമതിഭീഷണം
ജ്യാസ്വനൈഃ പൂരയാമാസ ധരണീഗഗനാന്തരം 9

തതഃ സിംഹോ മഹാനാദമതീവ കൃതവാൻ നൃപ
ഘണ്ടാസ്വനേന താന്നാദമംബികാ സമബൃംഹയത് 10

ധനുർജ്യാസിംഹഘണ്ടാനാം നാദാപൂരിതദിങ്മുഖാ
നിനാദൈർഭീഷണൈഃ കാളീ ജിഗ്യേ വിസ്താരിതാനനാ 11

തം നിനാദമുപശ്രുത്യ ദൈത്യസൈന്യശ്ചതുർദിശം
ദേവീ സിംഹസ്തഥാ കാളീ സരോഷൈഃ പരിവാരിതാഃ 12

ഏതസ്മിന്നന്തരേ ഭൂപ വിനാശായ സുരദ്വിഷാം
ഭവായാമരസിംഹാനാമതിവീര്യബലാന്വിതാഃ 13

ബ്രഹ്മേശഗുഹവിഷ്ണുനാം തഥേന്ദ്രസ്യ ച ശക്തയഃ
ശരീരോഭ്യോ വിനിഷ്ക്രമ്യ തദ്രുപൈശ്ചണ്ഡികാം യയും 14

യസ്യ ദേവസ്യ തദ്രൂപം യഥാ വാഹനഭൂഷണം
തദ്വദേവ ഹി തച്ഛക്തിരസുരാൻ യോദ്ധുമായയൗ 15

ഹംസയുക്തവിമാനാഗ്രേ സാക്ഷസൂത്രകമണ്ഡലുഃ
ആയാതാ ബ്രഹ്മണശ്‌ശക്തിർബ്രഹ്മാണീ സാഭിധീയതേ 16

മഹേശ്വരി വൃഷാരൂഢാ ത്രിശൂലവരധാരിണീ
മഹാഹിവലയാ പ്രാപ്താ ചന്ദ്രരേഖാവിഭൂഷണാ 17

കൗമാരീ ശക്തിഹസ്താ ച മയൂരവരവാഹനാ
യോദ്ധുമഭ്യായയൗ ദൈത്യാനംബികാ ഗുഹരൂപിണീ 18

തഥൈവ വൈഷ്ണവീ ശക്തിർ ഗരുഡോപരി സംസ്ഥിതാ
ശങ്ഖചക്രഗദാശാർങഖഡ്ഗഹസ്താഭ്യുപായയൗ 19

യജ്ഞവാരാഹമതുലം രൂപം യാ ബിഭ്രതോ ഹരേഃ
ശക്തിഃ സാപ്യായയൗ തത്ര വാരാഹീം ബിഭ്രതീ തനും 20

നാരസിംഹീ നൃസിംഹസ്യ ബിഭ്രതീ സദൃശം വപുഃ
പ്രാപ്താ തത്ര സടാക്ഷേപക്ഷിപ്തനക്ഷത്രസംഹതിഃ 21

വജ്രഹസ്താ തഥാ ചൈന്ദ്രീ ഗജരാജോപരി സ്ഥിതാ
പ്രാപ്താ സഹസ്രനയനാ യഥാ ശക്രസ്തഥൈവ സാ 22

തതഃ പരിവൃതസ്താഭിരീശാനോ ദേവശക്തിഭിഃ
ഹന്യന്താമസുരാഃ ശീഘ്രം മമ പ്രീത്യാഽഹ ചണ്ഡികാം 23

തതോ ദേവീശരീരാത്തു നിവിഷ്ക്രാന്താതിഽഭീഷണാ
ചണ്ഡികാ ശക്തിരത്യുഗ്രാ ശിവാശതനിനാദിനീ 24

സാ ചാഹ ധൂമ്രജടിലമീശാനമപരാജിതാ
ദൂത സ്ത്വം ഗച്ഛ ഭഗവൻ പാർശ്വം സുംഭനിസുംഭയോഃ 25

ബ്രൂഹി സുംഭം നിസുംഭം ച ദാനവാവതി ഗർവ്വിതൗ
യേ ചാന്യേ ദാനവാസ്തത്ര യുദ്ധായ സമുപസ്ഥിതാഃ 26

ത്രൈലോക്യമിന്ദ്രോ ലഭതു ദേവാഃ സന്തു ഹവിർഭുജഃ
യൂയം പ്രയാത പാതാളം യദി ജീവിതുമിച്ഛഥ 27

ബലാവലേപാദഥ ചേത് ഭവന്തോ യുദ്ധകാംക്ഷിണഃ
തദാഗച്ഛത തൃപ്യന്തു മച്ഛിവാഃ പിശിതേന വഃ 28

യതോ നിയുക്തോ ദൗത്യേന തയാ ദേവ്യാ ശിവഃ സ്വയം
ശിവദൂതീതി ലോകേഽസ്മിംസ്തതഃ സാ ഖ്യാതി മാഗതാ 29

തോഽപി ശ്രുത്വാ വചോ ദേവ്യാഃശ്ശർവ്വാഖ്യാതം മഹാസുരാഃ
അമർഷാപൂരിതാ ജഗ്മുർയത്ര കാത്യായനീ സ്ഥിതാ 30

തതഃ പ്രഥമമേവാഗ്രേ ശരശക്തിൃഷ്ടിവൃഷ്ടിഭിഃ
വവർഷുരുദ്ധതാമർഷാസ്താം ദേവീമമരാരയഃ 31

സാ ച താൻ പ്രഹിതാൻ ബാണാൻ ശൂലശക്തിപരശ്വധൻ
ചിച്ഛേദ ലീലയാധ്മാതധനുർമുക്തൈർമഹേഷുഭിഃ 32

തസ്യാഗ്രതസ്തഥാ കാളീ ശൂലപാതവിദാരിതാൻ
ഖട്വാങ്ഗപോഥിതാംശ്ചാന്യാൻ കുർവ്വതീ വ്യചരത് തദാ 33

കമണ്ഡലുജലാക്ഷേപഹതവീര്യാ ഹതൗജസഃ
ബ്രഹ്മാണീ ചാഽകരോച്ഛത്രൂൻ യേന യേന സ്മ ധാവതി 34

മാഹേശ്വരീ ത്രിശൂലേന തഥാ ചക്രേണ വൈഷ്ണവി
ദൈത്യാൻ ജഘാന കൗമാരീ തഥാ ശക്ത്യാകൃതികോപനാ 35

ഐന്ദ്രീ കുലിശപാതേന ശതശോ ദൈത്യദാനവാഃ
പേതുർവിദാരിതാഃ ഭൂമൗ രുധിരൗഘപ്രവർഷിണഃ 36

തുണ്ഡപ്രഹാരവിധ്വസ്താ ദംഷ്ടാഗ്രക്ഷതവക്ഷസഃ
വാരാഹമൂർത്ത്യ ന്യപതംശ്ചക്രേണ ച വിദാരിതാഃ 37

നഖൈർവിദാരിതാംശ്ചാന്യാൻ ഭക്ഷയന്തീ മഹാസുരാൻ
നാരസിംഹീ ചചാരാജൗ നാദാപൂർണ്ണദിഗംബരാ 38

ചണ്ഡാട്ടഹാസൈരസുരാഃ ശിവദൂത്യാ വിഭിഷിതാഃ
പേതുഃ പൃഥിവ്യാം പതിതാംസ്താംശ്ചഖാദാഥ സാ തദാ 39

ഇതി മാത്രുഗണം ക്രുദ്ധം മർദയന്തം മഹാസുരാൻ ദൃഷ്ട്വാഭ്യുപായൈർവിവിധൈർനേശുർദേവാരിസൈനികാഃ 40

പലായനപരാൻ ദൃഷ്ട്വാ ദൈത്യാൻ മാതൃഗണാർദ്ദിതാൻ
യോദ്ധമഭ്യായയൗ ക്രുദ്ധോ രക്തബീജോ മഹാസുരഃ 41

ഭാഗീനേയോ മഹാവീര്യസ്തയോസ്സുംഭനിസുംഭയോഃ
ക്രോധവത്യാഃ സുതോ രാജൻ മഹാബലപരാക്രമഃ 42

രക്തബിന്ദുർയദാ ഭൂമൗ പതത്യസ്യ ശരീരതഃ
സമുത്പതതി മേദിന്യാസ്തത് പ്രമാണോ മഹാസുരഃ 43

യുയുധേ സ ഗദാപാണിരിന്ദ്രശക്ത്യാ മഹാസുരഃ
തതശ്ചൈന്ദ്രീ സ്വവജ്രേണ രക്തബീജമതാഡയത് 44

കുലിശേനാഹതസ്യാശു ബഹു സുസ്രാവ ശോണിതം
സമുത്തസ്ഥുസ്തതോ യോധാസ്തദ്രുപാസ്തത്പരാക്രമാഃ 45

യാവന്തഃ പതിതാസ്തസ്യ ശരീരാദ് രക്തബിന്ദുവഃ
താവന്തഃ പുരുഷാ ജാതാസ്ത് ദ് വീര്യബലവിക്രമാഃ 46

തേ ചാപി യുയുധുസ്തത്ര പുരുഷാ രക്തസംഭവാഃ
സമം മാതൃഭിരത്യുഗ്രശസ്ത്രപാതാതിഭീഷണം 47

പുനശ്ച വജ്രപാതേന ക്ഷതമസ്യ ശിരോ യദാ
വിവാഹ രക്തം പുരുഷാസ്തതോ ജാതാഃ സഹസ്രശഃ 48

വൈഷ്ണവീ സമരേ ചൈനം ചക്രേണാഭിജഘാന ഹ
ഗദയാ താഡയാമാസ ചൈന്ദ്രീ തമസുരേശ്വരം 49

വൈഷ്ണവീചക്രഭിന്നസ്യ രുധിരസ്രാവസംഭവൈഃ
സഹസ്രശോ ജഗദ് വ്യാപ്തം തത്പ്രമാണൈർ മഹാസുരൈഃ 50

ശക്ത്യാ ജഘാന കൗമാരീ വാരാഹീ ച തഥാസിനാ
മാഹേശ്വരീ ത്രിശൂലേന രക്തബീജം മാതാഡയത് 51

സ ചാപി ഗദയാ ദൈത്യഃ സർവ്വ ഏവാഹനത് പൃഥക്
മാതൃഃ കോപസമാവിഷ്ടോ രക്തബീജോ മഹാസുരഃ 52

തസ്യാഹതസ്യ ബഹുധാ ശക്തിശൂലാദിഭിർഭുവി
പപാത യോ വൈ രക്തൗഘസ്തേനാസഞ്ഛതശോഽസുരാഃ 53

തൈശ്ചാസുരാസൃക് സംഭൂതൈരസുരൈഃ സകലം ജഗത്
വ്യാപ്തമാസീത് തതോ ദേവാ ഭയമാജഗ്മുരുത്തമം 54

തതോ ബഭാഷിരേഽന്യോന്യം ദിവി ദിവ്യവിമാനനഗഃ
ന ചേദൃശഃ സംബഭുവ ഭവിതാ വാ മഹാസുരഃ 55

ന സാമ്പ്രതം വാ ജഗതി രക്തബീജമൃതേഽസുരം 56

താൻ വിഷണ്ണാൻ സുരാൻ ദൃഷ്ട്വാ ചണ്ഡികാ പ്രാഹ സത്വരാ
ഉവാച കാളീം ചാമുണ്ഡേ വിസ്തീർണ്ണം വദനം കുരു 57

മച്ഛസ്ത്രപാതസംഭൂതാൻ രക്തബിന്ദുൻ മഹാസുരാൻ
രക്തബിന്ദോഃ പ്രതീച്ഛ ത്വം വക്ത്രേണാനേന വേഗിനാ 58

ഭക്ഷയന്തീ ചര രണേ തദുത്പന്നാൻ മഹാസുരാൻ
ഏവമേഷ ക്ഷയം ദൈത്യഃ ക്ഷീണരക്തോ ഗമിഷ്യതി 59

ഭക്ഷ്യമാണാസ്ത്വയാ ചോഗ്രാ ന ചോത്പത്സ്യന്തി ചാപരേ
ഇത്യുക്ത്വാ താം തതോ ദേവീ ശൂലേനാഭിജഘാന തം 60

മുഖേന കാളീ ജഗൃഹേ രക്തബീജസ്യ ശോണിതം
തതോഽസാവാജഘാനാഥ ഗദയാ തത്ര ചണ്ഡികാം 61

ന ചാസ്യാ വേദനാം ചക്രേ ഗദാപാതോഽല്പികാമപി
തസ്യാഹതസ്യ ദേഹാത്തു ബഹു സുസ്രാവ ശോണിതം 62

യതസ്തതസ്തദ്വക്ത്രേണ ചാമുണ്ഡാ സമ്പ്രതീച്ഛതി
മുഖേ സമുദ്ഗതാ യേഽസ്യാ രക്തപാതാന്മഹാസുരാഃ 63

താംശ്ചഖാദാഥ ചാമുണ്ഡാ പപൗ തസ്യ ച ശോണിതം 64

ദേവീ ശൂലേന ചക്രേണ ബാണൈരസിഭിരൃഷ്ടിഭിഃ
ജഘാന രക്തബീജം തം ചാമുണ്ഡാപീതശോണിതം 65

സ പപാത മഹീപ്രിഷ്ഠേ ശസ്ത്രസംഘസമാഹതഃ
നീരക്തശ്ച മഹീപാല രക്തബീജോ മഹാസുരഃ 66

ഏവമേതേ ക്ഷമം നീതാ രക്തബീജസമുദ്ഭവാഃ 67

തതസ്തേ ഹർഷമതുലമവാപുസ്തിദശാ നൃപ
തേഷാം മാത്രുഗണോ യതോ നനർത്താസൃങ്മദോദ്ധതഃ 68

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ രക്തബീജവധോ നാമ അഷ്ടമോഽധ്യായഃ

രക്തബീജവധം എന്ന എട്ടാമദ്ധ്യായം സമാപ്തം

അഥ നവമോഽധ്യായഃ

ഒൻപതാം അദ്ധ്യായം

ധ്യാനം

ഓം ബന്ധുകകാഞ്ചനനിഭാം രുചിരാക്ഷമാലാം
പാശാങ്കുശൗ ച വരദാം നിജബാഹുദണ്ഡൈഃ
ബിഭ്രാണമിന്ദുശകലാഭരണം ത്രിനേത്ര
മർദ്ധാംബികേശമനിശം വപുരാശ്രയാമി |

ഓം രാജോവാച
വിചിത്രമിദമാഖ്യാതം ഭഗവൻ ഭവതാ മമ
ദേവ്യാശ്ചരിതമാഹാത്മ്യം രക്തബീജവധാശ്രിതം 1

ഭൂയശ്ചേച്ഛാമ്യഹം ശ്രോതും രക്തബീജേ നിപാതിതേ
ചകാര സുംഭോ യത് കർമ്മ നിസുംഭശ്ചാതികോപനഃ 2

ഋഷിരുവാച
ചകാര കോപമതുലം രക്തബീജേ നിപാതിതേ
സുംഭാസുരോ നിസുംഭശ്ച ഹതേഷ്വന്യേഷു ചാഹവേ 3

ഹന്യമാനം മഹാസൈന്യം വിലോക്യാമർഷമുദ്വഹൻ
അഭ്യധാവന്നിസുംഭോഽഥ മുഖ്യായാസുരസേനയാ 4

തസ്യാഗ്രതസ്തഥാ പൃഷ്ഠേ പാർശ്വയോശ്ച മഹാസുരാഃ
സന്ദഷ്ടോഷ്ഠപുടാഃ ക്രുദ്ധാ ഹന്തും ദേവീമുപായയുഃ 5

ആജഗാമ മഹാവീര്യഃ സുംഭോഽപി സ്വബലൈർവൃതഃ
നിഹന്തും ചണ്ഡികാം കോപാത് കൃത്വാ യുദ്ധം തു മാതൃഭിഃ 6

തതോ യുദ്ധമതീവാസീദ്ദേവ്യാ സുംഭനിസുംഭയോഃ
ശരവർഷമതീവോഗ്രം മേഘയോരിവ വർഷതോഃ 7

ചിച്ഛേദാസ്താഞ്ഛരാംസ്താഭ്യാം ചണ്ഡികാ സ്വശരോത്കരൈഃ
താഡയാമാസ ചാംഗേഷു ശസ്ത്രൗഘൈരസുരേശ്വരൗ 8

നിസുംഭോ നിശിതം ഖഡ്ഗം ചർമ്മ ചാദായ സുപ്രഭം
അതാഡയമൂർദ്ധി സിംഹം ദേവ്യാ വാഹനമുത്തമം 9

താഡിതേ വാഹനേ ദേവീ ക്ഷുരപ്രേണാസിമുത്തമം
നിസുംഭസ്യാശു ചിച്ഛേദ ചർമ്മ ചാപ്യഷ്ടചന്ദ്രകം 10

ഛിന്നേ ചർമ്മണി ഖഡ്ഗേ ച ശക്തിം ചിക്ഷേപ സോഽസുരഃ
താമപ്യസ്യ ദ്വിധാ ചക്രേ ചക്രേണാഭിമുഖാഗതാം 11

കോപാധ്മതോ നിസുംഭോഽഥ ശൂലം ജഗ്രാഹ ദാനവഃ
ആയാതം മുഷ്ടിപാതേന ദേവീ തച്ചാപ്യചൂർണ്ണയത് 12

ആവിദ്ധ്യാഥ ഗദാം സോഽപി ചിക്ഷേപ ചണ്ഡികാം പ്രതി
സാപി ദേവ്യാസ്ത്രിശൂലേന ഭിന്നാ ഭസ്മത്വമാഗതാ 13

തതഃ പരശുഹസ്തം തമായാന്തം ദൈത്യപുംഗവം
ആഹത്യ ദേവീ ബാണൗഘൈരപാതയത ഭൂതലേ 14

തസ്മിൻ നിപതിതേ ഭൂമൗ നിസുംഭേ ഭീമവിക്രമേ
ഭ്രാതര്യതീവ സംക്രുദ്ധഃ പ്രയയൗ ഹന്തുമംബികാം 15

സ രഥസ്ഥസ്തഥാത്യുച്ചൈർഗൃഹീതപരമായുധൈഃ
ഭുജൈരഷ്ടാഭിരതുലൈർവ്യപ്യാശേഷം ബഭൗ നഭഃ 16

തമായാന്തം സമാലോക്യ ദേവീ ശംഖമവാദയത്
ജ്യാശബ്ദം ചാപി ധനുഷശ്ചകാരാതീവ ദുസ്സഹം 17

പൂരയാമാസ കകുഭോ നിജഘണ്ടാസ്വനേന ച
സമസ്തദൈത്യസൈന്യാനാം തേജോവധവിധായിനാ 18

തതഃ സിംഹോ മഹാനാദൈസ്ത്യാജിതേഭമഹാമദൈഃ
പൂരയാമാസ ഗഗനം ഗാം തഥൈവ ദിശോ ദശ 19

തതഃ കാളീ സമുത്പത്യ ഗഗനം ക്ഷ്മാമതാഡയത്
കരാഭ്യാം തന്നിനാദേന പ്രാക് സ്വനാസ്തേ തിരോഹിതാഃ 20

അട്ടാട്ടഹാസമശിവം ശിവദൂതീ ചകാര ഹ
തൈഃ ശബ്ദൈരസുരാസ്ത്രസുഃ സുംഭഃ കോപം പരം യയൗ 21

ദുരാത്മംസ്തിഷ്ഠ തിഷ്ഠേതി വ്യാജഹാരാംബികാ യദാ
തദാ ജയേത്യഭിഹിതം ദേവൈരാകാശസംസ്ഥിതൈഃ 22

സുംഭേനാഗത്യ യാ ശക്തിർമുക്താ ജ്വാലാതിഭീഷണാ
ആയാന്തീ വഹ്നികൂടാഭാ സാ നിരസ്താ മഹോല്ക്കയാ 23

സിംഹനാദേന സുംഭസ്യ വ്യാപ്തം ലോകത്രയാന്തരം
നിർഘാതനിസ്വനോ ഘോരോ ജിതവാനവനീപതേ 24

സുംഭമുക്താഞ്ഛരാൻ ദേവീ സുംഭസ്തത്പ്രഹിതാഞ്ഛരാൻ
ചിച്ഛേദ സ്വശരൈരുഗ്രൈഃ ശരശോഽഥ സഹസ്രശഃ 25

തതഃ സാ ചണ്ഡികാ ക്രുദ്ധാ ശൂലേനാഭിജഘാന തം
സ തദാഽഭിഹതോ ഭൂമൗ മൂർച്ഛിതോ നിപപാത ഹ 26

തതോ നിസുംഭഃ സമ്പ്രാപ്യ ചേതനാമാത്തകാർമ്മുകഃ
ആജഘാന ശരൈർദേവീം കാളീം കേസരിണം തഥാ 27

പുനശ്ച കൃത്വാ ബാഹൂനാമയുതം ദനുജേശ്ചരഃ
ചക്രായുധേന ദിതിജശ്ഛാദയാമാസ ചണ്ഡികാം 28

തതോ ഭഗവതീ ക്രുദ്ധാ ദുർഗ്ഗാ ദുർഗ്ഗാർത്തിനാശിനീ
ചിച്ഛേദ താനി ചക്രാണി സ്വശരൈഃ സായകാംശ്ച താൻ 29

തതോ നിസുംഭോ വേഗേന ഗദാമാദായ ചണ്ഡികാം
അഭ്യധാവത വൈ ഹന്തും ദൈത്യസേനാസമാവൃതഃ 30

തസ്യാപതത ഏവാശു ഗദാം ചിച്ഛേദ ചണ്ഡികാ
ഖഡ്ഗേന ശിതധാരേണ സ ച ശൂലം സമാദദേ 31

ശൂലഹസ്തം സമായാന്തം നിസുംഭമമരാർദ്ദനം
ഹൃദി വിവ്യാധ ശൂലേന വേഗാവിദ്ധേന ചണ്ഡികാ 32

ഭിന്നസ്യ തസ്യ ശൂലേന ഹൃദയാന്നിസൃതോഽപരഃ
മഹാബലോ മഹാവീര്യസ്തിഷ്ഠേതി പരുഷോവദൻ 33

തസ്യ നിഷ്കാമതോ ദേവീ പ്രഹസ്യ സ്വനവത് തതഃ
ശിരശ്ചിച്ഛേദ ഖഡ്ഗേന തതോഽസാവപതദ്ഭുവി 34

തതസ്സിംഹശ്ചഖാദോഗ്രം ദംഷ്ട്രാക്ഷുണ്ണശിരോധരാൻ
അസുരാംസ്താംസ്തഥാ കാളീ ശിവദൂതീ തഥാഽപരാൻ 35

കൗമാരീശക്തിനിർഭിന്നാഃ കേചിന്നേശുർമ്മഹാസുരാഃ
ബ്രഹ്മാണീ മന്ത്രപൂതേന തോയേനാന്യേ നിരാകൃതാഃ 36

മാഹേശ്വരീത്രിശൂലേന ഭിന്നാഃ പേതുസ്തഥാഽപരേ
വാരാഹീതുണ്ഡഘാതേന കേചിച്ചൂർണ്ണീകൃതാ ഭുവി 37

ഖണ്ഡം ഖണ്ഡം ച ചക്രേണ വൈഷ്ണവ്യാ ദാനവാഃ കൃതാഃ
വജ്രണ ചൈന്ദ്രീഹസ്താഗ്രവിമുക്തേന തഥാഽപരേ 38

കേചിദ്വിനേശുരസുരാഃ കേചിന്നഷ്ടാ മഹാഹവാത്
ഭക്ഷിതാശ്ചാപരേ കാളീശിവദൂതീമൃഗാധിപൈഃ 39

ഇതി ശ്രീ മാർക്കണ്ഡേയപുരാണേ സാവർണ്ണിക മന്വന്തരേ
ദേവീമാഹാത്മ നിസുംഭവധോ നാമ നവമോഽധ്യായഃ

നിസുംഭവധം എന്ന ഒൻപദാമദ്ധ്യായം സമാപ്തം

അഥ ദശമോഽധ്യായഃ

പത്താം അദ്ധ്യായം

ധ്യാനം

ഓം ഉത്തപ്തഹേമരുചിരാം രവിചന്ദ്രവഹ്നി-
നേത്രാം ധനുശ്ശരയങ്ങ്കുശപാശശൂലം
രമ്യൈർഭുജൈശ്ച ദധതീം ശിവശക്തിരുപാം
കാമേശ്വരീം ഹൃദി ഭജാമി ധൃതേന്ദുലേഖാം

ഓം ഋഷിരുവാച
നിസുംഭം നിഹതം ദൃഷ്ട്വാ ഭ്രാതരം പ്രാണസമ്മിതം
ഹന്യമാനം ബലം ചൈവ സുംഭഃ ക്രുദ്ധോഽബ്രവീദ്വചഃ 1

ബലാവലേപാദ്ദുഷ്ടേ, ത്വം മാ ദുർഗ്ഗേ ഗർവ്വമാവഹ
അന്യാസാം ബലാമാശ്രിത്യ യുദ്ധ്യസേ യാതിമാനിനീ 2

ദേവ്യുവാച
ഏകൈവാഹം ജഗത്യത്ര ദ്വിതീയാ കാ മമാപരാ
പശ്യൈതാ ദുഷ്ട മയ്യേവ വിശന്ത്യോ മദ് വിഭൂതയഃ 3

ഋഷിരുവാച
തതഃ സമസ്താസ്താ ദേവ്യോ ബ്രഹ്മാണീപ്രമുഖാ ലയം
തസ്യാ ദേവ്യാസ്തനൗ ജഗ്മുരേകൈവാസീത് തദാഽംബികാ 4

ദേവ്യുവാച
അഹം വിഭൂത്യാ ബഹുഭിരിഹ രൂപൈർയദാസ്ഥിതാ
തത്സംഹൃതം മയകൈവ തിഷ്ഠാമ്യാജൗ സ്ഥിരോ ഭവ 5

ഋഷിരുവാച
തതഃ പ്രവവൃതേ യുദ്ധം ദേവ്യാഃ സുംഭസ്യ ചോഭയോഃ
പശ്യതാം സർവ്വദേവാനാമസുരാണാം ച ദാരുണാം 6

ശരവർഷൈഃ ശിതൈഃ ശസ്ത്രസ്തഥാ സ്ത്രൈശ്ചവ ദാരുണൈഃ
തയോർയുദ്ധമഭൂദ്ഭൂയഃ സർവ്വലോകഭയങ്കരം 7

ദിവ്യാന്യസ്ത്രാണി ശതശോ മുമുചേ യാന്യഥാംബികാ
ബഭഞ്ച താനി ദൈത്യേന്ദ്രസ്തത്പ്രതീഘാതകർതൃഭിഃ 8

മുക്താനി തേന ചാസ്ത്രാണി ദിവ്യാനി പരമേശ്വരീ
ബഭഞ്ച ലീലയെവോഗ്രഹുങ്കാരോച്ചാരണാദിഭിഃ 9

തതശ്ശരശതൈർദേവീമോച്ഛാദയത സോഽസുരഃ
സാ ച തത്കുപിതാ ദേവീ ധനുശ്ചിച്ഛേദ ചേഷുഭിഃ 10

ഛിന്നേ ധനുഷി ദൈത്യേന്ദ്രസ്തഥാ ശക്തിമഥാദദേ
ചിച്ഛേദ ദേവീ ചക്രേണ താമപ്യസ്യ കരേ സ്ഥിതാം 11

തതഃ ഖഡ്ഗമുപാദായ ശതചന്ദ്രം ച ഭാനുമത്
അഭ്യധാവത താം ദേവീം ദൈത്യനാമധിപേശ്വരഃ 12

തസ്യാപതത ഏവാശു ഖഡ്ഗം ചിച്ഛേദ ചണ്ഡികാ
ധനുർമുക്തൈശ്ശിതൈർബാണൈശ്ചർമ്മ ചാർക്കകരാമലം 13

ഹതാശ്വഃ സ തദാ ദൈത്യഃ ഛിന്നധന്വാ വിസാരഥിഃ
ജഗ്രാഹ മുദ്ഗരം ഘോരമംബികാനിധനോദ്യതഃ 14

ചിച്ഛേദാപതതസ്തസ്യ മുദ്ഗരം നിശിതൈശ്ശരൈഃ
തഥാപി സോഽഭ്യധാനത്താം മുഷ്ടിമുദ്യമ്യ വേഗവാൻ 15

സ മുഷ്ടിം പാതയാമാസ ഹൃദയേ ദൈത്യപുംഗവം
ദേവ്യാസ്തം ചാപി സാ ദേവീ തലേനോരസ്യതാഡയത് 16

തലപ്രഹാരാഭിഹതോ നിപപാത മഹീതലേ
സ ദൈത്യരാജഃ സഹസാ പുനരേവ തഥോത്ഥിതഃ 17

ഉത്പത്യ ച പ്രഗൃഹ്യോച്ചൈർദേവീം ഗഗനമാസ്ഥിതഃ
തത്രാപി സാ നിരാധാരാ യുയുധേ തേന ചണ്ഡികാ 18

നിയുദ്ധം ഖേ തദാ ദൈത്യശ്ചണ്ഡികാ ച പരസ്പരം
ചക്രതുഃ പ്രഥമം യുദ്ധം മുനിവിസ്മയകാരകം 19

തതോ നിയുദ്ധം സുചിരം കൃത്വാ തേനാംബികാ സഹ
ഉത്പാത്യ ഭ്രാമയാമാസ ചിക്ഷേപ ധരണീതലേ 20

സ ക്ഷിപ്താ ധരണീം പ്രാപ്യ മുഷ്ടിമുദ്യമ്യ വേഗതഃ
അഭ്യധാവത ദുഷ്ടാത്മാ ചണ്ഡികാനിധനേച്ഛയാ 21

തമായാന്തം തതോ ദേവീ സർവ്വദൈത്യജനേശ്വരം
ജഗത്യാം പാതയാമാസ ഭിത്വാ ശൂലേന വക്ഷസി 22

സ ഗതാസുഃ പപാതോർവ്യാം ദേവീ ശൂലാഗ്രവിക്ഷതഃ
ചാലയൻ സകലാം പൃഥ്വീം സാബ്ധിദ്വീപാം സപർവ്വതാം 23

തതഃ പ്രസന്നമഖിലം ഹതേ തസ്മിൻ ദുരാത്മനി
ജഗത്സ്വാസ്ഥ്യമതീവാപ നിർമ്മലം ചാഭവന്നഭഃ 24

ഉത്പാതമേഘാഃ സോല്ക്കായേ പ്രാഗാസംസ്തേ ശമം യയുഃ
സരിതോ മാർഗ്ഗവാഹിന്യസ്തഥാഽഽസംസ്തത്ര പാതിതേ 25

തതോ ദേവഗണാഃ സർവ്വേ ഹർഷനിർഭരമാനസാഃ
ബഭൂവുർനിഹതേ തസ്മിൻ ഗന്ധർവ്വാ ലളിതം ജഗുഃ 26

അവാദയംസ്തഥൈവാന്യേ നന്യതുശ്ചാപ്സരോഗണാഃ
വവുഃ പുണ്യാസ്തഥാ വാതാഃ സുപ്രഭോഽഭൂദ്ദിവാകരഃ 27

ജജ്വലുശ്ചാഗ്നയഃ ശാന്താഃ ശാന്താ ദിഗ്ജനിതസ്വനാഃ 28

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ്യ സുംഭവധോ നാമ ദശമോഽധ്യായഃ

സുംഭവധം എന്ന പത്താമദ്ധ്യായം സമാപ്തം.

അഥ ഏകാദശോഽധ്യായഃ

പതിനൊന്നാം അദ്ധ്യായം

ധ്യാനം

ഓം ബാലരവിദ്യുതിമിന്ദുകിരിടാം തുംഗകുചാം നയനത്രയയുക്താം
സ്മേരമുഖീം വരദാങ്കുശപാശാഭീതികരാം പ്രഭജേ ഭുവനേശീം

ഓം ഋഷിരുവാച
ദേവ്യാ ഹതേ തത്ര മഹാസുരേന്ദ്ര
സേന്ദ്രാഃ സുരാ വഹ്നിപുരോഗമാസ്താം
കാത്യായനീം തുഷ്ടുവുരിഷ്ടലാഭാദ്
വികാസിവക്ത്രാബ്ജവികാസിശിതാശാഃ 1

ദേവാ ഊചുഃ
ദേവീ, പ്രപന്നാർത്തിഹരേ പ്രസീദ
പ്രസീദ മാതർജഗതോഽഖിലസ്യ
പ്രസീദ വിശ്വേശ്വരി പാഹി വിശ്വം
ത്വമീശ്വരീ ദേവി ചരാചരസ്യ 2

ആധാരഭൂതാ ജഗതസ്ത്വമേകാ
മഹീസ്വരൂപേണ യതഃ സ്ഥിതാഽസി
അപാം സ്വരൂപസ്ഥിതയാ ത്വയൈത
ദാപ്യായതേ കൃത്സ്നമലംഘ്യവീര്യേ 3

ത്വം വൈഷ്ണവീശക്തിരനന്തവീര്യാ
വിശ്വസ്യ ബീജം പരമാഽസി മായാ
സമ്മോഹിതം ദേവി സമസ്തമേതത്
ത്വം വൈ പ്രസന്നാ ഭുവി മുക്തിഹേതുഃ 4

വിദ്യാഃ സമസ്താസ്തവ ദേവി ഭേദാഃ
സ്ത്രിയഃ സമസ്താഃ സകലാ ജഗത്സു
ത്വയൈകയാ പൂരിതമംബയൈതത്
കാ തേ സ്തുതിഃ സ്തവ്യപരാപരോക്തിഃ 5

സർവ്വഭൂതാ യദാ ദേവീ ഭുക്തിമുക്തിപ്രദായിനീ
ത്വം സ്തുതാ സ്തുതയേ കാ വാ ഭവന്തു പരമോക്തയഃ 6

സർവ്വസ്യ ബുദ്ധിരൂപേണ ജനസ്യ ഹൃദി സംസ്ഥിതേ
സ്വർഗ്ഗാപവർഗ്ഗദേ ദേവി നാരായണി നമോഽസ്തു തേ 7

കലാകാഷ്ഠാദിരൂപേണ പരിണാമപ്രദായിനി
വിശ്വസ്യോപരതൗ ശക്തേ നാരായണി നമോഽസ്തു തേ 8

സർവ്വമംഗളമാംഗല്യേ ശിവേ സർവ്വാർത്ഥസാധികേ
ശരണ്യേത്ര്യംബകേ ഗൗരി നാരായണി നമോഽസ്തു തേ 9

സൃഷ്ടിസ്ഥിതിവിനാശാനാം ശക്തിഭൂതേ സനാതനി
ഗുണാശ്രയേ ഗുണമയേ നാരായണി നമോഽസ്തു തേ 10

ശരണാഗതദീനാർത്ത പരിത്രാണപരായണേ
സർവ്വസ്യാർത്ഥി ഹരേ ദേവി നാരായണി നമോഽസ്തു തേ 11

ഹംസയുക്തവിമാനസ്ഥേ ബ്രഹ്മാണീരൂപധാരിണി
കൗശാംഭഃക്ഷരികേ ദേവി നാരായണി നമോഽസ്തു തേ 12

ത്രിശൂലചന്ദ്രാഹിധരേ മഹാവൃഷഭവാഹിനി
മാഹേശ്വരീസ്വരൂപേണ നാരായണി നമോഽസ്തുതേ 13

മയൂരകുക്കുടവൃതേ മഹാശക്തിധരേഽനഘേ
കൗമാരീരൂപസംസ്ഥാനേ നാരായണി നമോഽസ്തു തേ 14

ശംഖചക്രഗദാശാർങ്ഗഗൃഹീതപരമായുധേ
പ്രസീദ വൈഷ്ണവീരൂപേ നാരായണി നമോഽസ്തു തേ 15

ഗൃഹീതോഗ്രമഹാചക്രേ ദംഷ്ടോദ്ധൃതവസുന്ധരേ
വരാഹരൂപിണി ശിവേ നാരായണി നമോഽസ്തു തേ 16

നൃസിംഹരൂപേണോഗ്രേണ ഹന്തും ദൈത്യാൻ കൃതോദ്യമേ
ത്രൈലോക്യത്രാണസഹിതേ നാരായണി നമോഽസ്തു തേ 17

കിരീടിനി മഹാവജ്രേ സഹസ്രനയനോജ്ജ്വലേ
വൃത്രപ്രാണഹരേ ചൈന്ദ്രി നാരായണി നമോഽസ്തു തേ 18

ശിവദൂതീസ്വരൂപേണ ഹതദൈത്യമഹാബലേ
ഘോരരൂപേ മഹാരാവേ നാരായണി നമോഽസ്തു തേ 19

ദംഷ്ട്രാകരാളവദനേ ശിരോമാലാവിഭൂഷണേ
ചാമുണ്ഡേ മുണ്ഡമഥനേ നാരായണി നമോഽസ്തു തേ 20

ലക്ഷ്മി ലജ്ജേ മഹാവിദ്യേ ശ്രദ്ധേ പുഷ്ടി സ്വധേ ധ്രുവേ
മഹാരാത്രി മഹാമായേ നാരായണി നമോഽസ്തു തേ 21

മേധേ സരസ്വതി വരേ ഭൂതി ബാഭ്രവി താമസി
നിയതേ ത്വം പ്രസീദേശേ നാരായണി നമോഽസ്തുതേ 22

സർവ്വസ്വരൂപേ സർവ്വേശേ സർവ്വശക്തിസമന്വിതേ
ഭയേഭ്യസ്ത്രാഹി നോ ദേവി ദുർഗ്ഗേ ദേവി നമോഽസ്തു തേ 23

ഏതത് തേ വദനം സൗമ്യം ലോചനത്രയഭൂഷിതം
പാതു നഃ സർവ്വഭൂതേഭ്യഃ കാത്യായനി നമോഽസ്തു തേ 24

ജ്വാലാകരാളമത്യുഗ്രമശേഷാസുരസൂദനം
ത്രിശൂലം പാതു നോ ഭീതേർ ഭദ്രകാളി നമോഽസ്തു തേ 25

ഹിനസ്തി ദൈത്യതേജാംസി സ്വനേനാപൂര്യ യാ ജഗത്
സാ ഘണ്ടാ പാതു നോ ദേവി പാപേഭ്യോ നഃ സുതാനിവ 26

അസുരാസൃഗ്വസാപങ്കചർച്ചിതസ്തേ കരോജ്ജ്വലഃ
ശുഭായ ഖഡ്ഗോ ഭവതു ചണ്ഡികേ ത്വാം നതാ വയം 27

രോഗാനശേഷാനപഹംസി തുഷ്ടാ
രുഷ്ടാ തു കാമാൻ സകലാനഭീഷ്ടാൻ
ത്വാമാശ്രിതാനാം ന വിപന്നരാണാം
ത്വാമാശ്രിതാ ഹ്യാശ്രയതാം പ്രയാന്തി 28

ഏതത് കൃതം യദ് കദനം ത്വയാഽദ്യ
ധർമ്മദ്വിഷാം ദേവി മഹാസുരാണാം
രൂപൈരനേകൈർബഹുധാഽഽത്മമൂർത്തിം
കൃത്വാഽംബികേ, തത് പ്രകരോതി കാഽന്യാ 29

വിദ്യാസു ശാസ്ത്രേഷു വിവേകദീപേ
ഷ്വാദ്യേഷു വാക്യേഷു ച കാ ത്വദന്യാ
മമത്വഗർത്തേഽതിമഹാന്ധകാരേ
വിഭ്രാമയത്യേതദതീവ വിശ്വം 30

രക്ഷാംസി യത്രോഗ്രവിഷാശ്ച നാഗാ
യത്രാരയോ ദസ്യുബലാനി യത്ര
ദാവാനലോ യത്ര തഥാബ്ധിമധ്യേ
തത്ര സ്ഥിതാ ത്വം പരിപാസി വിശ്വം 31

വിശ്വേശ്വരി ത്വം പരിപാസി വിശ്വം
വിശ്വാത്മികാ ധാരയസീതി വിശ്വം
വിശ്വേശവന്ദ്യാ ഭവതീ ഭവന്തി
വിശ്വാശ്രയാ യേ ത്വയി ഭക്തിനമ്രാഃ 32

ദേവി പ്രസീദ പരിപാലയ നോഽരിഭീതേർ-
നിത്യം യഥാസുരവധാദധുനൈവ സദ്യഃ
പാപാനി സർവ്വജഗതാം പ്രശമം നയാശു
ഉത്പാതപാകജനിതാംശ്ച മഹോപസർഗാൻ 33

പ്രണതാനാം പ്രസീദ ത്വം ദേവി വിശ്വാർത്തിഹാരിണി
ത്രൈലോക്യവാസി നാമീഡ്യേ ലോകാനാം വരദാ ഭവ 34

ദേവ്യുവാച
വരദാഹം സുരഗണാ വരം യന്മനസേച്ഛഥ
തം വൃണുദ്ധ്വം പ്രയച്ഛാമി ജഗതാമുപകാരകം 35

ദേവാ ഊചുഃ
സർവ്വബാധാപ്രശമനം ത്രൈലോക്യസ്യാഖിലേശ്വരി
ഏവമേവ ത്വയാ കാര്യമസ്മദ്വൈരിവിനാശനം 36

ദേവ്യുവാച
വൈവസ്വതേഽന്തരേ പ്രാപ്തേ അഷ്ടവിംശതിമേ യുഗേ
സുംഭോ നിസുംഭശ്ചവാന്യാവുത്പത്സ്യേതേ മഹാസുരൗ 37

നന്ദഗോപഗൃഹേ ജാതാ യശോദാഗർഭസംഭവാ
തതസ്തൗ നാശയിഷ്യാമി വിന്ധ്യാചലനിവാസിനീ 38

പുനരപ്യതിരൗദ്രേണ രൂപേണ പൃഥിവീതലേ
അവതീര്യ ഹനിഷ്യാമി വൈപ്രചിത്താംശ്ച ദാനവാൻ 39

ഭക്ഷയന്ത്യാശ്ച താനുഗ്രാൻ വൈപ്രചിത്താൻ മഹാസുരാൻ
രക്താ ദന്താ ഭവിഷ്യന്തി ദാഡിമീകുസുമോപമാഃ 40

തതോ മാം ദേവതാഃ സ്വർഗ്ഗേ മർത്ത്യലോകേ ച മാനവാഃ
സ്തുവന്തോ വ്യാഹരിഷ്യന്തി സതതം രക്തദന്തികാം 41

ഭൂയശ്ച ശതവാർഷിക്യാമനാവൃഷ്ട്യാമനംഭസി
മുനിഭിഃ സംസ്തുതാ ഭൂമൗ സംഭവിഷ്യാമ്യയോനിജാ 42

തതഃ ശതേന നേത്രാണാം നിരീക്ഷിഷ്യാമി യന്മുനീൻ
കീർത്തയിഷ്യന്തി മനുജാശ്ശതാക്ഷീമിതി മാം തതഃ 43

തതോഽഹമഖിലം ലോകമാത്മദേഹസമുദ്ഭവൈഃ
ഭരിഷ്യാമി സുരാഃ ശാകൈരാവൃഷ്ടഃ പ്രാണധാരകൈഃ 44

ശാകംഭരീതി വിഖ്യാതിം തന്മേ നാമ ഭവിഷ്യതി 45

തത്രൈവ ച വധിഷ്യാമി ദുർഗ്ഗമാഖ്യം മഹാസുരം
ദുർഗ്ഗാദേവീതി വിഖ്യാതം തന്മേ നാമ ഭവിഷ്യതി 46

പുനശ്ചാഹം യദാ ഭീമം രൂപം കൃത്വാ ഹിമാചലേ
രക്ഷാംസി ഭക്ഷയിഷ്യാമി മുനീനാം ത്രാണകാരണാത് 47

തദാ മാം മുനയഃ സർവ്വേ സ്തോഷ്യന്ത്യാനമ്രമൂർത്തയഃ
ഭീമാദേവീതി വിഖ്യാതം തന്മേ നാമ ഭവിഷ്യതി 48

യദാരുണാഖ്യസ്ത്രൈലോക്യേ മഹാബാധാം കരിഷ്യതി
തദാഹം ഭ്രാമരം രൂപം കൃത്വാഽസങ്ഖയേയഷട്പദം 49

ത്രൈലോക്യസ്യ ഹിതാർത്ഥായ വധിഷ്യാമി മഹാസുരം
ഭ്രാമരീതി ച മാം ലോകാസ്തദാ സ്തോഷ്യന്തി സർവ്വതഃ 50

ഇത്ഥം യദാ യദാ ബാധാ ദാനവോത്ഥാ ഭവിഷ്യതി
തദാ തദാവതീര്യാഹം കരിഷ്യാമ്യരിസംക്ഷയം 51

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ നാരായണിസ്തൃതിർനാമ ഏകാദശോഽധ്യായഃ

”നാരായണി സ്തുതി’ എന്ന പതിനൊന്നാമദ്ധ്യായം സമാപ്തം.

അഥ ദ്വാദശോഽധ്യായഃ

പന്ത്രണ്ടാം അദ്ധ്യായം

ധ്യാനം

ഓം വിദ്യുദ്ദാമസമപ്രഭാം മൃഗപതിസ്കന്ധസ്ഥിതാം ഭീഷണാം
കന്യാഭിഃ കരവാളഖേടവിലസദ്ധസ്താഭിരാസേവിതാം
ഹസ്തൈശ്ചക്രഗദാസിഖേടവിശിഖാംശ്ചാപം ഗുണം തർജ്ജനീം ബിഭ്രാണാമനലാത്മികാം ശശിധരാം ദുർഗ്ഗാം ത്രിണേത്രാം ഭജേ |

ഓം ദേവ്യുവാച
ഏഭിഃ സ്തവൈശ്ച മാം നിത്യം സ്തോഷ്യതേ യഃ സമാഹിതഃ
തസ്യാഹം സകലാം ബാധാം നാശയിഷ്യാമ്യസംശയം 1

മധുകൈടഭനാശം ച മഹിഷാസുരഘാതനം
കീർത്തയിഷ്യന്തി യേ തദ്വദ്‌വധം സുംഭനിസുംഭയോഃ 2

അഷ്ടമ്യാം ച ചതുർദശ്യാം നവ്യമാം ചൈകചേതസഃ
ശ്രോഷ്യന്തി ചൈവ യേ ഭക്ത്യാ മമ മാഹാത്മ്യമുത്തമം 3

ന തേഷാം ദുഷ്കൃതം കിഞ്ചിത് ദുഷ്കൃതോത്ഥാ ന ചാപദഃ
ന ഭവിഷ്യതി ദാരിദ്ര്യം ന ചൈവേഷ്ടവിയോജനം 4

ന ശത്രുതോ ഭയം തസ്യ ദസ്യുതോ വാ ന രാജതഃ
ന ശസ്താനലതോയൗഘാത് കദാചിത് സംഭവിഷ്യതി 5

തസ്മാന്മമൈതന്മാഹാത്മ്യം പഠിതവ്യം സമാഹിതൈഃ
ശ്രോതവ്യം ച സദാ ഭക്ത്യാ പരം സ്വസ്ത്യയനം മഹത് 6

ഉപസർഗ്ഗാനശേഷാംസ്തു മഹാമാരീസമുദ്ഭവാൻ
തഥാ ത്രിവിധമുത്പാതം മാഹാത്മ്യം ശമയേന്മമ 7

യത്രൈതത് പഠ്യതേ സമ്യങ്നിത്യമായതനേ മമ
സദാ നതദ്വിമോക്ഷ്യാമി സാന്നിധ്യം തത്ര മേ സ്ഥിരം 8

ബലിപ്രദാനേ പൂജായാമഗ്നികാര്യേ മഹോത്സവേ
സർവ്വം മമൈതച്ചരിതമുച്ചാര്യം ശ്രാവ്യമേവ ച 9

ജാനതാഽജാനതാ വാഽപി ബലിപൂജാം തഥാ കൃതാം
പ്രതീച്ഛിഷ്യാമ്യഹം പ്രീത്യാ വഹ്നിഹോമം തഥാകൃതം 10

ശരത്കാലേ മഹാപൂജാ ക്രിയതേ യാ ച വാർഷികീ
തസ്യാം മമൈതന്മാഹാത്മ്യം ശ്രുത്വാ ഭക്തിസമന്വിതഃ 11

സർവ്വബാധാവിനിർമുക്തോ ധനധാന്യസുതാന്വിതഃ
മനുഷ്യോ മത്പ്രസാദേന ഭവിഷ്യതി ന സംശയഃ 12

ശ്രുത്വാ മമൈതന്മാഹാത്മ്യം തഥാ ചോത്പത്തയഃ ശുഭാഃ
പരാക്രമം ച യുദ്ധേഷു ജായതേ നിർഭയ പുമാൻ 13

രിപവസ്സംക്ഷയം യാന്തി കല്യാണം ചോപപദ്യതേ
നന്ദതേ ച കുലം പുംസാം മാഹാത്മ്യം മമ ശൃണ്വതാം 14

ശാന്തികർമ്മണി സർവ്വത്ര തഥാ ദുഃസ്വപ്നദർശനേ
ഗ്രഹപീഡാസു ചോഗ്രാസു മാഹാത്മ്യം ശൃണുയാന്മമ 15

ഉപസർഗ്ഗാ ശമം യാന്തി ഗ്രഹപീഡാശ്ച ദാരുണാഃ
ദുഃസ്വപ്നം ച നൃഭിർദൃഷ്ടം സുസ്വപ്നമുപജായതേ 16

ബാലഗ്രഹാഭിഭൂതാനാം ബാലാനാം ശാന്തികാരകം
സങ്ഘാതഭേദേ ച നൃണാം മൈത്രീകരണമുത്തമം 17

ദുർവൃത്താനാമശേഷാണാം ബലഹാനികരം പരം
രക്ഷോഭൂതപിശാചാനാം പഠനാദേവ നാശനം 18

സർവ്വം മമൈതന്മാഹാത്മ്യം മമ സന്നിധികാരകം
പശുപുഷ്പാർഘ്യധൂപൈശ്ച ഗന്ധദീപൈസ്തഥോത്തമഃ 19

വിപ്രാണാം ഭോജനൈർഹോമൈഃ പ്രോക്ഷണീയൈരഹർന്നിശം
അനൈശ്ച വിവിധൈർഭോഗൈഃ പ്രദാനൈർവത്സരേണ യാ 20

പ്രീതിർമേ ക്രിയതേ സാസ്മിൻ സമൃദുച്ചരിതേ ശ്രുതേ
ശ്രുതം ഹരതി പാപാനി തഥാഽഽരോഗ്യം പ്രയച്ഛതി 21

രക്ഷാം കരോതി ഭൂതോഭ്യോ ജന്മനാം കീർത്തനം മമ
യുദ്ധേഷു ചരിതം യന്മേ ദുഷ്ടദൈത്യനിബ്രർഹണം 22

തസ്മിൻ ശ്രുതേ വൈരികൃതം ഭയം പുംസാം ന ജായതേ
യുഷ്മാഭിഃ സ്തുതയോ യാശ്ച യാശ്ച ബ്രഹ്മർഷിഭിഃ കൃതാഃ 23

ബ്രഹ്മണാ ച കൃതാസ്താസ്തു പ്രയച്ഛന്തി ശുഭാം മതിം
അരണ്യേ പ്രാന്തരേ വാഽപി ദാവാഗ്നിപരിവാരിതഃ 24

ദസ്യൂഭിർവ്വാ വൃതഃ ശൂന്യേ ഗൃഹീതോ വാഽപി ശത്രുഭിഃ
സിംഹവ്യാഘ്രാനുയാതോ വാ വനേ വാ വനഹസ്തിഭിഃ 25

രാജ്ഞാ ക്രുദ്ധേന ചാജ്ഞപ്തോ വധ്യോ ബന്ധഗതോഽപി വാ
ആഘൂർണ്ണിതോ വാ വാതേന സ്ഥിതഃ പോതേ മഹാർണ്ണവേ 26

പതത്സു ചാപി ശസ്ത്രേഷു സംഗ്രാമേ ഭൃശദാരുണേ
സർവ്വബാധാസു ഘോരാസു വേദനാഭ്യർദ്ദിതോഽപി വാ 27

സ്മരൻ മമൈതച്ചരിതം നരോ മുച്യേത സങ്കടാത്

മമ ഭാവാത് സിംഹാദ്യാ ദസ്യവോ വൈരിണസ്തഥാ
ദൂരാദേവ പലായന്തേ സ്മരതശ്ചരിതം മമ 28

ഋഷിരുവാച
ഇത്യുക്ത്വാ സാ ഭഗവതീ ചണ്ഡികാ ചണ്ഡവിക്രമാ
പശ്യതാം സർവ്വദേവാനാം തത്രൈവാന്തരധീയത 29

തേഽപി ദേവാ നിരാതങ്കാ സ്വാധികാരാൻ യഥാ പുരാ
യജ്ഞഭാഗഭുജഃ സർവ്വേ ചക്രുർവ്വിനിഹതാരയഃ 30

ദൈത്യാശ്ച ദേവ്യാ നിഹതേ സുംഭേ ദേവരിപൗ യുധി
ജഗദ് വിധ്വംസകേ തസ്മിൻ മഹോഗ്രേഽതുലവിക്രമേ
നിസുംഭേ ച മഹാവീര്യേ ശേഷാഃ പാതാളമായയുഃ 31

ഏവം ഭഗവതീ ദേവീ സാ നിത്യാപി പുനഃ പുനഃ
സംഭൂയ കുരുതേ ഭൂപ ജഗതഃ പരിപാലനം 32

തയൈതന്മോഹ്യതേ വിശ്വം സൈവ വിശ്വം പ്രസൂയതേ
സാഽയാചിതാ ച വിജ്ഞാനം തുഷ്ടാ ഋദ്ധിം പ്രയച്ഛതി 33

വ്യാപ്തം തയൈതത് സകലം ബ്രഹ്മാണ്ഡം മനുജേശ്വര
മഹാകാള്യാ മഹാകാലേ മഹാമാരീസ്വരൂപയാ 34

സൈവ കാലേ മഹാമാരീ സൈവ സൃഷ്ടിർഭവത്യജാ
സ്ഥിതിം കരോതി ഭൂതാനാം സൈവ കാലേ സനാതനീ 35

ഭവകാലേ നൃണാം സൈവ ലക്ഷ്മീർവൃദ്ധിപ്രദാ ഗൃഹേ
സൈവഭാവേ തഥാലക്ഷ്മീർ വിനാശായോപജായതേ 36

സ്തുതാ സംപൂജിതാ പുഷ്പൈർധൂപഗന്ധാദിഭിസ്തഥാ
ദദാതി വിത്തം പുത്രാംശ്ച മതിം ധർമ്മേ ഗതിം ശുഭാം 37

ഇതി ശ്രീമാർക്കണ്ഡേയപുരാണേ സാവർണ്ണികേ മന്വന്തരേ
ദേവീമാഹാത്മ്യ ദേവിചരിത മാഹാത്മ്യം നാമ ദ്വാദശോഽധ്യായഃ

ദേവിചരിത മാഹാത്മ്യം എന്ന പന്ത്രണ്ടാമദ്ധ്യായം സമാപ്തം

അഥ ത്രയോദശോഽധ്യായഃ

പതിമൂന്നാം അദ്ധ്യായം

ധ്യാനം

ഓം ബാലാർക്കമണ്ഡലാഭാസാം ചതുർബാഹും ത്രിലോചനാം
പാശാങ്കുശവരാഭീതീർ ധാരയന്തീം ശിവാം ഭജേ

ഓം ഋഷിരുവാച
ഏതത് തേ കഥിതം ഭൂപ, ദേവീമാഹാത്മ്യമുത്തമം
ഏവംപ്രഭാവാ സാ ദേവീ യയേദം ധാര്യതേ ജഗത് 1

വിദ്യാ തഥൈവാ ക്രിയതേ ഭഗവദ്വിഷ്ണുമായയാ
തയാ ത്വമേഷ വൈശ്യശ്ച തഥൈവാന്യേഽവിവേകിനഃ 2

മോഹ്യന്തേ മോഹിതാശ്ചൈവ മോഹമേഷ്യന്തി ചാപരേ
താമുപൈഹി മഹാരാജ ശരണം പരമേശ്വരീം 3

ആരാധിതാ സൈവ നൃണാം ഭോഗസ്വർഗ്ഗാപവർഗ്ഗദാ 4

മാർകണ്ഡേയ ഉവാച
ഇതി തസ്യ വചഃ ശ്രുത്വാ സുരഥഃ സ നരാധിപഃ
പ്രണിപത്യ മഹാഭാഗം തമൃഷിം സംശിതവ്രതം 5

നിർവ്വിണ്ണോഽതിമമത്വേന രാജ്യാപഹരണേന ച
ജഗാമ സദ്യസ്തപസേ സ ച വൈശ്യോ മഹാമുനേ 6

സന്ദർശനാർത്ഥമംബായാ നദീപുളിനമാസ്ഥിതഃ
സ ച വൈശ്യസ്തപസ്തേപേ ദേവീസൂക്തം പരം ജപൻ 7

തൗ തസ്മിൻ പുളിനേ ദേവ്യാഃ കൃത്വാ മൂർത്തിം മഹിമയീം
അർഹണാം ചക്രതുസ്തസ്യാഃ പുഷ്പധൂപാഗ്നി തർപ്പണൈഃ 8

നിരാഹാരൗ യതാഹാരൗ തന്മനസ്കൗ സമാഹിതൗ
ദദതുസ്തൗ ബലിം ചൈവ നിജഗാത്രാസൃഗുക്ഷിതം 9

ഏവം സമാരാധയതോസ്ത്രിഭിർവർഷൈർയതാത്മനോഃ
പരിതുഷ്ടാ ജഗദ്ധാത്രീ പ്രത്യക്ഷം പ്രാഹ ചണ്ഡികാ 10

ദേവ്യുവാച
യത്പ്രാർത്ഥ്യതേ ത്വയാ ഭൂപ ത്വയാ ച കുലനന്ദന
മതസ്തത് പ്രാപ്യതാം സർവ്വം പരിതുഷ്ടാ ദദാമി വാം 11

മാർകണ്ഡേയ ഉവാച
തതോ വവ്രേ നൃപോ രാജ്യമവിഭ്രംശ്യന്യജന്മനി
അത്രൈവ ച നിജം രാജ്യം ഹതശത്രുബലം ബലാത് 12

സോഽപി വൈശ്യസ്തതോ ജ്ഞാനം വവ്രേ നിർവ്വിണ്ണമാനസഃ
മമേത്യഹമിതി പ്രാജ്ഞഃ സംഗവിച്യുതികാരകം 13

ദേവ്യുവാച
സ്വല്പൈരഹോഭിർ നൃപതേ, സ്വം രാജ്യം പ്രാപ്ത്യതേ ഭവാൻ
ഹത്വാപിരൂനസ്ഖലിതം തവ തത്ര ഭവിഷ്യതി 14

മൃതശ്ച ഭൂയഃ സമ്പ്രാപ്യ ജഗ്മ ദേവാദ് വിവസ്വതഃ
സാവർണ്ണികോ നാമ മനുർഭവാൻഭുവി ഭവിഷ്യതി 15

വൈശ്യവര്യ ത്വയാ യശ്ച വരോഽസ്മത്തോഽഭിവാഞ്ഛിതഃ
തം പ്രയച്ഛമി സംസിദ്ധ്യേൈ തവ ജ്ഞാനം ഭവിഷ്യതി 16

മാർക്കണ്ഡേയ ഉവാച
ഇതി ദത്വാ തയോർദ്ദേവീ യഥാഭിലഷിതം വരം
ബഭൂവാന്തർഹിതാ സദ്യോ ഭക്ത്യാ താഭ്യാമഭിഷ്ടുതാ 17

ഏവം ദേവ്യാ വരം ലബ്ധ്വാ സുരഥഃ ക്ഷത്രിയർഷഭഃ
സൂര്യാജ്ജന്മ സമാസാദ്യ സാവർണ്ണിർഭവിതാ മനുഃ 18

ഏവം ദേവ്യാ വരം ലബ്ധ്വാ സുരഥഃ ക്ഷത്രിയർഷഭഃ
സൂര്യാജ്ജന്മ സമാസാദ്യ സാവർണ്ണിർഭവിതാ മനുഃ 19

ഇതി ശ്രീമാർകണ്ഡേയപുരാണേ സാവർണ്ണികേ മന്വന്തരേ ദേവീമാഹാത്മ്യസുരഥവൈശ്യയോവരപ്രദാനം നാമ ത്രയോദശോഽധ്യായഃ

സുരഥവൈശ്യയോവരലാഭം എന്ന പതിമൂന്നാമദ്ധ്യായം സമാപ്തം.

ക്ഷമാപണം

ജപോ ജല്പഃ ശില്പം സകലമപി മുദ്രാവിരചനാ
ഗതിഃ പ്രാദാക്ഷിണ്യക്രമണമശനാദ്യാഹുതിവിധിഃ
പ്രണാമസ്സംവേശസ്സുഖമഖിലമാത്മാർപ്പണദൃശാ
സപര്യാ പര്യായസ്തവഭവതുയന്മേ വിലസിതം.